ಮೌನವೇ ರಾಗ

2012-01-06T19:21:00.000-08:00

ಸೆಝ್‌ಗಾಗಿ ನೇತ್ರಾವತಿಗೆ ಮತ್ತೆ ಕನ್ನ

....................................................................................

ಅರೇ ಇದೇನಿದು ಬಳ್ಳಾರಿಯೋ.. ಅಥವಾ ಬಂಟ್ವಾಳವೋ...? ಹೀಗೊಂದು ಸಂಶಯ ಹುಟ್ಟು ಹಾಕುವಂತಿದೆ ಬಂಟ್ವಾಳ ತಾಲೂಕಿನ ಸರಪಾಡಿ ಪರಿಸರ. ಇಲ್ಲಿನ ಪ್ರಾಕೃತಿಕ ಸಂಪನ್ಮೂಲಗಳನ್ನು ಬಳಸಿಕೊಂಡು, ಅಭಿವೃದ್ದಿಯ ಹೆಸರಿನಲ್ಲಿ ಸಂಕಷ್ಟಕೊಡುವ ಮಂಗಳೂರು ಎಸ್‌ಇಜೆಡ್ ನ ಮಹತ್ತರ ಯೋಜನೆಯೊಂದು ಪ್ರಸ್ತುತ ಸರಪಾಡಿ ನೇತ್ರಾವತಿ ನದಿ ತಟದಲ್ಲಿ ನಡೆಯುತ್ತಿದ್ದು ಗ್ರಾಮಸ್ಥರನ್ನು ಆತಂಕಕ್ಕೆ ತಳ್ಳಿದೆ.

ಗ್ರಾಮೀಣ ಪ್ರದೇಶದ ಜನರ ಆಶೋತ್ತರಗಳನ್ನು ಈಡೇರಿಸುತ್ತೇವೆ, ಸ್ಥಳೀಯ ಪ್ರದೇಶದ ಅಭಿವದ್ದಿಯೊಂದಿಗೆ ಪರಿಸರದ ಸಂಪನ್ಮೂಲಕ್ಕೆ ಧಕ್ಕೆಯಾಗದಂತೆ ಕಂಪೆನಿಯನ್ನು ನಡೆಸುತ್ತೇವೆ ಎಂಬ ಭರವಸೆ ನೀಡಿ , ಫಲವತ್ತಾದ ಕೃಷಿ ಭೂಮಿಗಳನ್ನು ಖರೀದಿಸಿ, ಕಬಳಿಸಿ ಹಲವು ಕಂಪೆನಿಗಳು ಇಂದು ಗ್ರಾಮೀಣ ಪ್ರದೇಶದಲ್ಲಿ ತಲೆ ಎತ್ತಿವೆ. ಕಂಪೆನಿ ಪ್ರಾರಂಭಗೊಂಡ ಬಳಿಕ ಕೇವಲ ಕಂಪೆನಿಯ ಹಿತ ಸಾಧನೆಯನ್ನು ಮಾತ್ರ ಗಮನದಲ್ಲಿಟ್ಟುಕೊಂಡು, ಸ್ಥಳೀಯ ಪ್ರಾಕೃತಿಕ ಸಂಪನ್ಮೂಲವನ್ನು ಉಚಿತವಾಗಿ ಸ್ವಂತಕ್ಕೆ ಬಳಸಿಕೊಂಡು ಪ್ರದೇಶದ ಅಭಿವದ್ದಿಯ ಹೆಸರಿನಲ್ಲಿ ಇರುವ ಪ್ರದೇಶವನ್ನು ಹಾನಿ ಮಾಡಿದ ಕಂಪೆನಿಗಳ ಉದಾಹಣೆಗಳು ನಮ್ಮ ಮುಂದೆ ಅದೆಷ್ಟೋ ಇದೆ.

ವಿದ್ಯುತ್ ಉತ್ಪಾದನೆಯ ನೆಪದಲ್ಲಿ ತಾಲೂಕಿನ ಶಂಭೂರಿನಲ್ಲಿ ನಿಮಾ೯ಣಗೊಂಡ ಎಎಂಆರ್ ಪವರ್ ಪ್ರಾಜೆಕ್ಟ್ ಸಂಸ್ಥೆ ಆರಂಭದಲ್ಲಿ ಇಲ್ಲಿನ ಗ್ರಾಮಸ್ಥರಿಗೂ ಇದೇ ಭರವಸೆ ನೀಡಿತ್ತು. ಆದರೆ ಕಂಪೆನಿ ಪ್ರಾರಂಭಗೊಂಡ ಬಳಿಕ ಕೃಷಿ ಭೂಮಿ ಕಳಕೊಂಡವರು ಪರಿಹಾರ ಧನಕ್ಕಾಗಿ ಪರದಾಡಿದ ಸ್ಥಿತಿ, ಬಂಡೆ ಸ್ಪೋಟದಿಂದ ಮನೆಗಳು ಬಿರುಕು ಬಿಟ್ಟು ಅದುರಿದ ರೀತಿ, ಕಂಪೆನಿಯ ವಾಹನಗಳ ಸಂಚಾರದಿಂದ ಇದ್ದ ರಸ್ತೆಯನ್ನು ಕಳಕೊಂಡು ಹದಗೆಟ್ಟ ರಸ್ತೆಯಲ್ಲಿ ಪ್ರಯಾಣಿಸುವ ಭಾಗ್ಯ, ನದಿನೀರಲ್ಲಿ ಪ್ರಾಣಹಾನಿ... ಹೀಗೆ ಸದ್ರಿ ಪರಿಸರದ ಮಂದಿ ವಿದ್ಯುತ್ ನ ಹೆಸರಿನಲ್ಲಿ ಪಡೆದದ್ದು ಬರಿಯ "ಶಾಕ್" ಮಾತ್ರ.

ಇತ್ತ ಸರಪಾಡಿ ಗ್ರಾಮದ ಪೆಲ೯ದಲ್ಲಿ ಸ್ಥಾಪನೆಗೊಂಡ ಎಂಆರ್‌ಪಿಎಲ್ ಸಂಸ್ಥೆಯು ಕೂಡ ಸ್ಥಳೀಯ ಪ್ರದೇಶಾಭಿವದ್ದಿ ಮಾಡುತ್ತೇವೆ ಎಂಬ ಭರವಸೆಯೊಂದಿಗೆ ಇಲ್ಲಿ ಕಾರ್ಯರಂಭ ಮಾಡಿತ್ತು. ಆದರೆ ಬಳಿಕ ಇದ್ದ ಸಂಪಕ೯ ರಸ್ತೆಯನ್ನು ಉಳಿಸಿಕೊಳ್ಳಲು ಕಂಪೆನಿಯ ವಿರುದ್ದವೇ ಗ್ರಾಮಸ್ಥರು ಪ್ರತಿಭಟನೆ ನಡೆಸುವಂತಾಯಿತು. ಈ ಎರಡೂ ಘಟನೆಗಳಲ್ಲೂ ಭೂಮಿ ಕೊಟ್ಟ ತಪ್ಪಿಗೆ ಕಂಪೆನಿಯ ವಿರುದ್ದ ಹೋರಾಟ ನಡೆಸಲಾಗದೆ ಗ್ರಾಮಸ್ಥರು ಪರಿತಪಿಸುವಂತಾಯಿತು.

ದುರದೃಷ್ಟವೆಂದರೆ ಸರಪಾಡಿ ಪರಿಸರದಲ್ಲಿ ಮತ್ತೆ ಅದೇ ತೆರನಾದ ಸಮಸ್ಯೆ ಎದುರಾಗಿದೆ. ಮಂಗಳೂರು ವಿಶೇಷ ವಿತ್ತ ವಲಯಕ್ಕೆ ಸಂಬಂಧಿಸಿದ ಬೃಹತ್ ಕಾಮಗಾರಿಯೊಂದು ಇಲ್ಲಿ ಕಳೆದ ಕೆಲ ದಿನಗಳಿಂದ ಸದ್ದಿಲ್ಲದೆ ನಡೆಯುತ್ತಿದೆ. ನಾಗರೀಕರು ಈ ಬಗ್ಗೆ ಅಂತೆ ಕಂತೆಗಳ ಸುದ್ದಿ ಮಾತನಾಡುವಂತಾಗಿದೆಯೇ ಹೊರತು ಸತ್ಯಾಂಶ ಯಾರಿಗೂ ಗೊತ್ತಿಲ್ಲ..!

ಏನಿದು ಯೋಜನೆ..?

ಮಂಗಳೂರು ವಿಶೇಷ ಆಥಿ೯ಕಾವಲಯಕ್ಕೆ ತಾಲೂಕಿನ ನೇತ್ರಾವತಿಯ ನೀರೇ ಬೇಕಂತೆ. ಅದಕ್ಕಾಗಿ ನದಿಯಿಂದ ನೀರು ಸರಬರಾಜು ಮಾಡಲು ಪೆಲ೯ ಸಮೀಪದ ಬೀಯಪಾದೆ ಎಂಬಲ್ಲಿ ಭಾರೀ ಗಾತ್ರದ ಜಾಕ್‌ವೆಲ್ಲೊಂದು ನಿಮಾ೯ಣಗೊಳ್ಳುತ್ತಿದೆ. ಶಂಭೂರು ಎಎಂಆರ್ ಪವರ್ ಪ್ರಾಜೆಕ್ಟ್ ನಿಂದ ಕಣ್ಣಳತೆಯ ದೂರದಲ್ಲಿ ಒಂದು ಎಕರೆಗಿಂತಲೂ ಅಧಿಕ ವಿಸ್ತೀಣ೯ದ ಪ್ರದೇಶದಲ್ಲಿ ಕಾಮಗಾರಿ ನಡೆಯುತ್ತಿದೆ. ನೋಡುಗರಿಗೆ ಭಯ ಹುಟ್ಟಿಸುವ ರೀತಿಯಲ್ಲಿನದಿ ಕಿನಾರೆಯಲ್ಲಿ ಬೃಹತ್ ಹೊಂಡವನ್ನು ತೋಡಲಾಗಿದೆ, ಇಲ್ಲಿನ ಬೃಹತ್ ಬಂಡೆಗಳನ್ನು ಕೊರೆದು ಕಬ್ಬಿಣದ ಸರಳುಗಳನ್ನು ಜೋಡಿಸುವ ಕೆಲಸ ಭರದಿಂದ ನಡೆಯುತ್ತಿದೆ. ಪ್ರಾಣಹಾನಿಯಾಗುವಂತಾ ಅಪಾಯಕಾರಿ ಸ್ಥಿತಿಯಲ್ಲಿ ಕೆಲಸ ನಡೆಯುತ್ತಿದ್ದು ೨೦ ಕ್ಕಿಂತಲೂ ಹೆಚ್ಚು ಕಾಮಿ೯ಕರು, ೩ ಹಿಟಾಚಿ ಯಂತ್ರ ಕೆಲಸದಲ್ಲಿ ನಿರತವಾಗಿವೆ. ಸದ್ರಿ ಕಾಮಗಾರಿಯ ಮೇಲುಸ್ತುವಾರಿ ನೋಡಿಕೊಳ್ಳುತ್ತಿರುವ ಸಿಬ್ಬಂದಿಯೊಬ್ಬರು ನೀಡಿದ ಮಾಹಿತಿಯಂತೆ ಈ ಜಾಕ್‌ವೆಲ್ ಕಾಮಗಾರಿ ಪೂಣ೯ಗೊಳ್ಳಲು ಇನ್ನೂ ಎರಡು ವಷ೯ಗಳ ಕಾಲಾವಕಾಶ ಬೇಕಂತೆ..!

ಮಾಹಿತಿ ನೀಡಲು ಹಿಂದೇಟು

ಸರಪಾಡಿಯನ್ನು ಸಂಪಕಿ೯ಸುವ ಮುಖ್ಯ ರಸ್ತೆಯಿಂದ ಅಧ೯ ಫಲಾ೯ಂಗು ದೂರದ ನದಿ ತಟದಲ್ಲಿ ಕೆಲಸ ನಡೆಯುತ್ತಿದೆ . ಮುಖ್ಯ ರಸ್ತೆಯಿಂದ ನದಿ ತಟಕ್ಕೆ ತೆರಳಲು ಮಣ್ಣಿನ ಹೊಸ ರಸ್ತೆಯನ್ನು ನಿರ್ಮಿಸಲಾಗಿದ್ದು, ಎಲ್ಲೆಲ್ಲೂ ಧೂಳಿನ ರಾಶಿ ಆವರಿಸಿದೆ. ಆದರೆ ಗ್ರಾಮಸ್ಥರಿಗೆ ಈ ಬಗ್ಗೆ ಕನಿಷ್ಟ ಮಾಹಿತಿಯನ್ನು ನೀಡದೆ ಅತ್ಯಂತ ಗೌಪ್ಯವಾಗಿ ಕೆಲಸ ನಡೆಯುತ್ತಿದೆ. ಗುತ್ತಿಗೆದಾರರಲ್ಲಿ ಕಾಮಗಾರಿಯ ಬಗ್ಗೆ ಮಾಹಿತಿ ಕೇಳಿದರೆ ನಮಗೇನು ಗೊತ್ತಿಲ್ಲ, ಸೆಝ್ ಅಧಿಕಾರಿಗಳಲ್ಲಿ ಕೇಳಿ ಎಂದಷ್ಟೇ ಪ್ರತಿಕ್ರಿಯಿಸುತ್ತಾರೆ. ಯೋಜನೆಯ ಬಗ್ಗೆ ಗ್ರಾಮಸ್ಥರಿಗೆ ಮಾಹಿತಿ ನೀಡದೆ ಗೌಪ್ಯವಾಗಿ ಕಾಮಗಾರಿ ನಡೆಸುವ ಅನಿವಾರ್ಯತೆ ಏನು ಎಂಬುದು ಗ್ರಾಮಸ್ಥರ ಪ್ರಶ್ನೆ....

ಗ್ರಾಮ ಪಂಚಾಯತ್ ವಿರೋಧ..?

ನಿಮಾ೯ಣ ಹಂತದಲ್ಲಿರುವ ಜಾಕ್‌ವೆಲ್ ಕಾಮಗಾರಿಯನ್ನು ಕೈಬಿಡುವಂತೆ ಒತ್ತಾಯಿಸಿ ಸರಪಾಡಿ ಗ್ರಾಮ ಪಂಚಾಯತ್ ಸಾಮಾನ್ಯ ಸಭೆಯಲ್ಲಿ ನಿಣ೯ಯ ಕೈಗೊಂಡಿದೆ. ಕಳೆದ ಜೂನ್ ತಿಂಗಳಿನಲ್ಲಿ ಈ ಬಗ್ಗೆ ಚಚೆ೯ ನಡೆದು, ಪಂಚಾಯತ್ ಮಹತ್ವದ ನಿರ್ಣಯ ಕೈಗೊಂಡಿದೆಯಾದರೂ ಸೆಝ್ ಅಧಿಕಾರಿಗಳು ಈ ನಿರ್ಣಯಕ್ಕೆ ಬೆಲೆ ನಿಡಿಲ್ಲ. ಈಗಾಗಾಲೆ ಎಂಆರ್‌ಪಿಎಲ್ ನಿಂದ ಮಂಗಳೂರಿಗೆ ನೀರು ಸರಬರಾಜಾಗುತ್ತಿದೆ. ಮತ್ತೆ ಸೆಝ್‌ನ ಮೂಲಕವೂ ನೀರು ಸರಬರಾಜಾದರೆ ಮುಂದಿನ ದಿನಗಳಲ್ಲಿ ಈ ಭಾಗದ ಕೃಷಿಕರಿಗೆ ತೊಂದರೆಯಾಗಲಿದ್ದು ಗ್ರಾಮಸ್ಥರ ವಿರೋಧಕ್ಕೆ ಕಾರಣವಾಗುತ್ತದೆ. ಆದ್ದರಿಂದ ಈ ಯೋಜನೆಯನ್ನು ಕೈ ಬಿಡಬೇಕು ಎಂಬ ನಿಣ೯ಯವನ್ನು ಕೈಗೊಂಡು ಉನ್ನತ ಅಧಿಕಾರಿಗಳಿಗೆ ಕಳುಹಿಸಲಾಗಿದೆ. ಆದರೆ ಈವರೆಗೂ ಪ್ರತ್ಯುತ್ತರ ಬಂದಿಲ್ಲ ಎನ್ನುತ್ತಾರೆ ಸರಪಾಡಿ ಗ್ರಾಮಪಂಚಾಯತ್ ಅಭಿವದ್ದಿ ಅಧಿಕಾರಿ. ಪೈಪ್‌ಲೈನ್ ಅಳವಡಿಸುವ ಮಾಹಿತಿಯೂ ಪಂಚಾಯತ್‌ಗೆ ಇನ್ನೂ ಲಭ್ಯವಾಗಿಲ್ಲ.

ಅಲ್ಲಲ್ಲಿ ನೇತ್ರಾವತಿಗೆ ತಡೆ ಒಡ್ಡಲಾಗುತ್ತಿದೆ, ಈ ಕಾರಣದಿಂದ ನತ್ರಾವತಿ ತಟದಲ್ಲೇ ಇರುವವರು ಕುಡಿಯುವ ನೀರಿಗೆ ಬವಣೆ ಪಡುತ್ತಿದ್ದರೆ ವಿಶೇಷ ಆಥಿ೯ಕವಲಯಕ್ಕೆ ಇಲ್ಲಿಂದ ನೀರು ಸರಬರಾಜು ಮಾಡುವ ಅಗತ್ಯವೇನು ಎನ್ನುತಾರೆ ಸರಪಾಡಿಯ ಜನ. ಈಗಾಗಲೆ ಎಎಂಆರ್, ಎಂಆರ್‌ಪಿಎಲ್ ಕಂಪೆನಿಗಳಿಂದ ಸಂತ್ರಸ್ತರಾದ ಸರಪಾಡಿ ಸುತ್ತಮುತ್ತಲಿನ ಗ್ರಾಮಸ್ಥರಿಗೆ ಎಸ್‌ಇಜೆಡ್ ನ ಜಾಕ್‌ವೆಲ್ ಮತ್ತಷ್ಟು ಹೊಡೆತ ನೀಡುವ ಸಾಧ್ಯತೆ ನಿಚ್ಚಳವಾಗಿ ಗೋಚರಿಸುತ್ತಿದೆ. ಗ್ರಾಮಸ್ಥರ ಪರ ನಿಲ್ಲ ಬೇಕಾದ ಜನಪ್ರತಿನಿಧಿಗಳು-ಸರ್ಕಾರ ದ ನಿರ್ಲಕ್ಷ್ಯವೇ ಈ ಆತಂಕಕ್ಕೆ ಕಾರಣವೆಂಬುದಕ್ಕೆ ಪ್ರತ್ಯೇಕ ಒಕ್ಕಣೆ ಬೇಕಾಗಿಲ್ಲ ತಾನೇ..?

= ಮೌನೇಶ ವಿಶ್ವಕರ್ಮ

ಸೀನಿಯರ್ ಸಿಟಿಜ್ಹನ್.........

2011-10-29T05:02:00.000-07:00

.........................................................................................................
ಸಮಾಜವಾದದ ನೈಜ ಚಿಂತನೆಗಳನ್ನೇ ಬಿತ್ತುತ್ತಾ, ಅರ್ಥವಿಲ್ಲದ ಜೀವನ ಸಿದ್ದಾಂತಗಳನ್ನು ಪ್ರಶ್ನಿಸುತ್ತಾ ಸಾಗುವ ನಾಟಕ " ಸೀನಿಯರ್ ಸಿಟಿಜ್ಹನ್".
ಪುತ್ತೂರಿನಲ್ಲಿ ಇತ್ತೀಚೆಗೆ ಬೆಂಗಳೂರಿನ ಭಾರತ ಯಾತ್ರಾ ಕೇಂದ್ರ ಹಾಗೂ ಪುತ್ತೂರಿನ ನಿರತ ನಿರಂತ-ಬಹುವಚನಂ ಜಂಟಿಯಾಗಿ ಹಮ್ಮಿಕೊಂಡಿದ್ದ ಲೋಕನಾಯಕ ಜಯಪ್ರಕಾಶ ನಾರಾಯಣ ಜನ್ಮ ದಿನೋತ್ಸವ ಹಾಗೂ ಜೆ.ಪಿ.ಪ್ರಶಸ್ತಿ ಪ್ರದಾನ ಸಮಾರಂಭದ ಅಂಗವಾಗಿ ಪ್ರದರ್ಶನಗೊಂಡ ಈ ನಾಟಕ ನೋಡುಗರ ಮುಂದೆ ಮನೋಜ್ಞವಾಗಿ ಮೂಡಿ ಬಂತು.
ಇವತ್ತಿನ ಮಗ ನಾಳೆಯ ತಂದೆ... ಎನ್ನುವ ಸಾಮಾನ್ಯ, ಆದರೆ ಅಷ್ಟೇ ಅಸಾಮಾನ್ಯ ಅರ್ಥ ಬಿಂಬಿಸುವ ಪರಿಕಲ್ಪನೆಗಳ ಕಟ್ಟುವಿಕೆ ಈ ನಾಟಕ ಎಂದರೆ ತಪ್ಪಾಗಲಾರದು. ಕಿರುತೆರೆ ನಟಿ ಸೀತಾಕೋಟೆ ಹಾಗೂ ರಂಗ ಕಲಾವಿದ ಧನಂಜಯ ರವರ ಪ್ರಬುದ್ದಅಭಿನಯದಲ್ಲಿ ಮೂಡಿಬಂದ ಈ ದ್ವಿಪಾತ್ರ ನಾಟಕ ಸುಮಾರು ೭೦ ನಿಮಿಷಗಳ ಕಾಲ ನೋಡುಗರನ್ನು ತನ್ನೊಳಗೆ ಹಿಡಿದಿಟ್ಟುಕೊಂಡಿತ್ತು.
ಜಾಗತೀಕರಣದ ಹೆಸರಿನಲ್ಲಿ ಮನೆ,ಕುಟುಂಬ ಹಾಗೂ ಸಾಮಾಜಿಕವಾಗಿ ಕಡೆಗಣಿಸಲ್ಪಡುತ್ತಿರುವ ಹಿರಿಯನಾಗರೀಕರ ಕುರಿತಾದ ಕಥಾನಕವಿದು. ಆ ವಯಸ್ಸಿನಲ್ಲಿ ಉಂಟಾಗುವ ಮಾನಸಿಕ ತವಕ-ತಲ್ಲಣಗಳನ್ನೂ ಎತ್ತಿ ತೋರಿಸುತ್ತಾ, ಪ್ರಸ್ತುತ ಸನ್ನಿವೇಶದಲ್ಲಿ ಹಿರಿಯ ನಾಗರೀಕರ ಬಗ್ಗೆ ಇತರ ವರ್ಗ ಹೊಂದಿರುವ ಅಭಿಪ್ರಾಯಗಳನ್ನೂ ಉಲ್ಲೇಖಿಸುತ್ತಾ ಸಂತೃಪ್ತಿಯಿಲ್ಲದೇ ಸಾಯುವ ಹಿರಿಯ ನಾಗರೀಕರೊಬ್ಬರ ಬದುಕನ್ನು ಮಾತು-ಅಭಿನಯ ಹಾಗೂ ದೃಶ್ಯಗಳ ಮೂಲಕ ಕಟ್ಟಿಕೊಡುವಲ್ಲಿ ನಾಟಕ ಕತೃ-ನಿರ್ದೇಶಕ ಪಾಲ್ ಸುದರ್ಶನ್ ಯಶಸ್ವಿಯಾಗಿದ್ದಾರೆ.
ಎಲ್ಲರ ಮನೆಯೊಳಗೆ, ಮನದೊಳಗೆ ಹೊಕ್ಕಿರುವ ಟಿ.ವಿ.ಯ ಕಾರ್ಯಕ್ರಮಗಳ ಕುರಿತಾದ ಚರ್ಚೆಯನ್ನೇ ಪಲ್ಲವಿಯಾಗಿಸಿಕೊಂಡು ಆರಂಭವಾಗುವ ನಾಟಕ ನಗರೀಕೃತ, ಯಾಂತ್ರಿಕ, ಶೋಕಿ ಬದುಕನ್ನು ಅಪಹಾಸ್ಯ ಮಾಡುತ್ತಲೇ ಸಾಗುತ್ತದೆ.
ಕೆಲಸದಿಂದ ನಿವೃತ್ತಿಯಾದ ಪತಿಗೆ ಕೇಂದ್ರ ಸರ್ಕಾರ ನಿವೃತ್ತಿವೇತನ ಮಂಜೂರು ಮಾಡುವಲ್ಲಿ ವಿಳಂಬಮಾಡುತ್ತದೆ, ತನ್ನದೇ ಸಾಕಷ್ಟು ಸಮಸ್ಯೆಗಳಿದ್ದರೂ ಊರು ಉದ್ದಾರದ ಚಿಂತೆಯಲ್ಲಿ ಮುಳುಗಿದ ಪತಿ, ಮೂಗರ್ಜಿಗಳನ್ನು ಬರೆದು ಸಾಮಾಜಿಕ ಸಮಸ್ಯೆಗಳ ಕುರಿತಾಗಿ ಸ್ಥಳೀಯಾಡಳಿತದ ಗಮನ ಸೆಳೆಯುತ್ತಿರುತ್ತಾನೆ. ಆದರೆ ತನ್ನ ಅರ್ಜಿಗಳಿಗೆ ಬೆಲೆ ನೀಡದ ಸರ್ಕಾರಿ ಅಧಿಕಾರಿಗಳು ಹಾಗೂ ವ್ಯವಸ್ಥೆಯ ವಿರುದ್ದ ಮನೆಯಲ್ಲಿ ಪತಿ ಪ್ರತಿನಿತ್ಯ ಗೊಣಗುತ್ತಿರುತ್ತಾನೆ, ಗೃಹಿಣಿಯಾಗಿರುವ ಪತ್ನಿಗೆ ವಯಸ್ಸಾದ ಪತಿಯ ವರ್ತನೆಗಳು ಹಿಡಿಸುವುದಿಲ್ಲ. ಈ ವಿಚಾರಕ್ಕಾಗಿಯೇ ಆಗಾಗ ಇವರಿಬ್ಬರ ನಡುವೆ ಉಂಟಾಗುವ ಮನಸ್ತಾಪ, ಪತಿಯ ದುರಭ್ಯಾಸ, ನಡವಳಿಕೆ ಬಗ್ಗೆ ಸಂಶಯ- ಮನೆಯೊಳಗೆ ತರುವ ಮೌನ- ಮತ್ತೆ ಪರಸ್ಪರ ಹತ್ತಿರವಾಗುವ ಈರ್ವರೂ ಕಳೆಯುವ ಸಂತಸದ ಕ್ಷಣಗಳು ನಾಟಕದ ನಡುನಡುವೆ ಮೂಡಿಬರುತ್ತದೆ.
ಟಿವಿ ಹೇಳುವುದೇ ಪರಮ ಸತ್ಯ, ನಮಗದೇ ಸರ್ಕಾರ ಎಂದು ನಂಬಿರುವ ಗೃಹಿಣಿ ವರ್ಗವನ್ನೇ, ಒಮ್ಮೆ ಆತ್ಮಾವಲೋಕನ ಮಾಡಿಕೊಳ್ಳಿ ಎಂದು ಎಚ್ಚರಿಸುವ ಪ್ರಯತ್ನದ ಜೊತೆಗೆ ಟಿವಿಯೇ ಬಹಿರಂಗ ಗೊಳಿಸಿದ ಹಲವು ಬಗೆಯ ಸಾಮಾಜಿಕ ಸನ್ನಿವೇಶಗಳ ಬಗ್ಗೆಯೂ ನಾಟಕ ಮಾತನಾಡುತ್ತದೆ. ರಾಜಕೀಯ-ಸಾಮಾಜಿಕ ವಿಡಂಬನೆಗಳು ಪ್ರೇಕ್ಷಕವಲಯವನ್ನು ಆಗಾಗ ನಗೆಗಡಲಲ್ಲಿ ತೇಲಿಸಿದರೆ, ಮಾನವತೆಯ ಸಂದೇಶ ಸಾರುವ ಕೆಲ ಆತ್ಮೀಯ ಮಾತುಗಳು ನಾಟಕವನ್ನು ಮತ್ತಷ್ಟು ಹತ್ತಿರವಾಗಿಸಿತು.
ಯಾವುದೇ ಹಗರಣ ಮಾಡದೇ, ಲೈಂಗಿಕ ಕಿರುಕುಳದ ಆರೋಪ ಹೊಂದದೇ, ೫ ಬಾರಿ ಆಯ್ಕೆಯಾದರೂ ಭೂಹಗರಣದತ್ತ ಸುಳಿಯದ ಶಾಮಣ್ಣ ನಂತಾ ನೈಜ ರಾಜಕಾರಣಿಗಳು ಮಂತ್ರಿಯಾಗಲಿಲ್ಲ. ಆದರೆ ಈಗೀಗ ಮಂತ್ರಿ ಮಾಡಲಿಲ್ಲಾ ಎಂದು ವಿಷ ಸೇವಿಸಿ ಆತ್ಮಹತ್ಯೆಗೆ ಯತ್ನಿಸುವ ಈಗಿನ ರಾಜಕಾರಣಿಗಳಲ್ಲಿ ನೈತಿಕತೆಯಿದೆಯೇ, ವಿರೋಧ ಪಕ್ಷಗಳು ಜವಬ್ದಾರಿ ಮರೆತು ವರ್ತಿಸುತ್ತಿದೆಯೇ ಎನ್ನುವ ಪ್ರಶ್ನೆಗಳನ್ನು ಮುಂದಿಡುವುದರ ಜೊತೆಗೆ ಲೋಕಾಯುಕ್ತರಾಗಿ ಅಧಿಕಾರ ವಹಿಸಿಕೊಂಡವರೇ ಸ್ವತಃ ರಾಜಿನಾಮೆ ನೀಡಿದ್ದರ ಬಗ್ಗೆಯೂ ನಾಟಕ ಮಾತನಾಡುತ್ತದೆ.
ಹಣದ ಆಶೆ, ಶೋಕಿ ಜೀವನದ ಅಮಲಿಗೆ ಬಿದ್ದ ಮಗ ಉದ್ಯೋಗದ ಹೆಸರಿನಲ್ಲಿ ಹೆತ್ತವರಿಂದ ದೂರವಾಗಿರುವುದು, ಆ ನೋವು ತಂದೆ-ತಾಯಿಯ ಮನಸ್ಸಿನಲ್ಲಿ ತರುವ ಸಂಕಟಗಳು ನಾಟಕದಲ್ಲಿ ಪರಿಣಾಮಕಾರಿಯಾಗಿ ಮೂಡಿಬಂದಿದೆ. ಫಾರಿನ್ ಗೆ ಹೋಗಬೇಕೆನ್ನುವ ಯುವಜನಾಂಗದ ಕನಸುಗಳ ಎಷ್ಟು ಸರಿ ಎನ್ನುವ ಮಾತಿನ ಜೊತೆಗೆ ಆ ಕಾರಣದಿಂದ ಹೆತ್ತವರು,ಮನೆ, ಊರನ್ನು ಮರೆಯುವ ಮಗನ ಬಗೆಗಿನ ಮಾತುಗಳು ಕಣ್ತೆರೆಸುತ್ತದೆ. ನಾಟಕ ಸನ್ನಿವೇಶವೊಂದು ಹೇಳುವ ಹಾಗೆ "ತಂದೆ ಮಗನ ಸಂಬಂಧ ವ್ಯಾಪಾರದಂತೆ-ಮಗನನ್ನು ಓದಿಸಬೇಕೆನ್ನುವ ಕಾರಣದೊಂದಿಗೆ ತಂದೆ ಬಂಡವಾಳ ಹಾಕುತ್ತಾ ಹೋಗುತ್ತಾನೆ, ಮಗನ ಓದು ಮುಗಿಯುವ ವೇಳೆಗೆ ತಂದೆಯ ಕೈಗೆ ವಾಕಿಂಗ್ ಸ್ಟಿಕ್ ಬಂದಿರುತ್ತದೆ, ಸೋಫಾ ಹೋಗಿ ಈಸಿ ಚೆಯರ್ ಬರುತ್ತದೆ, ತಂದೆ ಸೀನಿಯರ್ ಸಿಟಿಜನ್ ಆಗಿರ್ತಾರೆ- ಆದರೆ ಆ ಬಳಿಕ ಮಗ ತಂದೆಯನ್ನು ಆತ್ಮೀಯತೆಯಿಂದ ನೋಡಿದರೇ ಅದೇ ಹೆಚ್ಚು ಎನ್ನುವ ನೋವು ತುಂಬಿದ ಮಾತುಗಳು ಕಣ್ಣಂಚಿನಲ್ಲಿ ನೀರು ಹರಿಸುತ್ತದೆ.
ಮನೆಯ ಒತ್ತಡ, ಮಕ್ಕಳ ಅಗಲುವಿಕೆ, ಪತ್ನಿಯ ಅಸಹಕಾರ, ಸಾಮಾಜಿಕ ಧೋರಣೆಯ ಜೊತೆಗೆ ಹಿರಿಯ ನಾಗರೀಕರ ಆ ವಯಸ್ಸೇ ಉಂಟುಮಾಡುವ ಮಾನಸಿಕ ತಲ್ಲಣ ಗಳಿಂದಾಗಿ ಆ ವ್ಯಕ್ತಿಗೆ ಯಾವಾಗ ದುಃಖ-ಯಾವಾಗ ಸಂತೋಷ ಉಂಟಾಗುತ್ತದೆಯೋ ಗೊತ್ತಾಗುವುದಿಲ್ಲ. ಒಂದೆಡೆಯಲ್ಲಿ ಖಾಲಿಜೇಬು ದುಃಖಕ್ಕೆ ಕಾರಣವಾದರೇ, ಪತ್ನಿಯ ನಡೆನುಡಿ ಖುಷಿಗೆ ಕಾರಣವಾಗುತ್ತದೆ. ಒಟ್ಟಿನಲ್ಲಿ ಏರಿಳಿತದ ಭಾವನೆಗಳು ಮನಸ್ಸಿನಲ್ಲಿ ತಲ್ಲಣಗಳನ್ನೇ ತರುತ್ತದೆ. ಜೀವಿತದ ಕೊನೆಯ ದಿನಗಳು ಹತ್ತಿರ ವಾಗುತ್ತಿದ್ದರೂ ಐಟಿ-ಬಿಟಿ ಯ ಕನಸು ಕಾಣುವ, ಸಾಲಕೊಡುತ್ತೇವೆಂದು ಬ್ಯಾಂಕ್ನವ್ರು ಎದೆ ತುಂಬಿ ಹಾಡುತ್ತಾ ಕರೆಯುತ್ತಾರೆ ಎನ್ನುವ ಅಣಕಿಸುವಿಕೆಯೂ ನಾಟಕದಲ್ಲಿ ಕಡಿಮೆಯಿಲ್ಲ.
ಕೊನೆಯಲ್ಲಿ ಕೇಂದ್ರ ಸರ್ಕಾರ ನಿವೃತ್ತಿ ವೇತನ ಮಂಜೂರು ಗೊಳಿಸಿ ಪತ್ರ ಕಳಿಸುತ್ತದೆಯಾದರೂ, ವ್ಯವಸ್ಥೆಯ ವಿರುದ್ದ ಪ್ರಶ್ನಿಸಿ ಮೂಗರ್ಜಿ ಬರೆದ ಕಾರಣಕ್ಕೆ ಹಿರಿಯನಾಗರೀಕನಿಗೆ ಬೀಳುವ ಹೊಡೆತದಿಂದಾಗಿ ಪತ್ರ ಓದುವ ಮುನ್ನವೇ ಜೀವ ಕಳೆದುಕೊಳ್ಳುತ್ತಾನೆ. ಒಟ್ಟಿನಲ್ಲಿ ಸಂತೃಪ್ತಿ ಯಿಲ್ಲದೇ ಕಥಾ ನಾಯಕನ್ನು ಕೊಲ್ಲುವ ಮೂಲಕವೂ ನಾಟಕ ನಿರ್ದೇಶಕ, ದಿನದಿಂದ ದಿನಕ್ಕೆ ಹೆಚ್ಚು ಹೆಚ್ಚು ಕಡೆಗಣಿಸಲ್ಪಡುತ್ತಿರುವ ಹಿರಿಯ ನಾಗರೀಕರ ವಾಸ್ತವ ಸ್ಥಿತಿಯನ್ನು ಅರ್ಥಗರ್ಭಿತವಾಗಿ ಬಿಂಬಿಸಿದ್ದಾರೆ.
ಹಿರಿಯ ನಾಗರೀಕನಾಗಿ ಧನಂಜಯ ರವರ ಪರಿಣಾಮಕಾರಿಯಾದ ಅಭಿನಯ- ಅವರಿಗೆ ಸಾಥ್ ನೀಡಿದ ಕಿರುತೆರೆ ನಟಿ ಸೀತಾಕೋಟೆಯವರ ಮನಮೆಚ್ಚುವ ಅಭಿನಯ ಒಟ್ಟು ನಾಟಕದ ಯಶಸ್ಸಿಗೆ ಕಾರಣವಾಗಿದೆ. ಪುತ್ತೂರು ಪುರಭವನದ ಪ್ರದರ್ಶನದ ವೇಳೆ ಆಗಾಗ್ಗೆ ಕರೆಂಟ್ ಕೈಕೊಟ್ಟು ನೋಡುಗರಿಗೆ ಹೆಚ್ಚು ಇಂಟ್ರೂವೆಲ್ ಕೊಟ್ಟಿದೆ ಎನ್ನುವುದನ್ನು ಬಿಟ್ಟರೆ ಒಟ್ಟು ಪ್ರದರ್ಶನ ಜನಮೆಚ್ಚುಗೆಯ ರೀತಿಯಲ್ಲಿ ಪ್ರದರ್ಶನವಾಗಿದೆ. ಪ್ರಯೋಗ ರಂಗದ ಮೂಲಕ ಈ ನಾಟಕವನ್ನು ಆಯೋಜಿಸಿದ ಭಾರತ ಯಾತ್ರಾ ಕೇಂದ್ರ ಬೆಂಗಳೂರು ಇದರ ಸಂಚಾಲಕ,ಕಿರುತೆರೆ ನಟ ನಾಗರಾಜ ಮೂರ್ತಿ ಯವರಿಗೆ ಕೃತಜ್ಞತೆ ಸಲ್ಲಿಸಲೇ ಬೇಕು.

.ಈ ಬಾರಿ ದಸರಾ ರಜೆ ಇಲ್ಲ...? ದಸರಾ ಪರೀಕ್ಷೆ...?

2011-09-22T19:51:00.000-07:00

ಇದು ಶಿಕ್ಷಣ ಇಲಾಖಾಧಿ ಕಾರಿಗಳ ನಿರ್ಲಕ್ಷ್ಯವೋ ಅಥವಾ ಕ್ಯಾಲೆಂಡರ್ ದೋಷವೋ ಗೊತ್ತಿಲ್ಲ... ಈ ಬಾರಿ ಶಾಲಾ ವಿದ್ಯಾರ್ಥಿಗಳು ದಸರಾವನ್ನು ಖುಷಿಯಿಂದ ಕಳೆಯುವಂತಿಲ್ಲ. ಕಾರಣವಿಷ್ಟೇ ಶಿಕ್ಷಣ ಇಲಾಖೆ ಈ ಬಾರಿ ದಸರಾ ರಜೆ ನೀಡುವ ಬದಲು ದಸರಾ ಪರೀಕ್ಷೆ ನಡೆಸುತ್ತಿದೆ..!ಇದೇನು ದಸರಾ ಪರೀಕ್ಷೆ ಎಂದು ಅಚ್ಚರಿ ಯಾಯಿತೇ, ದಸರಾ ಸಮಯದಲ್ಲಿ ರಜೆಕೊಡು ತ್ತಿದ್ದ ಇಲಾಖೆ ಕಳೆದ ಕೆಲವರ್ಷಗಳಿಂದ ಅನಗತ್ಯ ಗೊಂದಲ ಸೃಷ್ಟಿಸಿಕೊಂಡು ದಸರಾ ಸಂಭ್ರಮ ದಲ್ಲೇ ಮಧ್ಯಾವಧಿ ಪರೀಕ್ಷೆಗಳನ್ನು ನಡೆಸುತ್ತಿ ರುವುದು ವಿದ್ಯಾರ್ಥಿ ಹಾಗೂ ಶಿಕ್ಷಕ ವಲಯಕ್ಕೆ ತಲೆನೋವಾಗಿ ಪರಿಣಮಿಸಿದೆ.

ಏನಾಗಿದೆ..?
ಶಾಲೆಗಳಲ್ಲಿ ಈ ಬಾರಿ ಮಧ್ಯಾವಧಿ ರಜೆ ಅಕ್ಟೋಬರ್ 6ರಿಂದ 27ರ ವರೆಗೆ ಎಂದು ನಿರ್ಧಾರವಾಗಿದೆ. ಆದರೆ ನವರಾತ್ರಿ ಅರ್ಥಾತ್ ದಸರಾ ಹಬ್ಬವು ಸೆ.8 ರಿಂದ ಅ.6ರ ವರೆಗೆ ಇದೆ.
ಮಧ್ಯಾವಧಿ ರಜೆಗೆ ಮುನ್ನ ಶಾಲಾ ನಿಯಮ ದಂತೆ ಪರೀಕ್ಷೆಗಳು ನಡೆಯಬೇಕಾಗಿದ್ದು, ಈ ಬಾರಿ ದಸರಾ ಹಬ್ಬದ ಅವಧಿಯಲ್ಲೇ ಪರೀಕ್ಷೆಗಳು ನಡೆಯುತ್ತಿವೆ.ನವರಾತ್ರಿ ಹಬ್ಬದ ಸಂಭ್ರಮ ಅನುಭವಿಸ ಬೇಕಾದ ಮಕ್ಕಳು ನಡುರಾತ್ರಿ ತನಕ ಓದಿ ಪರೀಕ್ಷೆ ಬರೆಯುವ ಎಲ್ಲಾ ಲಕ್ಷಣಗಳು ಕಂಡು ಬರುತ್ತಿದೆ.
ಈಗೀಗ ಪರೀಕ್ಷೆಗೆ ಯಾವ ರೀತಿಯ ಪೂರ್ವ ಸಿದ್ಧತೆ ಮಾಡಿಕೊಳ್ಳುತ್ತಾರೆ ಎಂದರೆ, ಎರಡನೆ ತರಗತಿಯಲ್ಲಿ ಕಲಿಯುವ ಪುಟಾಣಿ ಯಾದರೂ ಅವರ ಅಪ್ಪ-ಅಮ್ಮ ಇಬ್ಬರೂ ಮನೆ ಯಲ್ಲಿದ್ದುಕೊಂಡು(ಕೆಲಸದಲ್ಲಿದ್ದರೆ ರಜೆ ಹಾಕಿ) ಮಗುವನ್ನು ಓದಿಸುವ ಪರಿಪಾಠ ಹೆಚ್ಚುತ್ತಿದೆ. ಪರೀಕ್ಷೆ ಎಂದರೆ ಅದೊಂದು ಅಗ್ನಿ ಪರೀಕ್ಷೆ ಎಂಬಂತೆ ಮಕ್ಕಳಲ್ಲಿ ಭಯ ಹುಟ್ಟಿಸುವ ಶಿಕ್ಷಣ ವ್ಯವಸ್ಥೆಯ ನಡುವೆ ಮಕ್ಕಳು ಸಂಭ್ರಮದ ನವರಾತ್ರಿ ಯಲ್ಲಿಯೂ-ನಡುರಾತ್ರಿಯ ಭಯದಲ್ಲಿದ್ದಾರೆ.ಮಕ್ಕಳಿಗೂ ರಜೆ, ನಾವೂ ರಜೆ ಹಾಕಿ ದಸರಾ ಸಂಭ್ರಮ ಅನುಭವಿಸಬಹುದೆಂಬ ಆಶಯದಲ್ಲಿದ್ದ ಬಹುತೇಕ ಹೆತ್ತವರೂ ಈ ಬಾರಿ ನಿರಾಸೆಯಲ್ಲಿದ್ದಾರೆ.
ದೀಪಾವಳಿ ಬಿಟ್ಟರೆ ಮಕ್ಕಳಿಗೆ ಹೆಚ್ಚು ಪ್ರಿಯವಾದ ಮತ್ತು ದೀರ್ಘಕಾಲದ ಹಬ್ಬ ನವರಾತ್ರಿ. ಒಂಭತ್ತು ದಿನಗಳ ಕಾಲ ಹುಲಿ, ಸಿಂಹ, ಕರಡಿ ಮೊದಲಾದ ವೇಷಗಳ ಕುಣಿತ, ವಾಹನಗಳ ಪೂಜೆ ಹೀಗೆ ಬಗೆಬಗೆಯಲ್ಲಿ ಮಕ್ಕಳ ಸಂಭ್ರಮ ಮುಗಿಲು ಮುಟ್ಟುವ ಅವಕಾಶ. ಆದರೆ ಈ ಬಾರಿ ಬಹುತೇಕ ಮಕ್ಕಳು ಈ ಎಲ್ಲ ಸಂಭ್ರಮದಿಂದ ದೂರವಿದ್ದಾರೆ...ಮಧ್ಯಾವಧಿ ರಜೆಯೂ ದಸರಾ ಸಮಯ ದಲ್ಲೇ ಬರುತ್ತಿದ್ದರಿಂದ ಇದು ದಸರಾ ರಜೆಯೆಂದೇ ಪ್ರತೀತಿಯಲ್ಲಿದೆ.
ಆದರೆ ಕ್ರೈಸ್ತ ಶಿಕ್ಷಣ ಸಂಸ್ಥೆಗಳು ಡಿಸೆಂಬರ್‌ನ ಕ್ರಿಸ್‌ಮಸ್ ಅವಧಿಯಲ್ಲಿ ಕ್ರಿಸ್‌ಮಸ್ ರಜೆ ನೀಡುವ ಹಿನ್ನೆಲೆಯಲ್ಲಿ, ಮಧ್ಯಾವಧಿ ರಜಾ ಅವಧಿಯನ್ನು ಕಡಿತಗೊಳಿಸಿದೆ. ಪರೀಕ್ಷೆಗಳು ತಾಲೂಕು ಹಂತದಲ್ಲೇ ನಿರ್ಧಾರವಾಗುವುದರಿಂದ ಯಾವಾಗ ಬೇಕಾದರೂ ಮಾಡಿಕೊಳ್ಳಬಹುದು. ಹಾಗಾಗಿ ದಸರಾಗೆ ಪರೀಕ್ಷೆ ಸಮಸ್ಯೆ ಇಲ್ಲ ಎಂಬುದು ಇಲಾಖಾಧಿಕಾರಿಗಳ ಅಭಿಪ್ರಾಯ. ಆದರೆ ಶೈಕ್ಷಣಿಕ ವೇಳಾಪಟ್ಟಿಯಲ್ಲಿ ಸೆಪ್ಟೆಂಬರ್ ಕೊನೆ ವಾರದಲ್ಲಿ ಪರೀಕ್ಷೆ ನಿಗದಿಯಾಗಿರುವುದರಿಂದ ಶಾಲಾಶಿಕ್ಷಕರು ಅದೇ ದಿನಾಂಕಗಳಲ್ಲಿ ಪರೀಕ್ಷೆ ನಡೆಸಲು ಸಿದ್ಧತೆ ನಡೆಸಿದ್ದಾರೆ.
ಸೆ.22ರ ಗುರುವಾರ ದಿಂದ ಶಾಲೆಗಳಲ್ಲಿ ಪರೀಕ್ಷೆಗಳು ಆರಂಭ ಗೊಂಡಿದ್ದು, ಅ.3 ರವರೆಗೆ ನಡೆಯಲಿದೆ. ಆದರೆ ಖಾಸಗಿ ವಿದ್ಯಾಸಂಸ್ಥೆಗಳು ಪರೀಕ್ಷಾ ವೇಳಾ ಪಟ್ಟಿಯನ್ನು ಬದಲಾಯಿಸಿಕೊಂಡು ಈಗಾಗಲೇ ಪರೀಕ್ಷೆಗಳು ಮುಗಿಯುವ ಹಂತಕ್ಕೆ ಬಂದಿದೆ.
ಯಾಕೆ ಹೀಗಾಯ್ತು..?
ಈ ರೀತಿಯ ಅನಗತ್ಯ ಗೊಂದಲಕ್ಕೆ ಕಾರಣ ಇಲಾಖೆಯ ಶಿಕ್ಷಣ ತಜ್ಞರು ಎಂಬ ಬಗ್ಗೆ ಪ್ರತ್ಯೇಕ ವಿವರಣೆ ಬೇಕಾಗಿಲ್ಲ. ಯಾವಾಗ ಭೂಕಂಪನವಾಗುತ್ತದೆ, ಚಂಡಮಾರುತ ಬರುತ್ತದೆ, ಎಷ್ಟು ವರ್ಷಗಳ ನಂತರ ಗ್ರಹಣ ಸಂಭವಿಸುತ್ತದೆ ಎಂಬ ಬಗ್ಗೆ ಮೊದಲೇ ತಿಳಿದು ಕೊಳ್ಳಬಹುದಾದ ವೈಜ್ಞಾನಿಕ ಯುಗದಲ್ಲಿರುವ ನಮಗೆ ನವರಾತ್ರಿ ಯಾವಾಗ ಬರುತ್ತದೆ ಎಂಬ ಬಗ್ಗೆ ಯಾಕೆ ಗೊತ್ತಾಗುವುದಿಲ್ಲ. ಶೈಕ್ಷಣಿಕ ವರ್ಷಾರಂಭಕ್ಕೆ ಮುನ್ನ ವಾರ್ಷಿಕ ವೇಳಾಪಟ್ಟಿ ತಯಾರಿಸುವ ಶಿಕ್ಷಣ ತಜ್ಞರು ಈ ಬಗ್ಗೆ ಯಾಕೆ ಗಮನ ಹರಿಸುವುದಿಲ್ಲ.
ವರ್ಷದಲ್ಲಿ ಶಾಲೆ ನಡೆಯಬೇಕಾದ ನಿರ್ದಿಷ್ಟ ದಿನಗಳ ಲೆಕ್ಕಾಚಾರ- ಹಬ್ಬಗಳ ಮಾಹಿತಿಯನ್ನು ಇಟ್ಟುಕೊಂಡೇ ಯಾಕೆ ವೇಳಾಪಟ್ಟಿ ತಯಾರಿಸುವುತ್ತಿಲ್ಲ. ತಯಾರಿಸಿದ್ದರೂ ಯಾಕೆ ಈ ರೀತಿಯ ಸಮಸ್ಯೆಗಳು ನಿರ್ಮಾಣಗೊಳ್ಳುತ್ತದೆ ಎಂಬೆಲ್ಲಾ ಪ್ರಶ್ನೆಗಳಿಗೆ ಇಲಾಖಾಧಿಕಾರಿಗಳೇ ಉತ್ತರಿಸಬೇಕು.ಕಳೆದ ಬಾರಿಯೂ ಇದೇ ತೆರನಾದ ಸಮಸ್ಯೆ ಎದುರಾಗಿದ್ದು, ಅಂತಿಮ ಹಂತದಲ್ಲಿ ಚರ್ಚೆ ನಡೆದು ಹೊಂದಾಣಿಕೆಮಾಡಿಕೊಂಡು ರಜೆ ನೀಡಲಾಗಿತ್ತು. ಈ ಬಾರಿ ಅದೇ ರೀತಿಯ ಗೊಂದಲ ಮರುಕಳಿಸಿರುವುದು ಇಲಾಖಾಧಿ ಕಾರಿಗಳ ನಿರ್ಲಕ್ಷ್ಯವನ್ನು ಎತ್ತಿ ತೋರಿಸುತ್ತದೆ.

2011-08-19T08:44:00.000-07:00

ಸ್ವಾಮಿ ದೇವನೇ "ಲೋಕಪಾಲ"ನೇ....

…………………………..
ಅಣ್ಣಾ..ಅಣ್ಣಾ..ಅಣ್ಣಾ.. ನಿನ್ನಯ ಕನಸು ಸರಿಇಹುದಣ್ಣಾ

ನಿನ್ನಯ ನಡೆಯು ಸರಿಇಹುದಣ್ಣಾ

ನಡೆ ಮುಂದಕೆ ನಡೆಮುಂದಕೆ..

ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ ಅಣ್ಣಾ...ಅಣ್ಣಾ...

ಗಾಂದೀ ಮಾರ್ಗದಿ ನಡೆಯುವೆ ನೀನು

ಗಾಂಧೀ ಶಕ್ತಿಯ ತೋರಿದೆ ನೀನು ನಡೆಮುಂದಕೆ

ನಡೆಮುಂದಕೆ ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ ಅಣ್ಣಾ...ಅಣ್ಣಾ...

ಯಾರೋ,ಎಂದೋ ಮಾಡಬೇಕಿತ್ತು ಇದನು

ನೀ ತೆಗೆದುಕೊಂಡೆ ಈ ಹೋರಾಟದ ಮುಂಚೂಣಿಯನು

ನಡೆಮುಂದಕೆ ನಡೆಮುಂದಕೆ

ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ..ಅಣ್ಣಾ..ಅಣ್ಣಾ..

"ಪ್ರಬಲ ಲೋಕಪಾಲ" ಜಾರಿಯಾಗಲಿ

ಸತ್ಯ,ನ್ಯಾಯ ನಿಷ್ಠೆಗೆ ಜಯ ಸಿಗಲಿ

ನಡೆಮುಂದಕೆ ನಡೆಮುಂದಕೆ

ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ..ಅಣ್ಣಾ..ಅಣ್ಣಾ.. ನಿನಗೆ ಬೆಂಬಲವಾಗಿಹರು ಕೋಟಿಕೋಟಿ ಜನ

ಕೇಳುತಿದೆ,ಕಾಣುತಿದೆ "ಅಣ್ಣಾಕೀ ಜೈ" ಎನ್ನುವ ಜನ

ನಡೆಮುಂದಕೆ ನಡೆಮುಂದಕೆ ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ..ಅಣ್ಣಾ..ಅಣ್ಣಾ..

ಮುಂದಿರುವ ನೀ ಒಮ್ಮೆ ತಿರುಗಿ ನೋಡಣ್ಣಾ...

ನಿನಗೆ "ಜೈ" ಎನ್ನುವ ಕೋಟಿ ಕೋಟಿ

ಜನರಾಶಿಯಲ್ಲಿ ಅಡಗಿಹರು ಭ್ರಷ್ಟರು ಅದೆಷ್ಟೋ ಕೋಟಿ..

ನಡೆಮುಂದಕೆ..ನಡೆಮುಂದಕೆ..ಭ್ರಷ್ಟರನು ದೂರವಿಡುತ...

ಅಣ್ಣಾ..ಅಣ್ಣಾ..ಅಣ್ಣಾ...

ನಿನಗೆ ಜೈ ಎನುವ, ನಾವಲ್ಲ ಭ್ರಷ್ಟರು

"ಅಣ್ಣಾ ಪರ" ನಾವೆಲ್ಲರೂ ಎನ್ನುತರಿವರು

ಅವರ ಮಾತಿಗೆ ಹಿಗ್ಗದೆಯೇ, ಕುಗ್ಗದೆಯೇ ನಡೆಮುಂದಕೆ

"ಮಹಾತ್ಮಾಗಾಂಧೀ" ಮಾರ್ಗದಿ...... "ಮಹಾತ್ಮಾಗಾಂಧೀ" ಮಾರ್ಗದಿ......

-ಮೌನೇಶ್ ವಿಶ್ವಕರ್ಮ

ಬರ್ಪಿ ಜಲಪಾತವ ನೋಡ ಬನ್ನಿ..........

2011-07-05T10:55:00.000-07:00

ಇಲ್ಲ... ಸಾಗರದ ಜೋಗ, ಮಡಿಕೇರಿಯ ಅಬ್ಬಿಗಿಂತ ನಾನೇನೂ ಕಡಿಮೆಯಿಲ್ಲ ಎನ್ನುವಂತೆ ಧುಮುಕುತ್ತಿದೆ ಬಂಟ್ವಾಳ ತಾಲೂಕಿನ ಕಲ್ಲಡ್ಕ ಬಳಿಯ ವೀರಕಂಭದ ಮಿನಿ ಜಲಪಾತ...
ಅರೇ.. ಇದೇನಿದೂ ವೀರಕಂಭದಲ್ಲೂ ಜಲಪಾತವಿದೆಯೇ ಎಂದು ಕಣ್ಣ ಹುಬ್ಬೇರಿಸಬೇಡಿ. ಹೌದು, ಕಲ್ಲಡ್ಕ -ಕಾಂಞಗಾಡು ರಾಜ್ಯ ಹೆದ್ದಾರಿಯ ವಿಟ್ಲ ರಸ್ತೆಯ ವೀರಕಂಭ ಎಂಬಲ್ಲಿನ ರಸ್ತೆಪಕ್ಕದಲ್ಲೇ ಇರುವ ಈ "ಬರ್ಪಿ ಜಲಪಾತ"ದ ಇರುವಿಕೆ ಬಹುತೇಕರಿಗೆ ಗೊತ್ತಿಲ್ಲ. ವೀರಕಂಭ ಆಸುಪಾಸಿನ ಗ್ರಾಮಗಳ ಕೆಲ ಜನತೆಗೆ ಮಾತ್ರ ಈ ಜಲಪಾತದ ಬಗ್ಗೆ ಗೊತ್ತಿದೆ. ಮಳೆಗಾಲದಲ್ಲಿ ಮಾತ್ರ ಧುಮ್ಮಿಕ್ಕಿ ಹರಿಯುವ ಈ ಜಧಾರೆಯ ಆರ್ಭಟ ನೋಡುವಾಗ ಮನಸ್ಸಿಗೆ ಆನಂದವಾಗುತ್ತದೆ.
ದಟ್ಟಾರಣ್ಯಗಳ ನಡುವೆ ಅದೆಷ್ಟೋ ಜಲಪಾತಗಳು ಹೊರಜಗತ್ತಿಗೆ ಗೋಚರಿಸದೇ ಇರುವಂತೆ ಈ ಜಲಪಾತವೂ ಕೂಡ ಯಾರ ಅರಿವಿಗೂ ಬಾರದೇ ಉಳಿದಿದೆ.
ಜಲಪಾತಗಳ ವೀಕ್ಷಣೆಗೆಂದು ಹೊರಜಿಲ್ಲೆಗಳಿಗೆ ಪ್ರವಾಸ ಹೋಗುವವರ ಸಂಖ್ಯೆ ಬಹಳಷ್ಟಿದೆ,ಆದರೆ ಸ್ಥಳೀಯರಿಂದ ಬರ್ಪಿಪಾದೆ ಎಂದು ಕರೆಸಿಕೊಳ್ಳುವ ಈ ಜಲಪಾತಕ್ಕೆ ಸ್ಥಳೀಯರೇ ಪ್ರವಾಸಿಗರು. ಮನಸ್ಸಿಗೆ ತುಂಬು ಖುಷಿನೀಡುವ ಈ ಜಲಪಾತ ಹೊರ ಊರಿನ ಪ್ರವಾಸಿಗರನ್ನು ಆಕರ್ಷಿಸದೇ ಇದ್ದರೂ, ಸ್ಥಳೀಯರ ಪಾಲಿಗಂತೂ ಸ್ವರ್ಗವೇ ಆಗಿದೆ. ಮಳೆಗಾಲದ ರಜಾ ದಿನಗಳಲ್ಲಿ ಸ್ಥಳೀಯರು ದಂಡುದಂಡಾಗಿ ಈ ಜಲಪಾತದ ಸೌಂದರ್ಯವನ್ನು ವೀಕ್ಷಿಸುತ್ತಾರೆ, ಸಾಹಸಿಪ್ರವೃತ್ತಿಯವರಂತೂ ಈ ನೀರಿನ ಅಬ್ಬರಕ್ಕೆ ಮೈಯೊಡ್ಡಿ ಮನಸೋ ಇಚ್ಛೆ ನೀರಾಟದಲ್ಲಿ ತೊಡಗುತ್ತಾರೆ. ಮಳೆಗಾಲ ಕಳೆದು ಚಳಿಗಾಲ ಆರಂಭವಾಗುವತನಕವೂ ಈ ಬರ್ಪಿಪಾದೆಯಲ್ಲಿ ನೀರಿನ ಹರಿವು ಇರುತ್ತದೆ. ಒಂದು ವಾರ ನಿರಂತರ ಮಳೆಯ ಆರ್ಭಟ ಜೋರಿದ್ದರೆ, ಈ ಜಲಪಾತದಲ್ಲೂ ಹಾಲ್ನೊರೆಯಂತೆ ನೀರಿನ ಧುಮುಕುವಿಕೆ ಜೋರಾಗಿಯೇ ಇರುತ್ತದೆ ಎನ್ನುತ್ತಾರೆ ಹತ್ತಿರದ ಮನೆಯ ಈಶ್ವರ್.
ಈ ಜಲಪಾತದೆಡೆ ಸಾಗಬೇಕಾದರೆ, ಅದರ ಅಕ್ಕಪಕ್ಕದ ಎರಡು ಮನೆಗಳ ಕಾಲುದಾರಿಯನ್ನೇ ಆಶ್ರಯಿಸಬೇಕಾಗಿದೆ. ನೀರಿನ ಆರ್ಭಟ ಪಕ್ಕದ ಮನೆಗೆ ಹಾನಿ ಮಾಡದೇ ಇರಲೆಂದು ಜಿ.ಪಂ.ವತಿಯಿಂದ ತಡೆಗೋಡೆ ನಿರ್ಮಾಣ ಕಾರ್ಯ ನಡೆಸಲಾಗಿದೆ. ಅದರಂತೆ ಜಲಪಾತ ವೀಕ್ಷಣೆಗೂ ಸ್ಥಳಿಯಾಡಳಿತ ಪೂರಕ ವ್ಯವಸ್ಥೆ ಕಲ್ಪಿಸಿದರೆ, ಇದೊಂದು ಪ್ರವಾಸಿ ಕೇಂದ್ರವಾಗಿ ಮೂಡಿಬರುವುದರಲ್ಲಿ ಯಾವುದೇ ಸಂದೇಹವಿಲ್ಲ. ಎಲ್ಲೆಲ್ಲೋ ಹೋಗಿ ಸವಿಯುವ ಸೌಂದರ್ಯವನ್ನು ನಮ್ಮೂರಲ್ಲೇ ಸವಿಯಬಹುದಲ್ಲವೇ...?

2011-06-24T22:19:00.000-07:00

ರೈತಮಿತ್ರ ಪ್ರತ್ಯಕ್ಷ

ಮಳೆರಾಯನ ಆಗಮನವಾಗುತ್ತಲೇ ಗದ್ದೆ ಬದುಗಳಲ್ಲಿ ರೈತಮಿತ್ರ ಪ್ರತ್ಯಕ್ಷನಾಗಿದ್ದಾನೆ, ಬೇಸಿಗೆಯಲ್ಲಿ ಮಾಯವಾಗುವ ಈ ರೈತಮಿತ್ರ ಮಳೆ ಹನಿಬೀಳುತ್ತಿದ್ದಂತೆ ಪ್ರತ್ಯಕ್ಷನಾಗಿದ್ದಾನೆ, ಇವನು ಬೇರಾರು ಅಲ್ಲ, ಗದ್ದೆಯ ಹುಣಿಗಳಲ್ಲಿ ಅಥವಾ ನೀರುಮಣ್ಣು ಜೊತೆಯಾಗಿರುವ ಗದ್ದೆಗಳಲ್ಲಿ ಉದ್ದದ ಮೀಸೆಯನ್ನು ಹೊರಹಾಕುತ್ತಾ ತೆವಳಿಕೊಂಡು ಸಂಚಾರ ನಡೆಸುವ ಈ ಜೀವಿಯ ಹೆಸರು ಮೃದ್ವಂಗಿ, ಇದನ್ನು ತುಳುವಿನಲ್ಲಿ ನರ್ತೆ ಎಂದೂ, ತುಂಬಾ ಚಿಕ್ಕದಿದ್ದರೆ ಗುಳ್ಳ ಎಂದು ಕರೆಯುತ್ತಾರೆ
ಮಳೆ ಬೀಳುತ್ತಲೇ ಕಾಣಿಸಿಕೊಳ್ಳುವ ಈ ಮಳೆಗಾಲದ ಅತಿಥಿ, ರೈತ ಮಿತ್ರನಾಗಿದ್ದರೂ, ರೈತನೇ ಇದನ್ನು ತಿಂದು ತೇಗುತ್ತಾನೆ. ರೈತನ ಕೃಷಿಭೂಮಿಯಲ್ಲೇ ಹುಟ್ಟಿ ಬೆಳೆಯುವ ಈ ರೈತಮಿತ್ರ ಕೃಷಿಕನಿಗೆಪೂರಕವಾಗಿ ಕೆಲಸ ನಿರ್ವಹಿಸುತ್ತದೆ. ಮಣ್ಣನ್ನು ತಿನ್ನುತ್ತಾ ಬದುಕುವ ಈ ಮೃದ್ವಂಗಿ ರೈತನಿಗೆ ಉಪಕಾರ ಮಾಡುತ್ತದೆ. ಮಣ್ಣನ್ನು ಹಸನು ಮಾಡುತ್ತಾ ರೈತನ ಕೆಲಸಕ್ಕೆ ನೆರವಾಗುವ ಈ ನರ್ತೆಗಳು ರೈತನಿಂದಲೇ ಸಾವು ಕಾಣುವುದು ವಿಪರ್ಯಾಸವೇ ಸರಿ.
ಇದು ಹಳ್ಳಿ ಮದ್ದಂತೆ...
ಹಳ್ಳಿಗಾಡಿನ ಗದ್ದೆಗಳಲ್ಲಿ ಸಾಮಾನ್ಯವಾಗಿ ಬೆಳಿಗ್ಗೆ ಹಾಗೂ ಸಂಜೆಯ ವೇಳೆಗೆ ಕಾಣಿಸಿಕೊಳ್ಳುವ ನರ್ತೆಗಳು ತುಳುನಾಡಿನ ಜನರ ಮಳೆಗಾಲದ ತಿನಿಸುಗಳಲ್ಲಿ ಒಂದು. ಬಸಲೆ ನರ್ತೆ, ನರ್ತೆಪುಂಡಿ, ನರ್ತೆಗಸಿ ಹೀಗೆ ಬಗೆಬಗೆಯ ಖಾದ್ಯಗಳನ್ನು ಈ ನರ್ತೆಯಿಂದ ತಯಾರಿಸಲಾಗುತ್ತದೆ. ಇದರ ರುಚಿ ಬಲ್ಲವರಿಗೇ ಗೊತ್ತು.
ಇದು ಬೆನ್ನು ನೋವಿಗೂ ಮದ್ದು ಎನ್ನುವ ನಂಬಿಕೆ ಹಿರಿಯರದ್ದು, ಬೆನ್ನು ನೋವು ಕಾಣಿಸಿಕೊಂಡಾಗ ನರ್ತೆಯ ಖಾದ್ಯ ತಯಾರಿಸಿ. ತಿಂದರೆ ಮತ್ತೆ ಬೆನ್ನು ನೋವು ಕಾಣಿಸದು ಎನ್ನುತ್ತಾರೆ ಹಳ್ಳಿಯ ಹಿರಿತಲೆಗಳು.
ಮಳೆಗಾಲದಲ್ಲಿ ಗದ್ದೆಬದುಗಲಲ್ಲಿ, ಬೆಳೆದ ಹುಲ್ಲುಗಳ ಎಡಯಲ್ಲಿ, ಬಿಲಗಳಲ್ಲಿ ರಾಶಿರಾಶಿ ಮೊಟ್ಟೆ ಇಟ್ಟು ಇದು ತನ್ನ ಸಂತತಿಯನ್ನು ಬೆಳೆಸುತ್ತದೆ. ಭಾರಹೊತ್ತ ಲಾರಿ ಚಲಿಸುವಂತೆ ಮೃದ್ವಂಗಿಗಳು ನಿಧಾನವಾಗಿ ಚಲಿಸುತ್ತದೆ. ಶಂಖಾಕೃತಿಯಲ್ಲಿರುವ ಹೊರಕವಚವನ್ನು ತನ್ನ ರಕ್ಷಣೆಗೆ ಬಳಸುವ ಇವುಗಳು ಜಾರು ಹುಳುವಿನಂತಿದ್ದು, ಸ್ಪರ್ಶಿಸಿದರೆ ಸಾಕು ತಟಸ್ಥವಾಗಿಬಿಡುತ್ತದೆ. ಮೀನು ಮಾರುಕಟ್ಟೆಗಳಲ್ಲಿಯೂ ಮೃದ್ವಂಗಿಗಳಿಗೆ ವಿಶೇಷ ಬೇಡಿಕೆಯಿದ್ದು, ಸಮುದ್ರದಲ್ಲಿ ಸಿಗುವ ಮರುವಾಯಿಗಿಂತಲೂ ಹೆಚ್ಚಿನ ಬೆಲೆಗೆ ಮಾರಾಟವಾಗುತ್ತದೆ. ಹಳ್ಳಿಗಳಲ್ಲಿನ ಗದ್ದೆಗಳಲ್ಲಿ ಬೇಕಾಬಿಟ್ಟಿ ಸಿಗುವ ಮೃದ್ವಂಗಿಗಳು ನಗರದ ಮಾರ್ಕೆಟ್ ಗಳಲ್ಲಿ ಬೇಡಿಕೆ ಕುದುರಿಸಿರುವುದು ವಿಶೇಷವೇ ಸರಿ.
......................................................................
ಕುಳಗ್ರಾಮದ ಗುರ್ಜಿನಡ್ಕ ಮೋಹನ್ ರವರ ಗದ್ದೆಯಲ್ಲಿ ಕಂಡು ಬಂದ ಮೃದ್ವಂಗಿಗಳು....

2011-05-31T19:57:00.000-07:00

ಹುಯ್ಯೋ..ಹುಯ್ಯೋ... ಮಳೆರಾಯ.. ನೇತ್ರಾವತಿಯಲಿ ನೀರಿಲ್ಲಾ....!
ಅಲ್ಲಲ್ಲಿ ಬರೆ ಎಳೆದರು- ಈಗ ನೀರಿಲ್ಲಾ ಎಂದು ಮರುಗಿದರು
.....................................................................................................................
ಬೇಸಗೆಯಲ್ಲಿ ಬಂಡೆಗಳು ಹಾಗೂ ಮರಳಿನ ನಡುವೆ ನೇತ್ರಾವತಿ ಕಷ್ಟಪಟ್ಟು ಹರಿಯುವಂತೆ ಕಾಣುತ್ತಿದ್ದಾಳೆ. ಕೃಷಿಕರ, ನದಿತಟದ ನಾಗರೀಕರ ಮೂಲಭೂತ ಬೇಡಿಕೆಗಳ ಜೊತೆಗೆ ಮೇಲೆ ಹೇಳಿದ ನಾಲ್ಕು ಉದ್ದೇಶಗಳ ಈಡೇರಿಕೆ ನೇತ್ರಾವತಿಯಲ್ಲಿ ನೀರಿಲ್ಲ...ಹೌದು.. ನೇತ್ರಾವತಿಯ ಈ ಪಾಡು ಕೇಳುವವರೇ ಇಲ್ಲಾ...
......................................................................

ಜೀವನದಿ ನೇತ್ರಾವತಿ ಈಗ ಬರಡಾಗುತ್ತಿದ್ದಾಳೆ. ತನ್ನ ಇಷ್ಟಾರ್ಥಗಳನ್ನು ಈಡೇರಿಸಿಕೊಳ್ಳಲು ಮಾನವ ನೇತ್ರಾವತಿಗೆ ಅಲ್ಲಲ್ಲಿ ಬರೆ ಎಳೆದಿದ್ದಾನೆ. ಸ್ವಚ್ಛಂಧವಾಗಿ ಹರಿಯುತ್ತಿದ್ದ ನೇತ್ರಾವತಿಯ ನೀರನ್ನೆಲ್ಲಾ ಮುಗಿಸಿ ಇದೀಗ ಮತ್ತೆ ಮರುಗುತ್ತಿದ್ದಾನೆ.."ಹುಯ್ಯೋ..ಹುಯ್ಯೋ... ಮಳೆರಾಯ.. ನೇತ್ರಾವತಿಯಲಿ ನೀರಿಲ್ಲಾ" ಎಂದು..
ನಿಜಕ್ಕೂ ಇದೊಂದು ಸೋಜಿಗವೇ ಸರಿ. ಜಿಲ್ಲೆಯ ಬಹಳ ಆಶೋತ್ತರಗಳಿಗೆ ಸ್ಪಂದಿಸುತ್ತಾ ವರ್ಷಪೂರ್ತಿ ಹರಿಯುತ್ತಿದ್ದ ನೇತ್ರಾವತಿ ಈಗ ವರ್ಷದ ಕೆಲವೇ ತಿಂಗಳು ಮಾತ್ರ ಹರಿಯುತ್ತಿದ್ದಾಳೆ.
ಕೃಷಿಕ ವಲಯಕ್ಕೆ ಆಸರೆಯಾಗಿದ್ದ ನೇತ್ರಾವತಿಗೆ ಇದೀಗ ರೈತರ ಕಷ್ಟಗಳಿಗೆ , ನಾಗರೀಕರ ಬೇಡಿಕೆಗಳಿಗೆ ಸ್ಪಂದಿಸುವುದೂ ಕಷ್ಟವಾಗುತ್ತಿದೆ. ಅಲ್ಲಲ್ಲಿ ಅಣೆಕಟ್ಟು, ಡ್ಯಾಂ, ಪಂಪ್ ಹೌಸ್ ಹೀಗೆ ಬಗೆಬಗೆಯ ಹೆಸರಿನಲ್ಲಿ ನೇತ್ರಾವತಿಗೆ ಎಳೆಯಲಾದ "ಬರೆ" ಅವಳ ಸಂಕಟವನ್ನು ಹೆಚ್ಚಿಸಿದೆ.
ನೀರಕಟ್ಟೆ ಸಾಗರ್ ಪವರ್ ಪ್ರಾಜೆಕ್ಟ್..
ಧರ್ಮಸ್ಥಳ ಕಡೆಯಿಂದ ನಮ್ಮ ಜಿಲ್ಲೆಯ ಮಂಗಳೂರು ಕಡೆಗೆ ಹರಿಯುವ ನೇತ್ರಾವತಿಗೆ ಉಪ್ಪಿನಂಗಡಿ ಸಮೀಪದ ನೀರಕಟ್ಟೆ ಎಂಬಲ್ಲಿ ಅಣೆಕಟ್ಟುಇ ಕಟ್ಟಲಾಗಿದೆ. ಸಾಗರ್ ಪವರ್ ಪ್ರಾಜೆಕ್ಟ್ ಎಂಬ ವಿದ್ಯುತ್ ಉತ್ಪಾದನಾ ಸಂಸ್ಥೆ ಇಲ್ಲಿ ಕಾರ್ಯಾಚರಿಸುತ್ತಿದ್ದು ನದಿನೀರನ್ನು ತಡೆಹಿಡಿದು ವಿದ್ಯುತ್ ಉತ್ಪಾದನೆ ಮಾಡಲಾಗುತ್ತಿದೆ. ಆದರೆ ವರ್ಷಪೂರ್ತಿ ವಿದ್ಯುತ್ ಉತ್ಪಾದನೆಯ ಮಹದಾಸೆ ಈ ಕಂಪೆನಿಗಿದ್ದರೂ ಬರಿದಾಗುತ್ತಿರುವ ನೇತ್ರಾವತಿಯಲ್ಲಿ ವರ್ಷದ ನಾಲ್ಕರಿಂದ ಐದು ತಿಂಗಳು ಮಾತ್ರ ಕಂಪೆನಿ ವಿದ್ಯುತ್ ಉತ್ಪಾದಿಸುತ್ತಿದೆ. ಈವರೆಗೆ ಸುಮಾರು ೩ರಿಂದ ನಾಲ್ಕು ದಶಲಕ್ಷ ಯುನಿಟ್ ವಿದ್ಯುತ್ ಅನ್ನು ಈ ಕಂಪೆನಿ ತಯಾರಿಸಿದ್ದು, ಕೆಪಿಟಿಸಿಎಲ್ ಗೆ ಮಾರಾಟ ಮಾಡಿದೆ.
ತಡೆ...
ನೀರಕಟ್ಟೆಯಿಂದ ಮುಂದಕ್ಕೆ ಸರಪಾಡಿ ಎಂಬಲ್ಲಿನ ಪೆರ್ಲ ಎಂಬಲ್ಲಿ ನೇತ್ರಾವತಿಗೆ .ಆರ್.ಪಿ.ಎಲ್. ತಡೆಒಡ್ಡಿದೆ. ಅಣೆಕಟ್ಟು ನಿರ್ಮಿಸಿ ನೀರು ಸಂಗ್ರಹಿಸಿ ಮಂಗಳೂರಿನಲ್ಲಿ ಕಾರ್ಯಾಚರಿಸುತ್ತಿರುವ ಎಂಆರ್ ಪಿ ಎಲ್ ಗೆ ನೀರು ಒದಗಿಸುವಕಾರ್ಯ ನಿರಂತರವಾಗಿ ನಡೆಯುತ್ತಿದೆ. ನೀರಕಟ್ಟೆಯಿಂದ ಸರಪಾಡಿ ಕಡೆಗೆ ಹರಿಯುವ ನೀರಿನ ಪ್ರಮಾಣ ಸಾಗರ್ ಪವರ್ ಪ್ರಾಜೆಕ್ಟ್ ನಿಂದಾಗಿ ಕಡಿಮೆಯಾಗಿದ್ದರೂ, ವರ್ಷಪೂರ್ತಿ ನೀರು ನೇತ್ರಾವತಿಯಿಂದ ನೀರು ತೆಗೆಯುವ ಕಾಯಕದಲ್ಲಿ ಎಂಆರ್ಪಿ ಎಲ್ ಸಕ್ರೀಯವಾಗಿದೆ.ನದಿ ತಟದ ರೈತರು ಪಂಪ್ ಅಳವಡಿಸಿ ನದಿಯಿಂದ ನೀರು ತೆಗೆಯುವುವುದಕ್ಕೆ ಸರ್ಕಾರ ಬೇಸಗೆಯಲ್ಲಿ ನಿಷೇಧ ಹೇರಿದೆ. ಆದರೆ ಎಂ.ಆರ್,ಪಿ.ಎಲ್ ನಂತಹ ಬಂಡವಾಳಶಾಹಿ ಕಂಪೆನಿಗಳಿಗೆ ಕೇಳಿದಷ್ಟೂ ನೀರು ಒದಗಿಸುತ್ತಿದೆ.
ಶಂಭೂರು ಎ.ಎಂ.ಆರ್
ಮುಂದೆ ನೇತ್ರಾವತಿಯ ಸ್ವಚ್ಚಂಧ ಹರಿಯುವಿಕೆಗೆ ತಡೆಯಿರುವುದು ಶಂಭೂರಿನಲ್ಲಿ ಎ.ಎಂ.ಆರ್ ಪವರ್ ಪ್ರಾಜೆಕ್ಟ್ ಕಂಪೆನಿ ಇಲ್ಲಿ ಕಾರ್ಯಾಚರಿಸುತ್ತಿದ್ದು, ೨೦೦೯ರ ಸೆಪ್ಟೆಂಬರ್ ನಿಂದ ವಿದ್ಯುತ್ ಉತ್ಪಾದನೆಯ ಕಾರ್ಯದಲ್ಲಿ ತೊಡಗಿದೆ. ೧೫೦ ಕೋಟಿ ರೂ ನ ಭಾರೀ ಬಂಡವಾಳದೊಂದಿಗೆ ನಿರ್ಮಾಣಗೊಂಡ ಎ.ಎಂ.ಆರ್. ಪವರ ಪ್ರಾಜೆಕ್ಟ್ ಕಂಪೆನಿ ನೀತ್ರಾವತಿಯಲ್ಲಿ ನೀರ ಹರಿವು ಕಡಿಮೆಇರುವುದರಿಂದ ವರ್ಷದ ಆರು ತಿಂಗಳು ಮಾತ್ರ ವಿದ್ಯುತ್ ಉತ್ಪಾದನೆ ಮಾಡಬೇಕಾಗಿದೆ. ಜನವರಿ ನಂತರ ಅಗತ್ಯದ ಪ್ರಮಾಣದಲ್ಲಿ ನೀರು ಸಿಗದೇ ಇರುವುದರಿಂದ ಎ.ಎಂ.ಆರ್ ಮಳೆಗಾಲದಲ್ಲಿ ಮಾತ್ರ ವಿದ್ಯುತ್ ಉತ್ಪಾದನೆ ಮಾಡಬೇಕಾಗಿದೆ. ಕಂಪೆನಿ ಅಧಿಕಾರಿಗಳು ನೀಡಿರುವ ಮಾಹಿತಿ ಪ್ರಕಾರ ೨೦೦೯ರ ಸೆಪ್ಟೆಂಬರ್ ನಲ್ಲಿ ವಿದ್ಯುತ್ ಉತ್ಪಾದನೆ ಆರಂಭಿಸಿರುವ ಕಂಪೆನಿ ೨೦೧೦ ಜನವರಿವರೆಗೆ ಹಾಗೂ ೨೦೧೦ ಜೂನ್ ನಿಂದ ೨೦೧೧ ಜನವರಿವರೆಗೆ ಮಾತ್ರ ವಿದ್ಯುತ್ ಉತ್ಪಾದನೆ ನಡೆಸಿದೆ. ಜನವರಿ ಬಳಿಕ ವಿದ್ಯುತ್ ಉತ್ಪಾದನೆ ತಾತ್ಕಾಲಿಕವಾಗಿ ಸ್ಥಗಿತಗೊಂಡಿದೆ. ಈ ಎರಡು ಹಂತದ ಅವಧಿಯಲ್ಲಿ ಒಟ್ಟು ೧೩ದಶಲಕ್ಷ ಯುನಿಟ್ ವಿದ್ಯುತ್ ಉತ್ಪಾದಿಸಲಾಗಿದ್ದು ಕೆಪಿಟಿಸಿಎಲ್ ಅದನ್ನು ಖರೀದಿಸಿದೆ.
ತುಂಬೆ ವೆಂಟೆಡ್ ಡ್ಯಾಂ
ಅಲ್ಲಿಂದ ಮುಂದೆ ಮಂಗಳೂರಿನತ್ತ ಸಾಗುವ ನೇತ್ರಾವತಿಗೆ ತುಂಬೆ ವೆಂಟೆಡ್ ಡ್ಯಾಂ ಎಂಬ ಅಡ್ಡಗೋಡೆ ಸಿಗುತ್ತದೆ. ಈ ಡ್ಯಾಂ ನಲ್ಲಿ ನೀರು ಸಂಗ್ರಹಿಸಿ-ಪರಿಷ್ಕರಿಸಿ ಮಂಗಳೂರಿನ ಜನತೆಗೆ ನೀರು ಒದಗಿಸುವುದು ಈ ಡ್ಯಾಂ ನ ಉದ್ದೇಶ. ಕಳೆದ ಹಲವು ವರ್ಷಗಳಿಂದ ಈ ಡ್ಯಾಂ ಕಾರ್ಯಾಚರಿಸುತ್ತಿದ್ದು ಡ್ಯಾಂ ನ ಎತ್ತರವನ್ನು ಏರಿಸುವ ಸಲುವಾಗಿ ಹೊಸ ವೆಂಟೆಡ್ ಡ್ಯಾಂ ನಿರ್ಮಿಸುವ ಕಾರ್ಯದಲ್ಲಿ ಮಂಗಳೂರು ಮಹಾನಗರ ಪಾಲಿಕೆ ತೊಡಗಿದೆ. ಹೊಸ ಡ್ಯಾಂ ನಿರ್ಮಾಣದ ಮೂಲಕ ಮಂಗಳೂರು ಜನತೆಯ ಕುಡಿಯುವ ನೀರಿನ ಬವಣೆಯನ್ನು-ಬೇಡಿಕೆಯನ್ನು ನೀಗಿಸುವ ಇಚ್ಛಾಶಕ್ತಿ ಸರ್ಕಾರದ್ದು. ಆದರೆ ಇಲ್ಲಿ ನೇತ್ರಾವತಿಯ ಅಳಲು ಕೇಳುವವರೇ ಇಲ್ಲ.
ಹೀಗೆ ನಾಲ್ಕು ತಡೆಗಳನ್ನು ದಾಟಿಉಳಿದ ಅಲ್ಪಸ್ವಲ್ಪ ನೇತ್ರಾವತಿ ನೀರು ಮಂಗಳೂರಿನತ್ತ ಹರಿಯುತ್ತಿದೆ.. ಬೇಸಗೆಯಲ್ಲಿ ಬಂಡೆಗಳು ಹಾಗೂ ಮರಳಿನ ನಡುವೆ ನೇತ್ರಾವತಿ ಕಷ್ಟಪಟ್ಟು ಹರಿಯುವಂತೆ ಕಾಣುತ್ತಿದ್ದಾಳೆ. ಕೃಷಿಕರ, ನದಿತಟದ ನಾಗರೀಕರ ಮೂಲಭೂತ ಬೇಡಿಕೆಗಳ ಜೊತೆಗೆ ಮೇಲೆ ಹೇಳಿದ ನಾಲ್ಕು ಉದ್ದೇಶಗಳ ಈಡೇರಿಕೆ ನೇತ್ರಾವತಿಯಲ್ಲಿ ನೀರಿಲ್ಲ...ಹೌದು.. ನೇತ್ರಾವತಿಯ ಈ ಪಾಡು ಕೇಳುವವರೇ ಇಲ್ಲಾ...
ತಿರುಗಿಸುತ್ತಾರಂತೆ...!
ಆದರೆ ಈ ನಡುವೆ ನಮ್ಮ ರಾಜಕಾರಣಿಗಳು- ಜನಪ್ರತಿನಿಧಿಗಳು ಎಂದೆನಿಸಿಕೊಂಡವರು ನದಿ ತಿರುಗಿಸುವುದು, ನದಿ ಜೋಡಿಸುವುದು, ಪಶ್ಚಿಮ ವಾಹಿನಿ ಹೀಗೆ ಬೇರೆ ಬೇರೆ ಹೆಸರಿನಲ್ಲಿ ನದಿಮೂಲಗಳ ಮೇಲೆ ಸವಾರಿ ಮಾಡುವ ಸಿದ್ದತೆಯಲ್ಲಿದ್ದಾರೆ. ಮಳೆಗಾಲದಲ್ಲಿ ನದಿಗಳಲ್ಲಿ ಹರಿಯುವ ನೀರೆಲ್ಲಾ ಸಮುದ್ರ ಸೇರಿ ವ್ಯರ್ಥವಾಗುತ್ತಿದೆ ಹಾಗಾಗಿ ಅವಿಭಜಿತ ದ.ಕ.ಜಿಲ್ಲೆಯ ೧೩ ನದಿ(ಪಯಸ್ವಿನಿ ನದಿ ಹೊತು ಪಡಿಸಿ)ಗಳನ್ನು ಜೋಡಿಸಿ ಅದರ ನೀರನ್ನು ಸಂಗ್ರಹಿಸಿ ಜಿಲ್ಲೆಯ ಗ್ರಾಮಗಳಿಗೆ ಕಾಲುವೆಗಳ ಮೂಲಕ ಒದಗಿಸುವುದು ನಮ್ಮ ಉದ್ದೇಶ ಎಂದೆಲ್ಲಾ ಈ ಯೋಜನೆಯ ಬಗ್ಗೆ ಆಕರ್ಷಕ ಪೀಠಿಕೆಗಳನ್ನು ನೀಡುತ್ತಲೇ ಇದ್ದಾರೆ. ಆದರೆ ಪರಿಸರ ಪ್ರಿಯರಿಂದ ಈ ಬಗ್ಗೆ ವಿರೋಧ ಕೇಳುತ್ತಿದೆಯಾದರೂ ಅದೆಲ್ಲಾ ಕೇವಲ ಅರಣ್ಯ ರೋದನವಾಗುತ್ತಿದೆ.
ಪ್ರಕೃತಿ ದತ್ತವಾದ ಆಗುಹೋಗುಗಳನ್ನು ತಡೆಯುವ ಮೂಲಕ ಮಾನವ ಪರಿಸರದ ಮೇಲೆ ನಡೆಸುವ ಅತ್ಯಾಚಾರ ಈಗಾಗಲೇ ಅನೇಕ ಪ್ರಾಕೃತಿಕ ವಿಕೋಪಗಳಿಗೆ ನಾಂದಿ ಹಾಡಿದೆ. ಸಮುದ್ರಕ್ಕೆ ಹೋಗುವ ಸಮುದ್ರದ ನೀರಿಗೆ ಬಲತ್ಕಾರದ ತಡೆಯೊಡ್ಡಿ
ಬೇರೆಲ್ಲಿಯೋ ಸಂಗ್ರಹಿಸಿ, ಇನ್ನೆಲ್ಲಿಗೋ ಸರಬರಾಜು ಮಾಡುವ ಯೋಜನೆ ಜಾರಿಯಾದಲ್ಲಿ ಅದು ಕರಾವಳಿ ಪ್ರದೇಶದ ಮೇಲೆ ಭಾರೀ ಪರಿಣಾಮ ಬೀರುವ ಸಾಧ್ಯತೆ ಇದೆ. ಈಗಲೇ ವರ್ಷದ ಆರು ತಿಂಗಳು ನೀರಿಲ್ಲಾ ಎಂದು ಮರುಗಬೇಕಾದ ಅನಿವಾರ್ಯತೆ ಎದುರಾಗಿದ್ದು ಇಂತಹ ಪರಿಸ್ಥಿತಿ ಹೀಗೇ ಮುಂದುವರಿದರೆ ಮುಂದಿನ ವರ್ಷಗಳಲ್ಲಿ "ಕೆರೆಗಳು ಮಾಯವಾದಂತಹಾ ಸ್ಥಿತಿ ನಮ್ಮ ಜಿಲ್ಲೆಯ ಜೀವನದಿ ನೇತ್ರಾವತಿ ಗೂ ಬಂದೀತು.. ಎಚ್ಚರ"
=ಮೌನೇಶ್ ವಿಶ್ವಕರ್ಮ

ಮಕ್ಕಳ ಪುಸ್ತಕಗಳಲ್ಲಿ "ಅಶ್ಲೀಲ ಲೇಬಲ್" ಗಳು..!

2011-05-26T09:40:00.000-07:00

ಶಾಲೆಗಳಲ್ಲಿ ಮಕ್ಕಳಿಗೆ ನೈತಿಕ ಶಿಕ್ಷಣ, ಗುಣಮಟ್ಟದ ಶಿಕ್ಷಣ ಸಿಗಬೇಕು ಎನ್ನುವ ನಿಟ್ಟಿನಲ್ಲಿ ಸರ್ಕಾರ ಹಾಗೂ ಶಿಕ್ಷಣ ಸಂಸ್ಥೆಗಳು ಸಾಕಷ್ಟು ರೀತಿಯ ಪ್ರಯತ್ನಗಳನ್ನು ನಡೆಸುತ್ತಿದೆ. ಆದರೆ ಈ ಎಲ್ಲಾ ಆಶಯಗಳಿಗೆ ತಣ್ಣೀರೆರೆಚುವಂತಾ ರೀತಿಯಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ ಮಕ್ಕಳ ಪುಸ್ತಕಗಳ "ಅಶ್ಲೀಲ ಲೇಬಲ್" ಗಳು.

ಇನ್ನೇನೋ ಶಾಲೆ ಶುರುವಾಗಲು ಕೆಲವೇ ದಿನಗಳ ಬಾಕಿ, ಎಲ್ಲಿ ನೋಡೊದರಲ್ಲೂ ಮಕ್ಕಳು ಶಾಲಾ ದಾಖಲಾತಿ, ಸಮವಸ್ತ್ರ,ಪುಸ್ತಕ ಖರೀದಿ, ಶಾಲಾರಂಭಕ್ಕೆ ಸಿದ್ದತೆ.. ಹೀಗೆ ಬಗೆಬಗೆಯ ರೀತಿಯಲ್ಲಿ ಹೊಸ ಶೈಕ್ಷಣಿಕ ವರ್ಷವನ್ನು ಸ್ವಾಗತಿಸಲು ಸಜ್ಜಾಗುತ್ತಿದ್ದಾರೆ.

ಜೊತೆಗೆ ಪುಸ್ತಕವ್ಯಾಪಾರಸ್ಥರೂ ಕೂಡ ಮಕ್ಕಳಿಗೆ ಪ್ರಿಯವಾದ ರೀತಿಯಲ್ಲಿ ಪುಸ್ತಕ , ಲೇಬಲ್, ಬೈಂಡ್ ಪೇಪರ್, ಪೆನ್ನು ,ಪೆನ್ಸಿಲ್, ರಬ್ಬರ್ ಹೀಗೆ ಸ್ಟೇಷನರಿ ವಸ್ತುಗಳನ್ನು ನೀಡುವ ತುರಾತುರಿಯಲ್ಲಿದ್ದಾರೆ.

ಈ ಎಲ್ಲದರ ನಡುವೆ ಅಂಗಡಿಗಳಲ್ಲಿ ವಿದ್ಯಾರ್ಥಿಗಳಿಗೆ ಮಾರಲ್ಪಡುತ್ತಿರುವ ಲೇಬಲ್ ಗಳ ಅಶ್ಲೀಲತೆ ಇದೀಗ ಪ್ರಜ್ಞಾವಂತ ಮನಸ್ಸುಗಳನ್ನು ಕೆರಳಿಸಿದೆ. ಶಾಲಾ ಶಿಕ್ಷಣದ ಆಶಯಗಳನ್ನೇ ಬುಡಮೇಲು ಮಾಡುವಂತಾ ರೀತಿಯಲ್ಲಿ ವಿದ್ಯಾರ್ಥಿಗಳ ಮನಸ್ಸನ್ನು ಕಲಕುವ, ಅಶ್ಲೀಲ ಹಾಗೂ ಮಾದಕತೆಯನ್ನು ಪ್ರತಿಬಿಂಬಿಸುವ ಚಿತ್ರಗಳು ಈ ಲೇಬಲ್‌ಗಳ ಹೆಸರಿನಲ್ಲಿ ಮುದ್ರಿತವಾಗಿದೆ.

ಕೆಲವೇ ವರ್ಷಗಳ ಹಿಂದೆ ಸಾಧಕರ, ಕ್ರೀಡಾಪಟುಗಳ ಚಿತ್ರಗಳೊಂದಿಗೆ ಮಾರುಕಟ್ಟೆಯಲ್ಲಿ ದೊರಕುತ್ತಿದ್ದ ಲೇಬಲ್ ಗಳ ಈ ಬದಲಾದ ಚಿತ್ರಣ ನಿಜಕ್ಕೂ ಮಕ್ಕಳ ಮನಸ್ಸನ್ನು ತಪ್ಪುದಾರಿಯತ್ತ ಸೆಳೆಯುವ ಸಾಧ್ಯತೆಯೇ ಹೆಚ್ಚು. ಈಗಾಗಲೇ ಮೊಬೈಲ್ ಹಾಗೂ ಅಂತರ್ಜಾಲದ ದುರ್ಬಳಕೆಯಿಂದ ವಿದ್ಯಾರ್ಥಿ ವಯಸ್ಸಿನಲ್ಲಿಯೇ ತಪ್ಪುದಾರಿಯತ್ತ ಅರಿವಿಲ್ಲದೇ ಸಾಗುವವರು ಬಹಳ ಮಂದಿಯಿದ್ದಾರೆ. ಇದರ ನಡುವೆ

ದಿನನಿತ್ಯ ನೋಡುವ ಪುಸ್ತಕಗಳ ಮುಖಪುಟವೇ ಇಂತಹಾ ಮನಸ್ಸು ಉದ್ರೇಕಿಸುವ ಚಿತ್ರಗಳಿಂದ ಅಲಂಕರಿಸಲ್ಪಟ್ಟರೆ ಆಗಬಹುದಾದ ಅಪಾಯಗಳನ್ನು ನೆನೆಯಲೂ ಕಷ್ಟವಾಗಬಹುದು.

ಗ್ರಾಹಕರನ್ನು ಸೆಳೆಯಲು ವಿವಿಧ ಜಾಹೀರಾತುಗಳಲ್ಲಿ ಪ್ರಕಟಗೊಳ್ಳುತ್ತಿದ್ದ, ಪ್ರಸಾರವಾಗುತ್ತಿದ್ದ ತುಂಡು ಬಟ್ಟೆ, ಅಶ್ಲೀಲ ಉಡುಗೆಯ ಮಾಡೆಲ್ ಗಳ ಫೋಟೋಗಳು ಮಕ್ಕಳ ಪುಸ್ತಕಗಳ ಮುಖಪುಟವನ್ನು ಅಲಂಕರಿಸಿದರೆ ಇದಕ್ಕಿಂತ ದೊಡ್ಡ ದುರಂತ ಬೇರೊಂದು ಇದೆಯೇ...?

ಶಾಲೆಯ ಪ್ರತೀ ಆಗುಹೋಗುಗಳು, ಚಟುವಟಿಕೆಗಳು ಮಕ್ಕಳನ್ನು ಮಾನಸಿಕವಾಗಿ ಪ್ರಬುದ್ದರನ್ನಾಗಿಸಬೇಕು, ನೈತಿಕ ಶಿಕ್ಷಣದ ಜೊತೆಗೆ ಸದ್ವಿಚಾರಗಳನ್ನು ಅವರ ಮನಸ್ಸಿನಲ್ಲಿ ತುಂಬಬೇಕೆನ್ನುವುದು ಶಿಕ್ಷಣ ಪ್ರೇಮಿಗಳ ಆಶಯ. ಈ ನಿಟ್ಟಿನಲ್ಲಿ ಚಿಕ್ಕವಯಸ್ಸಿನಲ್ಲಿಯೇ ಮಕ್ಕಳ ಮನಸ್ಸನ್ನು ಕೆಡಿಸಬಹುದಾದ ಇಂತಹ ಲೇಬಲ್ ಗಳು ಮಕ್ಕಳ ಪುಸ್ತಕಗಳನ್ನು ಅಲಂಕರಿಸಬಾರದು, ಕಲಿಯುವ, ನಲಿಯುವ ವಯಸ್ಸಿನಲ್ಲಿ ಮಕ್ಕಳ ಮನಸ್ಸು ತಪ್ಪುದಾರಿ ಹಿಡಿಯಬಾರದು.

ಮೊದಲೆಲ್ಲಾ ಲೇಬಲ್ ಕೊಳ್ಳಲೂ ಮನೆಗಳಲ್ಲಿ ಕಷ್ಟವಿತ್ತು, ಆಗೆಲ್ಲಾ ಮಕ್ಕಳೇ ಕಾಗದದಲ್ಲಿ ಲೇಬಲ್ ಗಳನ್ನು ಮಾಡಿ ಅಂಟಿಸಿ ಖುಷಿಪಡುತ್ತಿದ್ದರು. ಆದರೆ ಈಗಿನ ರೆಡಿಮೇಡ್ ಯುಗದಲ್ಲಿ ಪೋಷಕರು ಮಕ್ಕಳ ಎಲ್ಲಾ ಅಗತ್ಯಗಳನ್ನು ಪೂರೈಸಲು ತುದಿಗಾಲಲ್ಲಿ ನಿಂತಿರುತ್ತಾರೆ, ಹಾಗಾಗಿ ಮಕ್ಕಳು ಕೇಳಿದ್ದನ್ನೆಲ್ಲಾ ಅವರು ತಂದುಕೊಡುತ್ತಾರೆ, ಇದು ಒಂದೆಡೆ ಮಕ್ಕಳನ್ನು ಸಂತಸವಾಗಿಡುವ ಪ್ರಯತ್ನವಾದರೆ, ಇನ್ನೊಂದೆಡೆಪ್ರತಿಷ್ಠೆಯ ಪ್ರಶ್ನೆ.

ಮಕ್ಕಳ ಶಿಕ್ಷಣದ ಬಗ್ಗೆ ಹೆತ್ತವರು ಮಾಡುವ ಸಣ್ಣಪುಟ್ಟ ನಿರ್ಲಕ್ಷ್ಯಗಳು ಮಕ್ಕಳ ಭವಿಷ್ಯದ ಬಗ್ಗೆ ಭಾರೀ ಪರಿಣಾಮಗಳನ್ನು ಬೀರುವ ಸಾಧ್ಯತೆ ಇದೆ, ಈ ಹಿನ್ನೆಲೆಯಲ್ಲಿ ವಿದ್ಯಾರ್ಥಿಗಳ ಪೋಷಕರು ಹೆಚ್ಚಿನ ನಿಗಾ ಇರಿಸಬೇಕು. ಸರ್ಕಾರ, ಶಿಕ್ಷಣ ಇಲಾಖೆ ಕೂಡ ಹೆಚ್ಚಿನ ಮುತುವರ್ಜಿ ವಹಿಸಬೇಕು. ಕೆಟ್ಟ ಕುತೂಹಲದೊಂದಿಗೆ ಮಕ್ಕಳ ಮನಸ್ಸನ್ನು ಆಕ್ರಮಿಸುವ ಇಂತಹ "ಅಶ್ಲೀಲ ಲೇಬಲ್" ಗಳಿಗೆ ತಕ್ಷಣ ಕಡಿವಾಣ ಹಾಕಬೇಕು. ಗುಣಮಟ್ಟದ ಶಿಕ್ಷಣದಲ್ಲಿ ಅಶ್ಲೀಲತೆ ನುಸುಳದಂತೆ ಎಲ್ಲರೂ ಜಾಗೃತರಾಗಬೇಕು ಎನ್ನುವುದು ಪ್ರಜ್ಞಾವಂತರ ಆಶಯ.

Mounesh Vishwakarma
Photo Journalist
Mob:9481017606, 9844741613

2011-03-30T07:50:00.000-07:00

ಗುಟ್ಕಾ...... ಗುಟ್ಕಾ.....ಗುಟ್ಕಾ.......

ಗುಟ್ಕಾ ಹಾಗೂ ತಂಬಾಕು ಉತ್ಪನ್ನಗಳು ಅಂಗಡಿಗಳಲ್ಲಿ ದುಪ್ಪಟ್ಟು ದರದಲ್ಲಿ ಮಾರಾಟವಾಗುತ್ತಿದ್ದು, ಇದು ಗುಟ್ಕಾ ಹಾಗೂ ತಂಬಾಕು ಪ್ರಿಯರ ನಿದ್ದೆಗೆಡಿಸಿದೆ. ಅಡಿಕೆ ಹಾಗೂ ತಂಬಾಕು ಉತ್ಪನ್ನಗಳನ್ನು ಮಾ.1 ರ ಬಳಿಕ ಪ್ಲಾಸ್ಟಿಕ್ ಪ್ಯಾಕೇಟ್‌ಗಳಲ್ಲಿ ಮಾರಾಟ ಮಾಡದಂತೆ ಸುಪ್ರೀಂ ಕೋರ್ಟ್ ನಿಷೇಧ ಹೇರಿರುವ ಹಿನ್ನೆಲೆಯಲ್ಲಿ ಮಾರಾಟ ಏಜೆಂಟರು ಬೆಲೆ ಹೆಚ್ಚಿಸಿರಬಹುದು ಎಂದು ಹೇಳಲಾಗಿದೆ.

ಕೋರ್ಟ್ ಆದೇಶಕ್ಕೆ ತಲೆಬಾಗಿ ಕೆಲವೇ ಕಂಪೆನಿಗಳ ಗುಟ್ಕಾ ಉತ್ಪನ್ನಗಳು ಕಾಗದದ ಸ್ಯಾಚೇಟ್ ಗಳಲ್ಲಿ ಬಂದಿದ್ದು, ಇದೂ ಸೇರಿದಂತೆ ಇದೀಗ ಕಾಳಸಂತೆಯಲ್ಲಿ ಪ್ಲಾಸ್ಟಿಕ್ ಪ್ಯಾಕೇಟ್ಗಳಲ್ಲಿ ಮಾರಾಟವಾಗುತ್ತಿರುವ ಗುಟ್ಕಾಗಳ ಬೆಲೆ ಕೂಡ ದುಪ್ಪಟ್ಟನ್ನೂ ದಾಟಿದೆ,

ಅತೀ ಹೆಚ್ಚು ಬೇಡಿಕೆಯುಳ್ಳ ಮಾರುತಿ ಗುಟ್ಕಾ ದ ಎಂ.ಆರ್.ಪಿ.ದರ 1ರೂ ನಿಗದಿಯಾಗಿದ್ದರೂ, ಕಾಳ ಸಂತೆಯಲ್ಲಿ 2 ರಿಂದ 3 ರೂ ವರೆಗಿನ ಬೆಲೆಯಲ್ಲಿ ಮಾರಾಟವಾಗುತ್ತಿದೆ.

ಸ್ಟಾರ್ ಗುಟ್ಕಾ 3 ರಿಂದ 5 ರುಪಾಯಿವರೆಗಿನ ಬೆಲೆಯಲ್ಲಿ ಮಾರಾಟವಾಗುತ್ತಿದ್ದರೆ ಉಳಿದಂತೆ ಅಷ್ಟಾಗಿ ಬೇಡಿಕೆಯಿಲ್ಲದ ಸಿದ್ದು, ಪದ್ಮಶ್ರೀ ಗುಟ್ಕಾಗಳು ಕೂಡ ಕೆಲೆವೆಡೆಗಳಲ್ಲಿ ಅತಿ ಬೆಲೆಗೆ ಮಾರಾಟವಾಗುತ್ತಿರುವ ಬಗ್ಗೆ ವರದಿಯಾಗಿದೆ. ಸಿರಿವಂತರ ಗುಟ್ಕಾ ಎಂದೇ ಹೇಳಲಾಗುವ ಮಾಣಿಕ್ ಚಂದ್ ಹಾಗೂ ಪಾನ್ ಪರಾಗ್ ಮಾರುಕಟ್ಟೆಯಲ್ಲಿ ಹೆಚ್ಚಾಗಿ ಕಾಣುತ್ತಿಲ್ಲ.

ಕೃತಕ ಅಭಾವ ಸೃಷ್ಠಿ......

ಕಾಳಸಂತೆಯಲ್ಲಿ ಗುಟ್ಕಾ ದುಪ್ಪಟ್ಟು ಬೆಲೆಗೆ ಮಾರಾಟವಾಗುತ್ತಿರುವ ಜಾಲದ ಹಿಂದೆ ಸಗಟು ಮಾರಾಟ ಏಜೆಂಟರ ಕೈವಾಡ ಇದೆ ಎಂದು ಹೇಳಲಾಗಿದೆ. ಸ್ಟಾಕ್ ಇರುವ ಗುಟ್ಕಾಗಳನ್ನು ಮಾರುಕಟ್ಟೆಗೆ ಒದಗಿಸದೆ ಕೃತಕ ಅಭಾವ ಸೃಷ್ಟಿಸುವ ಮೂಲಕ ಲಾಭ ಪಡೆಯುತ್ತಿದ್ದಾರೆ.ಜೊತೆಗೆ ಇತ್ತೀಚೆಗೆ ಅಡಿಕೆ ಬೆಲೆ ಕುಸಿತಕ್ಕೆ ಕೂಡ ಇದೇ ಕಾರಣ ಎಂದು ಸಗಟು ವ್ಯಾಪಾರಿಗಳು ಪ್ರಚಾರಮಾಡುವ ಮೂಲಕ ತಮ್ಮ ಬೇಳೆ ಬೇಯಿಸಿಕೊಳ್ಳುತ್ತಿದ್ದಾರೆ. ಇದರಿಂದ ನಮಗೂ , ಗುಟ್ಕಾ ಪ್ರಿಯರಿಗೂ ನಷ್ಟ ಎನ್ನುತ್ತಾರೆ ಅಂಗಡಿ ಮಾಲಕರೊಬ್ಬರು.

ಕೆಲವೊಂದು "ಗುಟ್ಕಾ ಬ್ರಾಂಡ್" ಗಳಿಗೆ ಒಗ್ಗಿಹೋಗಿರುವ ಗುಟ್ಕಾ ವ್ಯಸನಿಗಳು ಎಷ್ಟು ಬೆಲೆ ತೆತ್ತಾದರೂ ಗುಟ್ಕಾ ಖರೀದಿಸುವ ಇರಾದೆಯಲ್ಲಿರುತ್ತಾರೆ. ಈ ಮನೋಸ್ಥಿತಿಯನ್ನು ಸಗಟು ವ್ಯಾಪಾರಸ್ಥರು ದುರುಪಯೋಗ ಪಡಿಸಿಕೊಳ್ಳುತ್ತಿರುವುದಂತೂ ಸತ್ಯ.

ಕಾಗದದ ಪ್ಯಾಕೇಟ್ ನಲ್ಲಿ ಗುಟ್ಕಾ......

ಸುಪ್ರೀಂಕೋರ್ಟ್ ಆದೇಶದ ಹಿನ್ನೆಲೆಯಲ್ಲಿ ಕೆಲವೊಂದು ಗುಟ್ಕಾ ಕಂಪೆನಿಗಳು ತಮ್ಮ ಉತ್ಪನ್ನಗಳನ್ನು ಕಾಗದದ ಪ್ಯಾಕೇಟ್ ಗಳಲ್ಲಿ ಮಾರುಕಟ್ಟೆಗೆ ತಂದಿದೆ. ಆದರೆ ಈ ಬೆಳವಣಿಗೆ ಸಗಟು ವ್ಯಾಪಾರಿಗಳು, ಅಂಗಡಿ ಮಾಲಕರು ಹಾಗೂ ಗುಟ್ಕಾ ಪ್ರಿಯರಿಗೆ ತೃಪ್ತಿ ತಂದಿಲ್ಲ. ಇದಕ್ಕೆ ತಮ್ಮದೇ ಆದ ಕಾರಣ ನೀಡುವ ಇವರುಗಳು ಬೆಲೆ ಹೆಚ್ಚಾದರೂ ಪರವಾಗಿಲ್ಲ ಗುಟ್ಕಾ ಪ್ಲಾಸ್ಟಿಕ್ ಪ್ಯಾಕೇಟ್ ನಲ್ಲೇ ಇರಲಿ ಎಂದು ಅಭಿಪ್ರಾಯಿಸುತ್ತಾರೆ.

ಕಾಗದದ ಪ್ಯಾಕೇಟ್ ನ ಗುಟ್ಕಾ ಸಾಗಾಟದ ಸಂದರ್ಭ ಹಾಗೂ ನಿರ್ವಹಣೆ ಸಂದರ್ಭ ಹರಿದು ಹೋಗಬಹುದು ಎನ್ನುವ ಆತಂಕ ಗುಟ್ಕಾದ ಸಗಟು ವ್ಯಾಪಾರಿಗಳದ್ದಾದರೆ, ಅಂಗಡಿ ಮಾಲಕರ ಚಿಂತೆಯೇ ಬೇರೆ. ಈ ಪ್ಯಾಕೇಟ್ ಗಳನ್ನು ಹೆಚ್ಚು ದಿನ ಇರಿಸುವಂತಿಲ್ಲ. ದಿನಕಳೆದಂತೆ ಗುಟ್ಕಾದ ಪ್ರಭಾವದಿಂದಾಗಿ ಕಾಗದದ ಪ್ಯಾಕೇಟ್ ಬಣ್ಣ ಬದಲಾಗುತ್ತದೆ. ಇದರಿಂದ ನಮಗೆ ನಷ್ಟ ಉಂಟಾಗುತ್ತದೆ ಎನ್ನುತ್ತಾರೆ ಅವರು.

ಗುಟ್ಕಾ ವ್ಯಸನಿಗಳೂ ತಮ್ಮದೇ ಆದ ನೋವನ್ನು ವ್ಯಕ್ತಪಡಿಸುತ್ತಿದ್ದಾರೆ. ಈ ಪ್ಯಾಕೇಟ್ ಗಳನ್ನು ಜೇಬಿನಲ್ಲಿ ಇರಿಸಿಕೊಳ್ಳುವಂತಿಲ್ಲ. ಪ್ಯಾಕೇಟ್ ಹರಿಯುವ ಹಾಗೂ ಜೇಬಿಡೀ ಗುಟ್ಕಾ ಹರಡುವ ಸಾಧ್ಯತೆಯನ್ನು ಇವರು ಹೇಳುತ್ತಾರೆ. ಮುಖ್ಯವಾಗಿ ಇದನ್ನು ಇರಿಸಿಕೊಂಡ ಜೇಬಿನಲ್ಲಿ ಗುಟ್ಕಾದ ಕಲೆ ಅಗುತ್ತದೆ. ಬೇಸಿಗೆಯ ಬೆವರು, ಮಳೆಗಾಲದ ನೀರು ಬಿತ್ತೆಂದರೆ ಇನ್ನೂ ಕಷ್ಟ ಎನ್ನುವ ಗುಟ್ಕಾ ಪ್ರಿಯರು ಇದೇ ಚಿಂತೆಯಲ್ಲಿ ಮುಳುಗಿದ್ದಾರೆ.

ಇದೀಗ ಬಂದ ಸುದ್ದಿ....

ಚಿಕ್ಕಮಗಳೂರಿನಲ್ಲಿ ಗುಟ್ಕಾ ಪ್ಯಾಕೇಟ್ ವೊಂದನ್ನು 70ರುಪಾಯಿಗೆ ಮಾರಾಟಮಾಡಿದರಂತೆ.ಹಾಗೂ ಬಿ.ಸಿ.ರೋಡಿನಲ್ಲಿ 3 ರುಪಾಯಿಯ ಗುಟ್ಕಾ ಪ್ಯಾಕೇಟ್ ವೊಂದನ್ನು 12 ರುಪಾಯಿಗೆ ಮಾರಾಟ ಮಾಡಿದರಂತೆ...

ಇದೇನು ಜೀವನಾವಶ್ಯಕ ವಸ್ತುವಲ್ಲ.. ಡಾಕ್ಟರ್‌ಗಳೂ ಕೂಡಾ "ಗುಟ್ಕಾ ಸೇವನೆ ಆರೋಗ್ಯಕ್ಕೆ ಹಾನಿಕರ" ಎನ್ನುವುದನ್ನು ಒತ್ತಿಒತ್ತಿ ಹೇಳುತ್ತಿದ್ದಾರೆ ಹಾಗಾಗಿ ಇದರ ಬೆಲೆ ಎಷ್ಟು ಹೆಚ್ಚಾದರೂ ಪರವಾಗಿಲ್ಲ...ತಿನ್ನಬಾರದ್ದನ್ನು ತಿನ್ನುವವರು "ಬೆಲೆಹೆಚ್ಚು" ಎನ್ನುವ ಕಾರಣಕ್ಕೆ ಗುಟ್ಕಾವನ್ನು ತಿನ್ನುವುದನ್ನು ಬಿಟ್ಟು ಬಿಟ್ಟರೆ ಅಷ್ಟೇ ಸಾಕು... ಏನಂತೀರಿ..?

2011-03-17T20:04:00.000-07:00

ನಿಮ್ಮ ಬೆಂಬಲಕ್ಕೆ ನಾನು ಋಣಿ...

ನಿಜಕ್ಕೂ ನನಗೆ ತುಂಬಾ ಖುಷಿಯಾಗಿದೆ, ರಿಯಾಲಿಟಿ ಶೋ ದಲ್ಲಿ ಬಾಲಕನೊಬ್ಬನನ್ನು ಹಿಂಸಿಸುತ್ತಿರುವ ದೃಶ್ಯದ ಕುರಿತಾಗಿ ನಾ ಬರೆದ ವರದಿಗೆ ಅಭೂತಪೂರ್ವ ಸ್ಪಂದನೆ ಸಿಕ್ಕಿದೆ. ರಿಯಾಲಿಟಿ ಶೋ ಗಳ ಕೆಟ್ಟ ಧೋರಣೆಯನ್ನು ಖಂಡಿಸಿ ನನ್ನನ್ನು ಬೆಂಬಲಿಸಿದ ಎಲ್ಲರಿಗೂ ನಾನು ಋಣಿ.....

ಹೌದು... "ನಾನು ಸೋಮವಾರ ರಾತ್ರಿ ಟಿವಿ ನೋಡುತ್ತಿದ್ದ ವೇಳೆ ಸುವರ್ಣ ಚಾನೆಲ್ ನ ರಿಯಾಲಿಟಿ ಶೋ ಕಣ್ತಪ್ಪಿ ಕಣ್ಣ ಮುಂದೆ ಬಂತು. ಜೊತೆಗೆ ಬಾಲಕನೊಬ್ಬನನ್ನು

ಹಿಂಸಿಸುತ್ತಿರುವ ದೃಶ್ಯವೂ ಕಂಡು ಬಂತು. ರಿಯಾಲಿಟೀ ಶೋವೇ ಒಂದು ಕೆಟ್ಟ ಕಾರ್ಯಕ್ರಮವೆಂದು ಭಾವಿಸಿದ್ದ ನನಗೆ ಬಾಲಕನಿಗೆ ಹಿಂಸೆ ಕೊಡುತ್ತಿದ್ದ ಪ್ಯಾಟೆ ಹುಡ್ಗೀರ ವರ್ತನೆ ಅತಿರೇಕದಂತೆ ಕಂಡು ಬಂತು. ಈ ಬಗ್ಗೆ ತುಂಬಾ ಮಂದಿಯಲ್ಲಿ ಚರ್ಚೆ ಮಾಡಿದೆ. ಯಾರಲ್ಲಿ ಕೇಳಿದ್ರೂ ಆ ಘಟನೆ ಬಗ್ಗೆ ನಿಂದನೆಯ ಅಭಿಪ್ರಾಯವೇ ಬಂತು. ಹಾಗಾಗಿ ನನ್ನದೇ ಶೈಲಿಯಲ್ಲಿ ವರದಿ ಮಾಡಿದೆ".

ವರದಿಯ ಬಗ್ಗೆ ಬೇರೆ ಬೇರೆ ಬ್ಲಾಗ್‌ಗಳು, ವೆಬ್‌ಸೈಟ್‌ಗಳು,ವ್ಯಕ್ತಿಗಳು ನೀಡಿರುವ ಪ್ರತಿಕ್ರಿಯೆ ಅತ್ಯಂತ ಸಂತಸ ತಂದು ಕೊಟ್ಟಿದೆ.ಸುವರ್ಣ ಚಾನೆಲ್ ನ ಪ್ಯಾಟೆ ಹುಡ್ಗೀರ ಹಳ್ಳಿ ಲೈಫು ರಿಯಾಲಿಟಿ ಶೋ ದ ಲ್ಲಿ ನಡೆಯುವ ಮಕ್ಕಳ ಹಕ್ಕು, ಮಾನವ ಹಕ್ಕುಗಳ ಉಲ್ಲಂಘನೆಗಳ ಬಗ್ಗೆ, ಮಹಿಳಾ ಶೋಷಣೆಯ ಬಗ್ಗೆ ಎಲ್ಲರ ಮನಸ್ಸಲ್ಲೂ ಅಸಹನೆ ತುಂಬಿದೆ. ಬಹುತೇಕರಿಗೆ ಆ ರಿಯಾಲಿಟಿ ಶೋ ದ ಬಗ್ಗೆ ಕೋಪವಿದೆ ಎಂಬುದು ನಾನು ಮಾಡಿರುವ ಸಣ್ಣ ವರದಿಗೆ ಬಂದಿರುವ ದೊಡ್ಡ ಸ್ಪಂದನವೇ ಸಾಕ್ಷಿ.....

ಪ್ಯಾಟೆ ಹುಡ್ಗೀರ ಹಳ್ಳಿ ಲೈಫು ರಿಯಾಲಿಟಿ ಶೋ ದಲ್ಲಿ ಯುವತಿಯರ ವೇಷಭೂಷಣದಿಂದ ಹಿಡಿದು, ಪ್ರತೀ ಚಲನೆಯೂ ಆ ಕಾರ್ಯಕ್ರಮದ ನಿರ್ದೇಶಕನ ಸೂಚನೆಯಂತೆ ನಡೆಯುತ್ತಿರಬಹುದು. ಪ್ರತೀ ಕಂತಿನಲ್ಲೂ ಯಾರ್‍ಯಾರು ಭಾಗವಹಿಸಬೇಕು, ಯಾವ ರೀತಿಯಲ್ಲಿರಬೇಕು ಎಂಬ ಬಗ್ಗೆಲ್ಲಾ ನಿರ್ದೆಶಕನ ಸ್ಕ್ರಿಪ್ಟ್ ಹೇಳಬಹುದು. ಆದರೂ ಅದನ್ನೇ ರಿಯಾಲಿಟಿ ಶೋ ಎಂದು ಹೆಸರಿಸಿ ನೋಡುಗರನ್ನು ಮರುಳು ಮಾಡುವುದು ಚಾನೆಲ್ ವೈಖರಿ.

ಹಾಗೆಂದು ನನಗೆ ಸುವರ್ಣ ವಾಹಿನಿಯ ಮೇಲೆ ಯಾವ ರೀತಿಯ ಪೂರ್ವಾಗ್ರಹವೂ ಇಲ್ಲ. ತಪ್ಪು ಹೆಜ್ಜೆಗಳನ್ನಿಡುತ್ತಾ ನೋಡುಗರನ್ನೂ ತಪ್ಪು ದಾರಿಯಲ್ಲಿ ಸಾಗಿಸುವ ಯಾವುದೇ ವಾಹಿನಿಯ ಕಾರ್ಯವೈಖರಿಯನ್ನು ನಾನು ವೈಯುಕ್ತಿಕವಾಗಿ ಖಂಡಿಸುತ್ತೇನೆ. ಸುವರ್ಣದ "ಪ್ಯಾಟೆ ಹುಡ್ಗೀರ ಹಳ್ಳಿ ಲೈಫು" ರಿಯಾಲಿಟಿ ಶೋ ಕೂಡ ನನಗೊಬ್ಬನಿಗೆ ಮಾತ್ರ ತಪ್ಪು ಎಂದು ಕಂಡು ಬಂದದಲ್ಲ. ಪ್ರಜ್ಞಾವಂತರಾಗಿದ್ದುಕೊಂಡು ಸಾಮಾಜಿಕ ಆಗು ಹೋಗುಗಳನ್ನು ವಿಮರ್ಶಾತ್ಮಕ ದೃಷ್ಟಿಯಿಂದ ನೋಡುವ ಎಲ್ಲರೂ ರಿಯಾಲಿಟಿ ಶೋ ಅನ್ನು ಖಂಡಿಸಿದ್ದಾರೆ. ಪ್ಯಾಟೆ ಹುಡ್ಗೀರ ಹಳ್ಳಿ ಲೈಫು ರಿಯಾಲಿಟಿ ಶೋ ದ ಲ್ಲಿ ಕೇವಲ ಮಕ್ಕಳ ಹಕ್ಕುಗಳ ಉಲ್ಲಂಘನೆಯಾಗುತ್ತಿಲ್ಲ... ಇಲ್ಲಿ ಶಿಕ್ಷೆಯ ಹೆಸರಿನಲ್ಲಿ ನೀಡುವ ಕೆಲವೊಂದು ಘಟನೆಗಳು ಮಾನವಹಕ್ಕುಗಳ ಮೇಲೆ ಅತ್ಯಾಚಾರ ನಡೆಸಿದಂತಾ ರೀತಿಯಲ್ಲಿರುತ್ತದೆ. ಹಣದ ಆಮಿಷದಿಂದಲೋ, ಪ್ರಚಾರದ ಬಯಕೆಯಿಂದಲೋ, ಹುಚ್ಚು ಸಾಹಸ ಪ್ರವೃತ್ತಿಯಿಂದಲೋ ಈ ರಿಯಾಲಿಟಿ ಶೋ ದಲ್ಲಿ ಭಾಗವಹಿಸುತ್ತಿರುವ ಹುಡುಗಿಯರನ್ನು ಕ್ಯಾಮರಾ ಕಣ್ಣಲ್ಲಿ ತೋರಿಸುವ ರೀತಿಯಂತೂ ಅಸಹ್ಯ . ಈ ಎಲ್ಲದರ ಬಗ್ಗೆ ಹಲವಾರು ಲೇಖನಗಳನ್ನು ಪತ್ರಿಕೆಗಳಲ್ಲಿ, ಬ್ಲಾಗ್ ಗಳಲ್ಲಿ, ವೆಬ್ ಸೈಟ್ ಗಳಲ್ಲಿ, ಪುಸ್ತಕಗಳಲ್ಲಿ ಬರೆದ, ಪ್ರಕಟಿಸಿದ್ದಾಗಿದೆ. ಲೇಖಕರು ಬಗೆಬಗೆಯಲ್ಲಿ ರಿಯಾಲಿಟಿ ಶೋ ಗಳ ಗಂಭೀರತೆಯನ್ನು ತಮ್ಮ ಬರಹಗಳ ಮೂಲಕ ವ್ಯಕ್ತಪಡಿಸಿದ್ದಾರೆಯಾದರೂ, ಸಂಬಂಧಪಟ್ಟವರು ಇದರ ಕಡೆಗೆ ಗಮನ ನೀಡಿಲ್ಲ. ನೋಡುಗ ವಲಯವೂ ಇಂತಹ ಚಾನೆಲ್ ಗಳ ಬಗ್ಗೆ ಚಕಾರ ವೆತ್ತಿಲ್ಲ. ಚಾನೆಲ್ ತೋರಿಸಿದ್ದನ್ನು ನಾವು ನೋಡಲೇ ಬೇಕು ಎಂಬರ್ಥದಲ್ಲಿ ಚಾನೆಲ್ ಗಳು ಪ್ರಸಾರ ಮಾಡಿದ್ದೆಲ್ಲವನ್ನೂ "ಭಯಭಕ್ತಿಯಿಂದ" ನೋಡುತ್ತಿದ್ದಾರೆ.

ರಿಯಾಲಿಟಿ ಶೋ ಗಳಲ್ಲಿ ಯಾವುದೇ ಹುಡುಗಿಗೆ, ಯಾವುದೇ ಮಗುವಿಗೆ, ಯಾವುದೇ ವ್ಯಕ್ತಿಗೂ ಅನ್ಯಾಯವಾಗುತ್ತಿದ್ದರೂ ಆ ಚಾನೆಲ್‌ಗಳ ಕಾರ್ಯಕ್ರಮಗಳನ್ನು ನಿರಂತರ ನೋಡುತ್ತಿರುವ ವರ್ಗ ಚಕಾರ ವನ್ನೂ ಎತ್ತುತ್ತಿಲ್ಲ.. ಯಾಕೆಂದರೆ ವಿಜಯ ಕರ್ನಾಟಕದ ಎ.ಕೃಷ್ಣ ಭಟ್ ರವರು ತಮ್ಮ ಅಂದದ ಬರಹದಲ್ಲಿ ಹೇಳಿರುವಂತೆಯೇ ಅವರ್‍ಯಾರೂ ನಮ್ಮ ಮನೆಯವರಲ್ಲವಲ್ಲ..?

ಸಾಮಾಜಿಕ ಹಿತ ಕಾಯಬೇಕಾದ ಜವಬ್ದಾರಿಯುಳ್ಳ ಇಂತಹ ವಾಹಿನಿಗಳು ತಾವೇ ಜವಬ್ದಾರಿ ಮರೆತರೆ ಹೇಗೆ ? ಇಂತಹ ಘಟನೆಗಳ ಬಗ್ಗೆ ಸಕಾಲಕ್ಕೆ ಪ್ರತಿಕ್ರಿಯೆ ನೀಡಿ ಜನರನ್ನು ಜಾಗೃತಗೊಳಿಸಬೇಕಾದ್ದು ಪ್ರಜ್ಞಾವಂತರ ಕರ್ತವ್ಯ. ಪತ್ರಿಕೆಯಲ್ಲಿ ಕೆಲಸ ಮಾಡುತ್ತಿರುವ ನಾನು ಈ ವರದಿ ಮಾಡುವ ಮೂಲಕ ನನ್ನ ಜವಬ್ದಾರಿಯನ್ನು ನಿರ್ವಹಿಸಿದ್ದೇನೆ ಎಂಬ ತೃಪ್ತಿ ನನಗಿದೆ.

ಮಾತು ಆಡುವವರಿಲ್ಲದೆ ಬಹುತೇಕ ವಿಚಾರಗಳು ಚರ್ಚೆ ಯಾಗುವುದೇ ಇಲ್ಲ. ಹಾಗಾಗಿಯೇ ರಿಯಾಲಿಟಿ ಶೋ ಗಳಂತಹ ಹಲವು ಸಮಸ್ಯೆಗಳು ಇನ್ನೂ ನಮ್ಮ ಸುತ್ತಮುತ್ತ ಸುಳಿದಾಡುತ್ತಿದೆ. ನಾ ಬರೆದ ವರದಿಯೊಂದು ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗವನ್ನು ಎಚ್ಚರಿಸಿತು ಎಂದಾದರೆ ಅದಕ್ಕಿಂತ ಬೇರೆ ಸಂತೋಷ ಬೇಕೆ...? ಏನೇ ಇರಲಿ.. ನನ್ನ ವರದಿಯನ್ನು ಪ್ರಕಟಿಸಿ ಮಕ್ಕಳ ಹಕ್ಕಿನ ಕುರಿತಾಗಿ ಸ್ವರವೆಬ್ಬಿಸಿ "ವಾರ್ತಾಭಾರತಿ"ಗೆ ಥ್ಯಾಂಕ್ಸ್.

ನನ್ನ ಈ ಸಣ್ಣ ದನಿಗೆ ಸ್ವರ ಸೇರಿಸಿದ ಸಂಪಾದಕೀಯ ಬ್ಲಾಗ್(http://sampadakeeya.blogspot.com/2011/03/blog-post_16.html) ದ್ಯಾಟ್ಸ್ ಕನ್ನಡ(http://thatskannada.oneindia.in/movies/tv/2011/03/17-child-rights-commission-phhl-2-suvarna-show-aid0039.html) ಸಂವಾದಿ ಡಾಟ್ ಕಾಮ್(http://www.samvaada.com/themes/article/220/cruel_kannada_realty_shows.htm)ಬೇರೆ ಬೇರೆ ಪತ್ರಿಕೆಗಳ ಪರ್ತಕರ್ತ ಸ್ನೇಹಿತರಿಗೆ, ವಾಹಿನಿಗಳ ಮಿತ್ರರಿಗೆ ನಾನು ಚಿರರುಣಿ. ನನ್ನ ವರದಿಯನ್ನು ಬ್ಲಾಗ್ ಮೂಲಕ, ಫೇಸ್ ಬುಕ್ ಮೂಲಕ ಬೇರೆ ಬೇರೆ ಕಡೆ ಪಸರಿಸಿ ಗಂಭೀರ ವಿಷಯದ ಪ್ರಾಮುಖ್ಯತೆ ಹೆಚ್ಚಿಸಿದವರು ತುಂಬಾ ಮಂದಿ. ಪತ್ರಿಕೆ, ಬ್ಲಾಗ್ ನಲ್ಲಿ ವರದಿ ನೋಡಿ ನೇರವಾಗಿ, ಕಮೆಂಟ್ ಹಾಕಿ, ಮೊಬೈಲ್ ಮೆಸೇಜ್ ಮೂಲಕ ನನ್ನ ಬೆಂಬಲಿಸಿದವರು ಹಲವು ಮಂದಿ. ಮಕ್ಕಳ ಹಕ್ಕುಗಳ ಕುರಿತಾಗಿ ದುಡಿಯುತ್ತಿರುವ ಹಲವು ಸಮಾಜ ಸೇವಾ ಸಂಸ್ಥೆಗಳು ಎನ.ಜಿ.ಓ. ಗಳ ಮುಖ್ಯಸ್ಥರು ರಿಯಾಲಿಟಿ ಶೋ ಗಳ ಅಪಾಯಗಳ ಬಗ್ಗೆ ನನ್ನೊಂದಿಗೆ ಮಾತನಾಡಿದ್ದಾರೆ. ವರದಿಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಒಟ್ಟಿನಲ್ಲಿ ನನ್ನ ವರದಿ ಪ್ರಜ್ಞಾವಂತರ ವಲಯದಲ್ಲಿ ಬಿಸಿಬಿಸಿ ಚರ್ಚೆಗೆ ಕಾರಣವಾಗಿರುವುದಂತೂ ನನಗೆ ತುಂಬಾ ಖುಷಿ ತಂದಿದೆ.ಈ ಚರ್ಚೆ ಹೀಗೆ ಮುಂದುವರಿಯಲಿ....

2011-03-16T10:31:00.000-07:00

ಅಮಾನವೀಯ ರಿಯಾಲಿಟಿ ಶೋ...

ವಾಹಿನಿ ವಿರುದ್ದ ಕ್ರಮಕ್ಕೆ ಮುಂದಾದ ಆಯೋಗ....

ರಿಯಾಲಿಟಿ ಶೋ ಪ್ಯಾಟಿ ಹುಡ್ಗೀರ ಹಳ್ಳಿ ಲೈಫು ಕಾರ್ಯಕ್ರಮದಲ್ಲಿ ಪುಟ್ಟ ಬಾಲಕನಿಗೆ ಹಿಂಸೆ ನೀಡಿದ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಲಾಗಿದ್ದು, ಇದಕ್ಕೆ ಸಂಬಂಧಿಸಿ ಸುವರ್ಣ ವಾಹಿನಿಗೆ ನೋಟಿಸ್ ಜಾರಿ ಮಾಡುವುದಾಗಿ ರಾಜ್ಯ ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ ಸದಸ್ಯ ವಾಸುದೇವ ಶರ್ಮಾ ತಿಳಿಸಿದ್ದಾರೆ.

ವಾರ್ತಾಭಾರತಿ ಬುಧವಾರ ಸಚಿತ್ರ ಸಹಿತ ಪ್ರಕಟಿಸಿದ್ದ "ಪ್ಯಾಟಿ ಹುಡ್ಗೀರ ಅಮಾನವೀಯ ಆಟ"-ರಿಯಾಲಿಟಿ ಶೋದಲ್ಲಿ ಪುಟ್ಟ ಬಾಲಕನಿಗೆ ಹಿಂಸೆ" ಎಂಬ ವರದಿಯನ್ನು ಆಧರಿಸಿ ಪ್ರತಿಕ್ರಿಯೆ ನೀಡಿದ್ದಾರೆ. ಸುವರ್ಣವಾಹಿನಿಯ ಈ ತರಹದ ಕಾರ್ಯಕ್ರಮ ಮಕ್ಕಳ ಹಕ್ಕುಗಳ ಉಲ್ಲಂಘನೆಯಾಗಿದ್ದು, ತಮಾಷೆಗೆಂದು ಇದನ್ನು ಚಿತ್ರೀಕರಿಸಿದ್ದರೂ ಇದು ತಪ್ಪು ಎಂದಿದ್ದಾರೆ. ರಿಯಾಲಿಟಿ ಶೋ ಚಿತ್ರೀಕರಣ ವಾಗುತ್ತಿರುವ ಬಾಗಲಕೋಟೆ ಜಿಲ್ಲೆಯ ಮಕ್ಕಳ ಕಲ್ಯಾಣ ಸಮಿತಿಗೂ ಈ ಬಗ್ಗೆ ತನಿಖೆಗೆ ಸೂಚಿಸಲಾಗುವುದು ಹಾಗೂ ಕೆರ್ ಕಲ್ ಮಟ್ಟಿ ಗ್ರಾಮಪಂಚಾಯತ್ ಗೂ, ನೋಟಿಸ್ ಜಾರಿ ಮಾಡಿ ಬಾಲಕನ ಮನೆಯ ಸ್ಥಿತಿಗತಿ, ಅವನು ಶಾಲೆಗೆ ಹೋಗುತ್ತಿದ್ದಾನೆಯೇ ಇಲ್ಲವೋ ಮೊದಲಾದ ಅಗತ್ಯದ ಮಾಹಿತಿ ಸಂಗ್ರಹಿಸಲಾಗುವುದು ಎಂದು ತಿಳಿಸಿದ್ದಾರೆ. ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದಲ್ಲಿ ಈ ಬಗ್ಗೆ ತುರ್ತು ಚರ್ಚೆ ನಡೆಸಿ, ಮುಂದಿನ ಕ್ರಮ ಜರಗಿಸುವುದಾಗಿ ಅವರು ತಿಳಿಸಿದ್ದಾರೆ.

ಖಂಡನೆ;

ಸುವರ್ಣ ಚ್ಯಾನಲ್‌ನಲ್ಲಿ ನಡೆದ ರಿಯಾಲಿಟಿ ಶೋ ಕಾರ್ಯಕ್ರಮದಲ್ಲಿ ಮಕ್ಕಳ ಶೋಷಣೆ ಮಾಡಿದ ವಿಚಾರ ಖಂಡನೀಯ ಎಂದು ಮಂಗಳೂರು ವೆಲೊರೆಡ್ ನಿರ್ದೇಶಕ ರೆನ್ನಿ ಡಿ'ಸೋಜ ಪ್ರತಿಕ್ರಿಯಿಸಿದ್ದಾರೆ. ಇಂತಹ ಕಾರ್ಯಕ್ರಮಗಳು ಭಾಗವಹಿಸುವ ಮಗುವಿನ ಹಾಗೂ ವೀಕ್ಷಿಸುವ ಮಕ್ಕಳ ಮೇಲೆ ತೀವ್ರವಾಗಿ ಪರಿಣಾಮ ಬೀರುತ್ತದೆ. ಈ ಬಗೆಯ ದೃಶ್ಯಾವಳಿಗಳನ್ನು ಪ್ರಸಾರ ಮಾಡಿ ಮಕ್ಕಳ ಹಕ್ಕುಗಳ ಉಲ್ಲಂಘಿಸುವ ಹಾಗೂ ಯಾವುದೇ ಕಾರ್ಯಕ್ರಮಗಳಲ್ಲಿ ಮಕ್ಕಳ ಮಾನಸಿಕ ಮತ್ತು ದೈಹಿಕ ಹಿಂಸೆ ನೀಡಿ ಮನರಂಜನೆಯ ವಸ್ತುವನ್ನಾಗಿ ಮಾಡುವ ಕೆಟ್ಟ ಸಂಸ್ಕೃತಿಯನ್ನು ಜಾಗೃತ ಸಮುದಾಯವು ವಿರೋಧಿಸಬೇಕಾಗಿದೆ. ಈ ನಿಟ್ಟಿನಲ್ಲಿ ಈಗಾಗಲೇ ನಾವು ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ ಗಮನಕ್ಕೆ ತರಲಾಗಿದೆ ಎಂದು ತಿಳಿಸಿರುವ ಅವರು, ರಿಯಾಲಿಟಿ ಶೋ ದಲ್ಲಿ ಮಕ್ಕಳ ಹಕ್ಕು ಉಲ್ಲಘನೆಯ ವಿಚಾರವನ್ನು "ವಾರ್ತಾಭಾರತಿ" ಗಮನಿಸಿ ಸಾರ್ವಜನಿಕರನ್ನು ಜಾಗೃತಿಗೊಳಿಸಿರುವುದರ ಬಗ್ಗೆ ಮೆಚ್ಚುಗೆ ವ್ಯಕ್ತ ಪಡಿಸಿದ್ದಾರೆ.

2011-03-15T10:52:00.000-07:00

"ಪ್ಯಾಟೆ ಹುಡ್ಗೀರ ಹಳ್ಳಿ ಲೈಫು"

ರಿಯಾಲಿಟಿ ಶೋ ದಲ್ಲಿ ಪುಟ್ಟಬಾಲಕನಿಗೆ ಹಿಂಸೆ..!

ಖಾಸಗಿ ವಾಹಿನಿಗಳಲ್ಲಿ ಪ್ರಸಾರ ಗೊಳ್ಳುತ್ತಿರುವ ರಿಯಾಲಿಟಿ ಶೋ ಗಳು ಮಕ್ಕಳ ಪ್ರತಿಭಾನ್ವೇಷಣೆಯ ಹೆಸರಿನಲ್ಲಿ ಮಕ್ಕಳನ್ನು ಮಾನಸಿಕವಾಗಿ ನೋಯಿಸುತ್ತಿದೆ ಎಂಬ ಆರೋಪವಿರುವ ಬೆನ್ನಲ್ಲೇ ಸೋಮವಾರ ರಾತ್ರಿ ಸುವರ್ಣ ವಾಹಿನಿಯಲ್ಲಿ

ಪ್ರಸಾರಗೊಂಡ ರಿಯಾಲಿಟಿ ಶೋ "ಪ್ಯಾಟೆ ಹುಡ್ಗೀರ ಹಳ್ಳಿ ಲೈಫು" ವಿನಲ್ಲಿ ಪುಟ್ಟ ಬಾಲಕನೊಬ್ಬನಿಗೆ ಯುವತಿಯರಿಬ್ಬರು ಚಿತ್ರ ಹಿಂಸೆ ನೀಡುವ ದೃಶ್ಯಗಳು ವ್ಯಾಪಕ ಟೀಕೆಗೆ ಕಾರಣವಾಗಿದೆ.

ಸೋಮವಾರ ರಾತ್ರಿ ಪ್ರಸಾರಗೊಂಡ ಬಾಲಕನಿಗೆ ದೈಹಿಕ ಹಾಗೂ ಮಾನಸಿಕ ಹಿಂಸೆ ನೀಡುವ ದೃಶ್ಯಗಳ ಪೈಕಿ ಕೆಲವು ದೃಶ್ಯಗಳು,ಮಂಗಳವಾರ ಅಪರಾಹ್ನದ ಸಂಚಿಕೆಯಲ್ಲಿ ಮರುಪ್ರಸಾರಗೊಂಡಿದೆ.

ವಾಹಿನಿ ಈಗಾಗಲೇ ಹೇ ಳಿಕೊಂಡಂತೆ ವಾಹಿನಿಯ ಈ ಪ್ಯಾಟೆ ಹುಡ್ಗೀರ ಹಳ್ಳಿ ಲೈಫು ಕಾರ್ಯಕ್ರಮ ಒಂದು ರಿಯಾಲಿಟಿ ಶೋ. ಮನರಂಜನೆ ಯನ್ನು ಮಾತ್ರ ಕೇಂದ್ರವಾಗಿರಿಸಿಕೊಂಡು ಮುನ್ನಡೆಯುತ್ತಿರುವ ಈ ವಾಹಿನಿ ತನ್ನ ರಿಯಾಲಿಟಿ ಶೋ ಗೆ ಪುಟ್ಟ ಬಾಲಕನೊಬ್ಬನನ್ನು ಬಳಸಿಕೊಂಡಿದ್ದು ನಗ್ನವಾಗಿ ತೋರಿಸಿ ಮಕ್ಕಳ ಹಕ್ಕುಗಳ ಉಲ್ಲಂಘನೆ ಮಾಡಿದೆ.

"ಬಾಗಲಕೋಟೆಯ ಕೆರ್‌ಕಲ್ ಮಟ್ಟಿ ಎಂಬ ಹಳ್ಳಿಯ ಮನೆಯೊಂದರಲ್ಲಿ ಸುಮಾರು ೬ ವರ್ಷದ ಪುಟ್ಟ ಬಾಲಕನೊಬ್ಬನೊಂದಿಗೆ ವಾಗ್ವಾದಕ್ಕಿಳಿಯುವ ಪ್ಯಾಟಿ ಹುಡ್ಗಿಯರಿಬ್ಬರು, ಬಾಲಕನ ಅಂಗಿಯ ಬಟನ್ ಗಳನ್ನು ತೆಗೆಯುತ್ತಾರೆ, ಇದಕ್ಕೆ ಬಾಲಕ ವಿರೋಧ ವ್ಯಕ್ತಪಡಿಸುತ್ತಿರುವಂತೆಯೇ ಇಬ್ಬರೂ ಸೇರಿ ಬಾಲಕ ಧರಿಸಿದ್ದ ಪ್ಯಾಂಟ್ ಅನ್ನು ಎಳೆದು ತೆಗೆಯುತ್ತಾರೆ. ಬಾಲಕ ಸಿಟ್ಟಿನಿಂದ ಹುಡ್ಗೀರ ವರ್ತನೆಗೆ ಪ್ರತಿರೋಧ ತೋರುತ್ತನಾದರೂ, ಲೆಕ್ಕಿಸದ ಹುಡ್ಗೀರು ಬಾಲಕನ ಎರಡೂ ಕೈಗಳನ್ನು ಹಿಂದಕ್ಕೆ ಹಿಡಿದುಕೊಂಡು ಬಾಲಕ ಧರಿಸಿದ್ದ ಚಡ್ಡಿಯನ್ನೂ ಎಳೆಯುತ್ತಾರೆ, ತುದಿ ಕತ್ತರಿಸುತ್ತೇನೆ ಎಂದೆಲ್ಲಾ ಹೊಲಸು ಮಾತನಾಡುತ್ತಾರಲ್ಲದೆ, ಈ ದೃಶ್ಯದುದ್ದಕ್ಕೂ ಬಾಲಕನನ್ನು ಅವಾಚ್ಯವಾಗಿ ನಿಂದಿಸುವ ಮಾತುಗಳು ಕೇಳಿ ಬರುತ್ತದೆ.

ವಿವಸ್ತ್ರಗೊಂಡ ಬಾಲಕನನ್ನು ಇಬ್ಬರು ಯುವತಿಯರು ಜೋರಾಗಿ ನಕ್ಕು ಅವಮಾನಿಸುತ್ತಾರಲ್ಲದೆ, ಈ ಗೆಲ್ಲಿ ನಿನ್ನ ಪೊಗರು ಎಂಬೆಲ್ಲಾ ಅರ್ಥ ಬರುವಂತೆ ಮಾತನಾಡುವ ಸನ್ನಿವೇಶಗಳು ಮುಂದಿನ ದೃಶ್ಯಗಳಲ್ಲಿ ಅಡಕವಾಗಿದೆ. ಕೊನೆಯಲ್ಲಿ ಹುಡ್ಗೀರ ವರ್ತನೆಗೆ ಆಕ್ರೋಶಗೊಂಡ ಬಾಲಕ ಕತ್ತಿ ಹಿಡಿದು ಹುಡ್ಗಿಯರನ್ನು ಬೆದರಿಸಿ ಬೆನ್ನಟ್ಟುವ ದೃಶ್ಯಗಳನ್ನು ವಾಹಿನಿ'' ಹೊಡಿ ಮಗ..ಹೊಡಿ ಮಗಾ ಹಿನ್ನೆಲೆ ಹಾಡಿನೊಂದಿಗೆ ಪ್ರಸಾರ ಮಾಡಿದೆ."

ಮಗುವಿನ ಮನಸ್ಸನ್ನು ನೋಯಿಸುವುದು, ಚಿತ್ರಹಿಂಸೆ ಕೊಡುವ ಈ ದೃಶ್ಯಗಳನ್ನು ರಿಯಾಲಿಟಿ ಶೋ ಗಾಗಿ ಸಿದ್ದಪಡಿಸಿದ ಸುವರ್ಣ ವಾಹಿನಿ ಮಕ್ಕಳ ಹಕ್ಕುಗಳನ್ನು ಉಲ್ಲಂಘಿಸಿದೆ. ಕತ್ತಿಹಿಡಿದು ಮಗುವೇ ಹೊಡಿಮಗಾ.. ಹೊಡಿ ಮಗಾ..(ಹಿನ್ನೆಲೆಸಂಗೀತ) ಓಡುವ ದೃಶ್ಯದಿಂದಲೂ ವೀಕ್ಷಿಸಿದ ಮಕ್ಕಳ ಮೇಲೆ ಕೆಟ್ಟ ಪರಿಣಾಮ ಬೀರುವ ಸಾಧ್ಯತೆಯೇ ಹೆಚ್ಚಾಗಿದೆ.

ಮಕ್ಕಳನ್ನು ಮಾನಸಿಕ ಹಾಗೂ ದೈಹಿಕವಾಗಿ ಹಿಂಸಿಸುವುದು ಕಾನೂನು ರೀತಿಯ ಅಪರಾಧ. ಇದೇ ದೃಶ್ಯದಲ್ಲಿ ಯುವತಿ ಉರಿಯುತ್ತಿರುವ ಕಟ್ಟಿಗೆ ತುಂಡನ್ನು ಹಿಡಿದು ಬಾಲಕನಿಗೆ ಬೆಂಕಿಕೆಂಡ ಮುಟ್ಟಿಸುತ್ತೇನೆಂದು ಹೆದರಿಸುವ ದೃಶ್ಯವೂ ಇದೆ. ಮಕ್ಕಳ ಹಕ್ಕುಗಳ ಕುರಿತಾಗಿ ನೋಡಿದರೆ, ಬೆಂಕಿ ತಗಲಿಸುವುದಿರಲಿ, ಬೆಂಕಿ ತೋರಿಸಿ ಹೆದರಿಸುವುದೂ ತಪ್ಪು. ಇಂತಹ ಸನ್ನಿವೇಶದಲ್ಲಿ ಮಗುವನ್ನು ವಿವಸ್ತ್ರವಾಗಿ

ನಿಲ್ಲಿಸುವುದು, ಅದನ್ನು ಸಾರ್ವಜನಿಕವಾಗಿ ಪ್ರದರ್ಶಿಸುವುದು, ಬಾಲಕ ಕತ್ತಿ ಹಿಡಿದು, ಕಲ್ಲು ಎತ್ತಿ ಓಡುವಂತಾ ಸನ್ನಿವೇಶಗಳನ್ನು ಮನರಂಜನೆಯ ಹೆಸರಿನಲ್ಲಿ ಪ್ರಸಾರ ಮಾಡಿದ ವಾಹಿನಿಯ ಕಾರ್ಯ ವೈಖರಿ ಖಂಡನೀಯ.

ಇದು ರಿಯಾಲಿಟಿ ಶೋ..!

ನಾಟಕ, ಧಾರವಾಹಿ, ಸಿನಿಮಾಗಳಲ್ಲೋ ಈ ರೀತಿಯ ಪೂರ್ವನಿಯೋಜಿತ ದೃಶ್ಯಗಳನ್ನು ಕಲ್ಪಿಸಿ, ಸೆರೆ ಹಿಡಿಯುವುದೂ ಕೂಡ ಸರಿಯಲ್ಲ. ಅದರಲ್ಲೂ ರಿಯಾಲಿಟೀ ಶೋಗಳಲ್ಲಿ ಇಂತಹ ದೃಶ್ಯಗಳನ್ನು ಸೃಷ್ಟಿಸುವುದು ಎಷ್ಟರ ಮಟ್ಟಿಗೆ ಸರಿ..? ಸುವರ್ಣ ವಾಹಿನಿಯೇ ಹೇಳಿಕೊಂಡಂತೆ ಇದು ರಿಯಾಲಿಟಿ ಶೋ. ನೈಜ ಚಿತ್ರಗಳನ್ನು ಸೆರೆಹಿಡಿಯುವ ಮೂಲಕ ಕಂತುಕಂತುಗಳ ಹಂತದಲ್ಲಿ ಪ್ರಸಾರ ಮಾಡಲಾಗುತ್ತದೆ. ಈಗಾಗಲೇ ವಿವಿಧ ಶೀರ್ಷಿಕೆಯಲ್ಲಿ ಇದೇ ತರದ ರಿಯಾಲಿಟಿ ಶೋ ಕಾರ್ಯಕ್ರಮಗಳನ್ನು ಪ್ರದರ್ಶಿಸಿದ ಈ ವಾಹಿನಿ ಹೆಚ್ಚಿನ ಹೆಸರು ಪಡೆದಿತ್ತು. ಆದರೆ ಸೋಮವಾರ ಪ್ರಸಾರಗೊಂಡ ಬಾಲಕನ ಚಿತ್ರ ಹಿಂಸೆಯ ದೃಶ್ಯಾವಳಿಗಳು ಮಕ್ಕಳ ಪರವಾದ ಸಂಘಟನೆಗಳ ಆಕ್ರೋಶಕ್ಕೆ ಕಾರವಾಗಿದ್ದು, ಬಾಗಲಕೋಟೆಯ ಹಳ್ಳಿಯೊಂದರ ಬಡ ಕುಟುಂಬದ ಮುಗ್ಧತೆಯನ್ನು ವಾಹಿನಿ ದುರುಪಯೋಗಪಡಿಸಿಕೊಂಡಿರುವುದು ಮಾತ್ರವಲ್ಲದೆ, ಮಕ್ಕಳ ಹಕ್ಕುಗಳನ್ನು ಉಲ್ಲಂಘಿಸಿದೆ. ಈ ಬಗ್ಗೆ ಸಂಬಂಧಪಟ್ಟವರು ತಕ್ಷಣ ಕ್ರಮ ಜರುಗಿಸಬೇಕಾಗಿದೆ.

-ಮೌನೇಶ್ ವಿಶ್ವಕರ್ಮ

2010-12-06T10:19:00.001-08:00

ನೇಗಿಲ ಹಿಡಿದ ಹೊಲದೊಳು ಹಾಡುತಉಳುವಾ ಯೋಗಿಯ ನೋಡಲ್ಲಿಫಲವನು ಬಯಸದೆ ಸೇವೆಯ ಪೂಜೆಯುಕರ್ಮವೆ ಇಹಪರ ಸಾಧನವು
ಕಷ್ಟದೊಳನ್ನವ ದುಡಿವನೆ ತ್ಯಾಗಿಸೃಷ್ಟಿನಿಯಮದೊಳಗವನೇ ಭೋಗಿಉಳುವಾ ಯೋಗಿಯ ನೋಡಲ್ಲಿ
ಲೋಕದೊಳೇನೇ ನಡೆಯುತಿರಲಿತನ್ನೀ ಕಾರ್ಯವ ಬಿಡನೆಂದೂರಾಜ್ಯಗಳುಳಿಸಲಿ ರಾಜ್ಯಗಳಳಿಯಲಿ ಹಾರಲಿ ಗದ್ದುಗೆ ಮುಕುಟಗಳು
ಮುತ್ತಿಗೆ ಹಾಕಲಿ ಸೈನಿಕರೆಲ್ಲಬಿತ್ತುಳುವುದನವ ಬಿಡುವುದೆ ಇಲ್ಲಉಳುವಾ ಯೋಗಿಯ ನೋಡಲ್ಲಿ
ಬಾಳಿತು ನಮ್ಮೀ ನಾಗರಿಕತೆ ಸಿರಿಮಣ್ಣೋಣಿ ನೇಗಿಲಿನಾಶ್ರಯದಿನೇಗಿಲ ಹಿಡಿದ ಕೈಯಾದಾರದಿದೊರೆಗಳು ದರ್ಪದೊಳಾಳಿದರು
ನೇಗಿಲ ಬಲದೊಳು ವೀರರು ಮೆರೆದರುಶಿಲ್ಪಿಗಳೆಸೆದರು, ಕವಿಗಳು ಬರೆದರುಉಳುವಾ ಯೋಗಿಯ ನೋಡಲ್ಲಿ
ಯಾರೂ ಅರಿಯದ ನೇಗಿಲ ಯೋಗಿಯೆಲೋಕಕೆ ಅನ್ನವನೀಯುವನುಹೆಸರನು ಬಯಸದೆ ಅತಿಸುಖ ಗಳಿಸದೆದುಡಿದವನು ಗೌರವಕಾಶಿಸದೆ
ನೇಗಿಲ ಕುಲದೊಳಗಡಗಿದೆ ಕರ್ಮನೇಗಿಲ ಮೇಲೆಯೆ ನಿಂತಿದೆ ಧರ್ಮಉಳುವಾ ಯೋಗಿಯ ನೋಡಲ್ಲಿ

UDYAWAR TIMES: Bantwal: Mindless Polluting of Netravati River Worries Users

2010-11-16T19:47:00.000-08:00

UDYAWAR TIMES: Bantwal: Mindless Polluting of Netravati River Worries Users

2010-11-07T08:42:00.000-08:00

ನೀವು ಏನಂತೀರಿ.... ಇದು ನಮ್ಮದೇ ವ್ಯವಸ್ಥೆ.....ಹೌದಲ್ವಾ....?

ರಾಜ್ಯದ ರಾಜಕೀಯ ಡೊಂಬರಾಟಗಳಿಗೆ ಸದ್ಯಕ್ಕೆ ಬ್ರೇಕ್ ಬಿದ್ದಿದೆ. ವಿವಿಧ ಪಕ್ಷಗಳ ನಡುವೆ ಹಾಗೂ ಭಿನ್ನಮತೀಯರ ನಡುವೆ ಇದ್ದ ಒಳಜಗಳಕ್ಕೆ ಇದೀಗ ವಿರಾಮ ದೊರೆತಿದೆ. ಬಿ.ಜೆ.ಪಿ. ಸರ್ಕಾರದ ಆಡಳಿತವೆಂಬ ಐದು ವರ್ಷದ ಮೆಘಾ ಧಾರವಾಹಿಯ ನಡುವೆ ಆಗಾಗ ನಡೆಯುತ್ತಿರುವ ಬಿ.ಜೆ.ಪಿ.ಯ ""ಒಳಜಗಳ-ಭಿನ್ನಮತ"" ಜಾಹಿರಾತಿನಂತೆ ರಾಜ್ಯದ ಜನತೆಗೆ ಪುಕ್ಕಟೆ ಮನೋರಂಜನೆ ನೀಡುತ್ತಿದೆ. ವಿರೋಧ ಪಕ್ಷಗಳ ಸ್ಥಾನದಲ್ಲಿ ಕುಳಿತಿರುವ ಕಾಂಗ್ರೇಸ್ ಹಾಗೂ ಜಾತ್ಯಾತೀತ ಜನತಾ ದಳದ ಧುರೀಣರೂ ಕ್ಲೈಮ್ಯಾಕ್ಸ್ ದೃಶ್ಯಗಳನ್ನು ಜೋಡಿಸುವ ಮೂಲಕ ಧಾರವಾಹಿಯಲ್ಲಿ ಗಮನೀಯ ಪಾತ್ರ ನಿರ್ವಹಿಸುತ್ತಿದ್ದಾರೆ. ಬಿ.ಜೆ.ಪಿ ಸರ್ಕಾರದ ಸಂಪುಟ ವಿಸ್ತರಣೆಯ ಸಂಕಟಕ್ಕೆ ಈಗ ವಿರಾಮ ದೊರೆತಿದೆ. ರಾಜ್ಯದಲ್ಲಿ ಯಾರನ್ನು ಮಂತ್ರಿ ಮಾಡಬೇಕು, ಯಾರನ್ನು ಮಂತ್ರಿ ಮಾಡಬಾರದೆಂಬುದನ್ನು ಬಿ.ಜೆ.ಪಿ.ಯ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ಗಡ್ಕರಿ ನಿರ್ಧರಿಸಬೇಕಾಗಿರುವುದರಿಂದ , ಮುಖ್ಯಮಂತ್ರಿ ಯಡಿಯೂರಪ್ಪ ಹಾಗೂ ಬಿ.ಜೆ.ಪಿ.ರಾಜ್ಯಾಧ್ಯಕ್ಷ ಈಶ್ವರಪ್ಪ ಸದ್ಯಕ್ಕೆ ನಿರಾಳ.

ಇಂತಹ ಸನ್ನಿವೇಶದಲ್ಲೂ ಬಿ.ಜೆ.ಪಿ. ಡಿಸೆಂಬರ್ ತಿಂಗಳಲ್ಲಿ ನಡೆಯಲಿರುವ ತಾ.ಪಂ. ಹಾಗೂ ಜಿ.ಪಂ. ಚುನಾವಣೆಗೆ ಭರ್ಜರಿ ತಯಾರಿ ನಡೆಸುತ್ತಿದೆ,. ಆಧರೆ ಕಾಂಗ್ರೇಸ್ ಹಾಗೂ ಜೆ.ಡಿ.ಎಸ್. ಧಾರವಾಹಿಯ ಕ್ಲೈಮ್ಯಾಕ್ಸ್ ಲೋಕದಿಂದ ಇನ್ನೂ ಹೊರ ಬಂದಿಲ್ಲ. ಇತ್ತೀಚೆಗೆ ನಡೆದ ಧಾರಾವಾಹಿಯ ಕೆಲ ದೃಶ್ಯಗಳಂತೂ ಅತ್ಯದ್ಭುತವಾಗಿ ಮೂಡಿ ಬಂದಿದೆ. ವಿಶ್ವಾಸ ಮತಯಾಚನೆಯಲ್ಲಿ ಶಾಸಕರೊಬ್ಬರು ಧರಿಸಿದ್ದ ಅಂಗಿಯನ್ನೇ ಹರಿದದ್ದು,ವಿಧಾನಸಭೆ ಪ್ರವೆಶಿಸಲು ಶಾಸಕರಿಗೇ ಅವಕಾಶ ಒದಗಿಸದೇ ಇದ್ದುದು, ಅದ್ದೂರಿ ಖರ್ಚಿನ resart ಎಲ್ಲವೂ ಕ್ಷಣಕ್ಷಣದ ಕುತೂಹಲವನ್ನು ಹೆಚ್ಚಿಸುತ್ತಿತ್ತು.

ಟಿ.ವಿ.ಮಾಧ್ಯಮಗಳೂ ಇದರ ಬೆನ್ನುಬಿದ್ದು ರಾಜ್ಯದ ಜನತೆಗೆ ಸತ್ಯದರ್ಶನ ಮಾಡಿಸುತ್ತಿದ್ದ ಬಗೆ ಅಧಿಕವೆನ್ನಿಸಿದ್ದರೂ ನಿಜಕ್ಕೂ ಶ್ಲಾಘನೀಯ.ರಾಜ್ಯಮಟ್ಟದಲ್ಲಿ ಪಸರಿಸಿಕೊಂಡಿದ್ದ ಪಕ್ಷದಿಂದ ಪಕ್ಷಕ್ಕೆ ಹಾರುವ ಪ್ರಕ್ರಿಯೆ ಕಳೆದೆರಡು ವರ್ಷಗಳಿಂದ ಜಿ.ಪಂ.,ತಾ.ಪಂ., ಹಾಗೂ ಗ್ರಾಮಪಂಚಾಯತ್ ಗಳಲ್ಲೂ ನಡೆಯುತ್ತಿರುವುದರಿಂದ ಯಾವ ಅಭ್ಯರ್ಥಿ, ಯಾವ ಪಕ್ಷದಿಂದ ಚುನಾವಣೆಗೆ ಸ್ಪರ್ಧಿಸುತ್ತಾನೋ, ಯಾರ ಬೆಂಬಲದಿಂದ ಗೆಲ್ಲುತ್ತಾನೋ, ಯಾವ ಪಕ್ಷದಲ್ಲಿ ಮುನ್ನಡೆಯುತ್ತಾನೋ ಎಂಬುದು ಯಾವುದೇ ಕ್ಷಣದಲ್ಲಿ ಬದಲಾವಣೆಗೊಳ್ಳಬಹುದು.

ಈ ಎಲ್ಲಾ ಬೆಳವಣಿಗೆಗಳ ನಡುವೆ ಮತದಾರ ಮಾತ್ರ ಈ ಬಾರಿ ತನ್ನದೇ ಆದ ವಿಶಿಷ್ಟ ತೀರ್ಪು ನೀಡುವ ತವಕದಲ್ಲಿದ್ದಾನೆ, ""ಓಟು ಬರಡ್ ತೂಕ"" ಎನ್ನುತ್ತಿರುವ ಮತದಾರ ರಾಜಕಾರಣ ರಾಜ್ಯದಲ್ಲಿ ತಂದಿದ್ದ ಅತಂತ್ರ ವ್ಯವಸ್ಥೆಯ ಕುರಿತಾದ ತನ್ನದೇ ನಿರ್ಧಾರಗಳನ್ನು ಮುಂದಿನ ಚುನಾವಣೆಯಲ್ಲಿ ವ್ಯಕ್ತಪಡಿಸಲಿದ್ದಾನೆ.

ಇನ್ನೇನು ಎಲ್ಲಾ ರಾಜಕೀಯ ಪಕ್ಷಗಳೂ ಚುನಾವಣೆ ಪ್ರಚಾರದ ತಾಲೀಮು ಶುರು ಮಾಡಬಹುದು. ಆದರೆ ಮತದಾರ ತನ್ನ ಪ್ರಜ್ಞಾವಂತಿಕೆಯನ್ನು ಮರೆಯದೆ ಇದ್ದರೆ ಮಾತ್ರ ನಮ್ಮ ಪ್ರಜಾಪ್ರಭುತ್ವ ವ್ಯವಸ್ಥೆ ಬಲಗೊಳ್ಳುತ್ತದೆ.

ಇತ್ತೀಚೆಗೆ ನಡೆದ ರಾಜಕೀಯದ ಕುರಿತಾಗಿ ಸ್ನೇಹಿತರೊಬ್ಬರು ಕಳುಹಿಸಿದ comedy ಎಸ್.ಎಂ.ಎಸ್. ಒಂದನ್ನು ನೀವೂ ಓದಿ ಖುಷಿ ಪಡಿ.

POLITICAL AWARDS FOR-2010

BEST ACTOR; B.S.YADIYURAPPA

BEST VILAN ; H.D.KUMARA SWAMY

BEST SUPPORTING ACTOR; SIDDARAMAYYA

TRAGEDY ACTOR; BALACHANDRA JARAKIHOLI

STORY; H.D.DEVEGOWDA

BEST MUSIC; C.T.RAVI

BEST ACTION; GOOLIHATTI SHEKAR

BEST COMEDIAN; RENUKACHARYA

DIRECTOR; H.R.BARADWAJ

DIOLOGUES; UGRAPPA

PRODUSER; REDDY BROTHERS.....

2010-11-06T04:36:00.001-07:00

ಧಾರವಾಡದ ಜಿಲ್ಲಾ ಕೃಷಿ ತರಬೇತಿ ಕೇಂದ್ರದಲ್ಲಿ ತರಬೇತಿಗೆಂದು ಬಂದ ರೈತನೊಬ್ಬ
ಕೇಂದ್ರದ ಆವರಣದಲ್ಲಿ ಗತ್ತಿನ ಹೆಜ್ಜೆಯಿಡುತ್ತಾ ಸಾಗಿದ್ದು ಹೀಗೆ.....

2010-11-04T22:53:00.000-07:00

ಭೇಷ್ ಮಕ್ಕಳೇ..ಭೇಷ್...

ಅಬ್ಬಾ ಮಕ್ಕಳು ಅದೇನು ಚುರುಕು, ಅದೇನು ಉತ್ಸಾಹಿಗಳು.. ಮಕ್ಕಳು ಹೀಗೂ ಮಾಡ್ತಾರಾ.॒. ಎಂಬೆಲ್ಲಾ ಕುತೂಹಲಗಳನ್ನು ಹುಟ್ಟು ಹಾಕಿತು ಆ ಕಾರ್ಯಕ್ರಮ.

ಶಾಲೆಯೊಂದರ ಆವರಣದಲ್ಲೇ ತರಕಾರಿ ಅಂಗಡಿ, ದಿನಸಿ ಅಂಗಡಿ, ಸ್ಕೂಲ್ ಕ್ಯಾಂಟೀನ್, ಪುಸ್ತಕದಂಗಡಿ, ಸ್ಟೇಷನರಿ ಅಂಗಡಿ ಹೀಗೆ ಎಲ್ಲವೂ ಇತ್ತು.ನೈಜ ಮಾರುಕಟ್ಟೆಯನ್ನೇ ನಾಚಿಸುವಷ್ಟರ ಮಟ್ಟಿಗೆ ಸಿದ್ದಗೊಂಡಿದ್ದ ಅಣಕು ಮಾರುಕಟ್ಟೆ ಪ್ರಾಂಗಣ ಅದಾಗಿತ್ತು.

ತಾಲೂಕಿನ ಪಾಣೆಮಂಗಳೂರು ಸಮೀಪದ ಗೂಡಿನಬಳಿ ಹಯಾತುಲ್ ಇಸ್ಲಾಂ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಆಯೋಜಿಸಿದ್ದ ಮೆಟ್ರಿಕ್ ಮೇಳದಲ್ಲಿ ಕಂಡು ಬಂದ ಈ ದೃಶ್ಯಾವಳಿಗಳು ಎಲ್ಲರ ಗಮನ ಸೆಳೆಯಿತು.

ಬಂಟ್ವಾಳ ಮೂಡ ಸಮೂಹ ಸಂಪನ್ಮೂಲ ಕೇಂದ್ರ ವ್ಯಾಪ್ತಿಯ ೧೩ಶಾಲೆಗಳ ವಿದ್ಯಾರ್ಥಿಗಳ ಕೂಡುವಿಕೆಯ ಈ ಮೆಟ್ರಿಕ್ ಮೇಳದಲ್ಲಿ ಅಂಚೆ ಕಚೇರಿ, ಪೆನ್ನಿನಂಗಡಿ, ಪ್ಯಾನ್ಸಿ ಅಂಗಡಿ, ಬಟ್ಟೆ ಅಂಗಡಿ ಸಹಿತ ಮಾರುಕಟ್ಟೆಯಲ್ಲಿರಬೇಕಾದ ಬಹುತೇಕ ಎಲ್ಲಾ ಅಂಗಡಿಗಳು ಮೇಳೈಸಿತು. ಈ ಎಲ್ಲವುಗಳ ಮಾಲಕರು, ನೌಕರರು ಹಾಗೂ ಗ್ರಾಹಕರು ಎಲ್ಲವೂ ಮಕ್ಕಳೇ ಆಗಿದ್ದರು..

ವಸ್ತುಗಳ ಸಂಗ್ರಹ, ಮಾರಾಟದ ಪ್ರದರ್ಶನದೊಂದಿಗೆ ಮಕ್ಕಳಲ್ಲಿ ವ್ಯವಹಾರ ಕುಶಲತೆಯನ್ನು ಬೆಳೆಸುವಲ್ಲಿ ಈ ಮೆಟ್ರಿಕ್ ಮೇಳ ಸ್ಪೂರ್ತಿಯಾಯಿತು. ಮೆಟ್ರಿಕ್ ಮೇಳದಲ್ಲಿ ಪೊಳಲಿ ವಿದ್ಯಾವಿಲಾಸ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಪ್ರಥಮ ಮತ್ತು ಗೂಡಿನಬಳಿ ಹಯಾತುಲ್ ಇಸ್ಲಾಂ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ದ್ವಿತೀಯ ಸ್ಥಾನ ಪಡೆಯಿತು. ಇದರೊಂದಿಗೆ ಬೋಧನೋಪಕರಣಗಳ ತಯಾರಿ ಪ್ರದರ್ಶನದಲ್ಲೂ ವಿದ್ಯಾರ್ಥಿಗಳು ವಿಶೇಷ ಆಸಕ್ತಿಯಿಂದ ಪಾಲ್ಗೊಂಡಿದ್ದರು. ವಿವಿಧ ವಿನ್ಯಾಸ, ಮಾದರಿಯ ಅತ್ಯಾಕರ್ಷಕ ಬೋಧನೋಪಕರಣಗಳು ವಿದ್ಯಾರ್ಥಿಗಳ ಕೈಚಳಕದಲ್ಲಿ ಮೂಡಿಬಂದು ನೋಡುಗರನ್ನು ಅಚ್ಚರಿಪಡಿಸಿತು. ಇದರಲ್ಲಿ ಗೂಡಿನಬಳಿ ಹಯಾತುಲ್ ಇಸ್ಲಾಂ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆ ಪ್ರಥಮ ಮತ್ತು ವಿದ್ಯಾವಿಲಾಸ ಪೊಳಲಿ ದ್ವಿತೀಯ ಸ್ಥಾನ ಪಡೆಯಿತು.

ಜತೆಯಲ್ಲಿ ವಿಚಾರಗೋಷ್ಠಿ ಮತ್ತು ಸಹಪಠ್ಯ ಚಟುವಟಿಕೆಗಳ ಕಾರ್‍ಯಾಗಾರವೂ ನಡೆದಿದ್ದು ವಿದ್ಯಾರ್ಥಿಗಳ ಮಾನಸಿಕ-ಬೌದ್ಧಿಕ ವಿಕಸನಕ್ಕೆ ಪ್ರೇರಣೆಯಾಯಿತು.

ಕ್ಷೇತ್ರ ಶಿಕ್ಷಣಾಧಿಕಾರಿ ಸುಧಾಕರ್ ಕೆ, ಸಮನ್ವಯಾಧಿಕಾರಿ ಅಶೋಕ್ ಕುಮಾರ್, ಶ್ರೀಕಾಂತ್, ಶಾಲಾ ಸಂಚಾಲಕ ಜಿ.ಕೆ.ಮಹಮ್ಮದ್, ಮುಖ್ಯ ಶಿಕ್ಷಕ ಬಿ.ರಾಮಚಂದ್ರ ರಾವ್ ಹಾಗೂ ಇತರ ಶಿಕ್ಷಕರು ಈ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಮಕ್ಕಳಿಗೆ ಸ್ಪೂರ್ತಿ ತುಂಬಿದರು.

2010-11-04T11:36:00.000-07:00

ಕಾಯ್ಕಿಣಿ ಬಿಚ್ಚಿಟ್ಟ ಬೇಂದ್ರೆ ನೆನಪು....

..............................................................................

ಧಾರವಾಡದ ಡಾ.ದ.ರಾ.ಬೇಂದ್ರೆ ರಾಷ್ಟ್ರೀಯ ಸ್ಮಾರಕ ಟ್ರಸ್ಟ್ ಇತ್ತೀಚೆಗೆ ಅಲ್ಲಿನ ಸೃಜನಾ ರಂಗಮಂದಿರದಲ್ಲಿ ಏರ್ಪಡಿಸಿದ ವರಕವಿ ಬೇಂದ್ರೆಯವರ ೩೦ ನೆಯ ಪುಣ್ಯಸ್ಮೃತಿ ಕಾರ್ಯಕ್ರಮ ಬೇಂದ್ರೆಯವರ ಸಾರ್ಥಕ ಬದುಕಿನ ಹಲವು ಆಯಾಮಗಳನ್ನು ತೆರೆದಿಟ್ಟಿತು.
ಕವಿ.ಕತೆಗಾರ ಜಯಂತ ಕಾಯ್ಕಿಣಿಯವರು ಬಿಚ್ಚಿಟ್ಟ ಬೇಂದ್ರೆಯವರ ಬದುಕಿನ ರಸಮಯ ಸನ್ನಿವೇಶಗಳಂತೂ ಬೇಂದ್ರೆ ಅಭಿಮಾನಿಗಳಲ್ಲಿ "ಬೇಂದ್ರೆಗೆ ಬೇಂದ್ರೆಯೇ ಸಾಟಿ"ಎಂಬ ಭಾವನೆ ಮೂಡಿಸಿತು.
ಜಯಂತಕಾಯ್ಕಿಣಿಯವರಂತೂ ತಮ್ಮ ಹಿತಮಿತವಾದ ಮಗುವಿನಂತಹಾ ಮಧುರ ಮಾತಿನಿಂದ, ಬೆಂದ್ರೆಯವರೊಂದಿಗಿನ ತಮ್ಮ ತಂದೆ ಗೌರೀಶ್ ಕಾಯ್ಕಿಣಿಯವರ ಒಡನಾಟದ ದಿನಗಳನ್ನು ಮತ್ತು ಟಿವಿ ಮಾಧ್ಯಮವೊಂದರ ಕಾರ್ಯಕ್ರಮಕ್ಕೆ ತಾನು ಅಧ್ಯಯನ ನಡೆಸಿದ ಬೇಂದ್ರೆ ಬದುಕಿನ ಘಟನಾವಳಿಗಳನ್ನು ಎಳೆಎಳೆಯಾಗಿ ಬಿಚ್ಚಿಟ್ಟರು.

* ಒಮ್ಮೆ ಬೇಂದ್ರೆಯವರು ಒಂದು ಸಾಹಿತ್ಯ ಕಾರ್ಯಕ್ರಮವನ್ನು ಉದ್ಘಾಟಿಸಬೇಕಿತ್ತಂತೆ, ಕಾರ್ಯಕ್ರಮ ಸಂಘಟಕರು ""ಇದೀಗ ಬೇಂದ್ರೆಯವರು ಕಾರ್ಯಕ್ರಮ ಉದ್ಘಾಟಿಸಲಿದ್ದಾರೆ""ಎಂದು ಹೇಳುತ್ತಿದ್ದಂತೆಯೇ ಬೇಂದ್ರೆಯವರು ತಮ್ಮಲ್ಲಿದ್ದ ಕೊಡೆಯನ್ನು ಸ್ವಿಚ್ ಒತ್ತಿ ಬಿಡಿಸಿದರಂತೆ, ಮತ್ತು ''ನಿಮ್ಮ ಕಾರ್ಯಕ್ರಮಕ್ಕೆ ಇದೇ ನನ್ನ ಮಹಾಛತ್ರ"" ಎಂದಾಗ ಪ್ರೇಕ್ಷಕವರ್ಗ ಚಪ್ಪಾಳೆ ಮೂಲಕ ಹರ್ಷವ್ಯಕ್ತಪಡಿಸಿದ್ದರಂತೆ, ಬೇಂದ್ರೆಯವರಿಗೆ ಸ್ವಿಚ್ ಕೊಡೆಯೆಂದರೆ ತುಂಬಾ ಇಷ್ಟ ಎಂದು ಮಾತು ಮುಂದುವರಿಸುತ್ತಾರೆ ಕಾಯ್ಕಿಣಿ.

* ಒಮ್ಮೆ ಬೇಂದ್ರೆಯವರ ಮಗನಿಗೆ ವಧು ಪರೀಕ್ಷೆಗಾಗಿ ಮನೆಯೊಂದಕ್ಕೆ ಹೋಗಿದ್ದರಂತೆ,ಎರಡೂ ಮನೆಗಳ ಹಿರಿಯರು ಕೂತಿದ್ದಾರೆ, ವಧೂ ಬಂದದ್ದಾಯಿತು, ಬೇಂದ್ರೆ ವಧುವಿನಲ್ಲಿ ಹೇಳುತ್ತಾರೆ, ""ಒಂದು ಹಾಡು ಹೇಳಮ್ಮಾ..."' ವಧು ಹಾಡಲು ಶುರು ಮಾಡುತ್ತಾಳೆ. ಬೇಂದ್ರೆ ಆ ಕ್ಷಣ ಕಸಿವಿಸಿ ಗೊಳ್ಳುತ್ತಾರೆ, ಕೂಡಲೇ ಮಗನತ್ತ ಕೇಳುತ್ತಾರೆ, ನಿನಗೆ ಹಾಡಲು ಬರುತ್ತದಾ..? ಮಗ ಅಳುಕಿನಿಂದಲೇ.. ಹೌದೆಂದು ತಲೆಯಾಡಿಸುತ್ತಾನಂತೆ. ಹಾಗಾದ್ರೆ ಹಾಡು ಎಂದು ಬೇಂದ್ರೆ ಹೇಳಿದಾಗ ವರ ಮತ್ತು ವಧು ಇಬ್ಬರೂ ಸೇರಿ ಹಾಡುತ್ತಾರೆ, ಇಷ್ಟಕ್ಕೂ ಆ ಹಾಡು ಯಾವುದು..."'ರಘುಪತಿ ರಾಘವ ರಾಜಾರಾಮ್..."" ಬೇಂದ್ರೆಯವರು ಆಗಾಗ ನೆನಪಿಸಿಕೊಳ್ಳುತ್ತಿದ್ದ ಈ ಘಟನೆಯನ್ನು ಕಾಯ್ಕಿಣಿಯವರ ಬಾಯಿಯಿಂದಲೇ ಕೇಳಿದರೆ ಮತ್ತಷ್ಟು ಸೊಗಸು.

* ಕಾಲೇಜಿನ ಕಾರ್ಯಕ್ರಮವೊಂದರಲ್ಲಿ ಬೇಂದ್ರೆ ಉಪನ್ಯಾಸ ನೀಡಬೇಕಿತ್ತಂತೆ, ಸಂಜೆ ಕಾರ್ಯಕ್ರಮಕ್ಕೆ ಬರುವ ಅತಿಥಿಗಳು ರಾತ್ರಿ ಬೇಂದ್ರೆ ಮನೆಗೆ ಬರುವವರಿದ್ದರಿಂದ ಮನೆಯಲ್ಲಿ ಅಡುಗೆ ತಯಾರಾಗಬೇಕಿತ್ತು, ಹೀಗಾಗಿ ಕಾರ್ಯಕ್ರಮಕ್ಕೆ ಬರಲಾಗುವುದಿಲ್ಲವಲ್ಲಾ ಎಂದು ಮನೆಮಮದಿ ಬೇಸರದಿಂದಿದ್ದರು. ಇದನ್ನು ಅರಿತ ಬೇಂದ್ರೆ, ಓ ಅದಕ್ಕಯಾಕೆ ಚಿಂತೆ ಮಾಡ್ತೀರಿ, ಅಲ್ಲಿ ಆಡುವ ಮಾತುಗಳನ್ನು ಇಲ್ಲಿಯೂ ಆಡುತ್ತೇನೆ, ಬನ್ನಿ ಎಲ್ಲಾ ಕೂತುಕೊಳ್ಳಿ, ವಠಾರದವರನ್ನೆಲ್ಲಾ ಕರೆಯಿರಿ ಎಂದರು. ಕೂಡಲೆ ಬೇಂದ್ರೆ ಉಪನ್ಯಾಸಕ್ಕೆ ವೇದಿಕೆ ಮನೆಯ ಆವರಣದಲ್ಲೇ ಸಜ್ಜಾಯಿತು. ವಠಾರದವರೆಲ್ಲಾ ಸೇರಿದ್ದಾರೆ. ''ನಾನು ಕಾಲೇಜಿನಲ್ಲಿ ಏನು ಮಾತನಾಡುತ್ತೇನೆಯೋ ಅದನ್ನೇ ಇಲ್ಲಿ ಮಾತನಾಡುತ್ತೇನೆ''ಎಂದು ಭಾಷಣ ಆರಂಭಿಸಿದ ಬೇಂದ್ರೆ ೧ ಗಂಟೆಗಳ ಕಾಲ ನಿರರ್ಗಳವಾಗಿ ಮಾತನಾಡಿದರು. ವಠಾರದವರೆಲ್ಲಾ ಅದನ್ನು ಕೇಳಿ ಖುಷಿ ಪಟ್ಟರು. ಮತ್ತೆ ಸಂಜೆ ಕಾಲೇಜಿಗೆ ತೆರಳಿದ ಬೇಂದ್ರೆಯವರು ಕಾರ್ಯಕ್ರಮದಲ್ಲಿ ಮಾತು ಆರಂಭಿಸಿದರು. ಮಾತಿನ ಆರಂಭದಲ್ಲೇ ''ಇದರ ಫಸ್ಟ್ ಎಟೆಮ್ಟ್ ಮನೇಲಿ ಮಾಡಿ ಬಂದಿದ್ದೇನೆ'' ಎಂದು, ಮನೆಯಲ್ಲಿ ಮಾಡಿದ ಭಾಷಣವನ್ನೇ ಕಾಲೇಜಿನಲ್ಲಿಯೂ ಯತಾವತ್ತಾಗಿ ಮಾಡಿ ಮುಗಿಸಿದರಂತೆ.

* ಬೇಂದ್ರೆಯವರ ಸಾಕ್ಷ್ಯಾಚಿತ್ರ ತಯಾರಾಗುತ್ತಿದ್ದ ದಿನಗಳದು, ಹಿರಿಯ ನಾಟಕಕರ ಗಿರೀಶ್ ಕಾರ್ನಾಡ್ ಅದರ ನೇತೃತ್ವ ವಹಿಸಿದ್ದರು, ಕ್ಯಾಮರಾ ಮೆನ್ ಗೋವಿಂದ ನಿಹಲಾನಿ ಕೂಡ ಜೊತೆಯಲ್ಲಿದ್ದರು. ಅವರದೇ ಕ್ಯಾಮೆರಾ ವರ್ಕ್.ದೃಶ್ಯ ಸಂಯೋಜನೆ ವೇಳೆ ಬೇಂದ್ರೆಯವರ ಪ್ರೀತಿಯ ಬೆಕ್ಕನ್ನೂ ಕಾರ್ನಾಡ್ ಮಾರ್ಗದರ್ಶನದಂತೆ, ನಿಹಲಾನಿ ಸೆರೆಹಿಡಿದರು. ಅಪರಾಹ್ನದ ಬಳಿಕ ಶೂಟಿಂಗ್ ಗೆ ಅದೇ ಬೆಕ್ಕು ಬೇಕಾಗಿತ್ತಂತೆ. ಕಾರ್ನಾಡರೂ, ನಿಹಲಾನಿ, ಇತರ ಸಿಬ್ಬಂದಿಗಳು ಬೆಕ್ಕಿಗಾಗಿ ಹುಡುಕಾಟ ನಡೆಸಿದರಂತೆ, ಬೆಳಗ್ಗೆ ಅರ್ಧಕ್ಕೆ ನಿಲ್ಲಿಸಿದ್ದ ದೃಶ್ಯಾವಳಿಗಳನ್ನು ಮುಂದುವರಿಸಲು ಬೆಕ್ಕು ಅಗತ್ಯ ಬೇಕಿತ್ತಂತೆ.
ಏನೂ ಮಾಡಲು ಸಾಧ್ಯವಿಲ್ಲ ಎಂದಾಗ ನಿಹಲಾನಿ ಅಳುಕಿನಿಂದಲೇ ಬೇಂದ್ರೆಯವರ ಬಳಿ ತೆರಳಿ ''ಅಜ್ಜಯ್ಯಾ... ಬೆಕ್ಕು.. ಬೇಕಿತ್ತು.. ಎಲ್ಲಿ ಹೋಗಿದೆ ಅಂತ ಗೊತ್ತಿಲ್ಲ'' ಎಂದರಂತೆ. ಆಗ ಉತ್ತರಿಸಿದ ಬೇಂದ್ರೆಯವರು,'' ಬೇಕು ಎಂದಾಗ ಬರ್‍ಲಿಕ್ಕೆ, ಬೇಡ ಎಂದಾಗ ಹೋಗ್ಲಿಕ್ಕೆ ಬೆಕ್ಕೇನು.. ಬೇಂದ್ರೆಯಾ...""ಎಂದು ನಕ್ಕರಂತೆ. ಬೇಂದ್ರೆ ಮನಸು ಅಂತಹುದು, ಬೇಂದ್ರೆಗೆ ಬೆಂದ್ರೆಯೇ ಸಾಟಿ ಎಂದು ಕಾಯ್ಕಿಣಿ ಮಾತು ಮುಗಿಸಿದರು.

ಜಯಂತ್ ಕಾಯ್ಕಿಣಿ ಆಡಿದ ಆತ್ಮೀಯತೆಯ ಮಾತುಗಳು ಬೇಂದ್ರೆ ಬದುಕಿನ ಘಟನವಾಳಿಗಳನ್ನು ನೋಡುಗರ ಮುಂದೆ ತೆರೆದಿಟ್ಟಿತು. ವೇದಿಕೆಯಲ್ಲಿದ್ದ ಟ್ರಸ್ಟ್ ಪದಾಧಿಕಾರಿಗಳು,ಬೇಂದ್ರೆ ಅಭಿಮಾನಿಗಳು,ಯುವ ಲೇಖಕರು ಇದಕ್ಕೆ ಸಾಕ್ಷಿಯಾದರು.

*ಮೌನೇಶ್ ವಿಶ್ವಕರ್ಮ

2010-10-02T23:00:00.000-07:00

*ಗ್ರಾಮಸಭೆಗಳಲ್ಲಿ ಪ್ರಸ್ತಾಪಿಸಲ್ಪಟ್ಟ ತಮ್ಮ ಸಮಸ್ಯೆಗಳು ಬಗೆಹರಿಯುತ್ತದೆಯೋ ಇಲ್ಲವೊ ಗೊತ್ತಿಲ್ಲ ಆದರೆ ಅದನ್ನು ಸಾರ್ವಜನಿಕವಾಗಿ ಹೇಳುವ ಅವಕಾಶವಾದರೂ ಸಿಗುತ್ತದೆಯಲ್ಲಾ ಎಂಬ ಕಾರಣಕ್ಕೆ ಗ್ರಾಮಸಭೆಗಳಲ್ಲಿ ಭಾಗವಹಿಸಿ ತೃಪ್ತಿ ಪಟ್ಟವರು ತುಂಬಾ ಮಂದಿ ಇದ್ದಾರೆ.

.......................................................
* ನಮ್ಮದು ಪ್ರಜಾಪ್ರಭುತ್ವದ ದೇಶವಾಗಿದ್ದರೂ, ಕೆಲವೆಡೆಗಳಲ್ಲಿ ಇನ್ನೂ ತಾಂಡವವಾಡುತ್ತಿರುವ, ಕೆಲವರ ಸರ್ವಾಧಿಕಾರದ ಧೋರಣೆಗಳಿಗೆ ''ಪಂಚಾಯತ್ ರಾಜ್ ವ್ಯವಸ್ಥೆ ಮತ್ತು ಗ್ರಾಮಸಭೆಗಳು'' ಎಚ್ಚರಿಕೆಯ ಘಂಟೆಯೂ ಹೌದು..

..........................................................
* ಗ್ರಾಮಸಭೆಗಳಲ್ಲಿ ಪ್ರಸ್ತಾಪವಾದ ಸಮಸ್ಯೆಗಳಿಗೆ, ಕೊರತೆಗಳಿಗೆ ಹೆಚ್ಚಿನ ಆದ್ಯತೆ ನೀಡುವ ಸರ್ಕಾರದ ಕ್ರಮವೂ ಗ್ರಾಮಸಭೆಗಳ ಮಹತ್ವವನ್ನು ಹೆಚ್ಚಿಸಿದೆ. ಸರ್ಕಾರದ ವಿವಿಧ ಸೌಲಭ್ಯಗಳಿಗೆ ಫಲಾನುಭವಿಗಳ ಆಯ್ಕೆಯನ್ನೂ ಗ್ರಾಮಸಭೆಗಳಲ್ಲಿ ನಡೆಸುತ್ತಿರುವುದೂ ಕೂಡ ಗ್ರಾಮಸಭೆಗಳಲ್ಲಿ ಜನಸಮುದಾಯದ ಭಾಗವಹಿಸುವಿಕೆ ಹೆಚ್ಚುವುದಕ್ಕೆ ಕಾರಣವಾಗಿದೆ.

...........................................................
*ಪ್ರತಿಯೊಬ್ಬ ನಾಗರೀಕನೂ ಸ್ವಂತಿಕೆಯನ್ನು ಬೆಳೆಸಿಕೊಂಡಿದ್ದಾನೆ, ಏನು ಮಾಡಬೇಕು, ಏನು ಮಾಡಬಾರದೆಂದು ತನಗೆ ತಾನೇ ಗೊತ್ತುಪಡಿಸಿಕೊಂಡಿದ್ದಾನೆ, ಗ್ರಾಮಸಭೆಗಳಿಗೆ ತನ್ನ ಹಾಜರಾತಿಯನ್ನು ಹೆಚ್ಚಿಸಿಕೊಂಡಿದ್ದಾನೆ. ಗ್ರಾಮದಲ್ಲಿ ತನ್ನ ಅಸ್ತಿತ್ವ ಹಾಗೂ ಸರ್ಕಾರಿ ಸವಲತ್ತುಗಳ ಲಭ್ಯತೆಯ ಕಾರಣಕ್ಕಾದರೂ ತಾನು ಗ್ರಾಮಸಭೆಯಲ್ಲಿ ಪಾಲ್ಗೊಳ್ಳಬೇಕು ಎಂಬ ದಿಟ್ಟತನವನ್ನು ಬೆಳೆಸಿಕೊಂಡಿದ್ದಾನೆ.

...............................................................
ಜನಸಶಕ್ತತೆಗೆ ಕಾರಣವಾಗುತ್ತಿರುವ ಗ್ರಾಮಸಭೆಗಳು
ಅವರ ಹೆಸರು ಗಂಗಯ್ಯ ನಾಕ್, ಬಂಟ್ವಾಳ ತಾಲೂಕಿನ ಅಜ್ಜಿಬೆಟ್ಟು ಗ್ರಾಮದ ಕೆಮ್ಮಾರ ನಿವಾಸಿ. ಕಳೆದ ಐದು ವರ್ಷಗಳ ಹಿಂದೆ ಭಾರೀ ಬಡತನದಲ್ಲಿದ್ದ ಇವರ ಕುಟುಂಬ ಈಗ ಸಾಕಷ್ಟು ಮಟ್ಟಿಗೆ ಏಳಿಗೆ ಕಂಡಿದೆ. ಅದಕ್ಕೆ ಮುಖ್ಯ ಕಾರಣ ಇಲ್ಲಿನ ಗ್ರಾಮಪಂಚಾಯತ್ ಅವರಿಗೆ ಒದಗಿಸಿಕೊಟ್ಟ ಆಶ್ರಯ ಮನೆ,ಕೃಷಿ ಚಟುವಟಿಕೆಗಳ ಯಂತ್ರೋಪಕರಣಕ್ಕೆ ಅಗತ್ಯ ಸಹಾಯಧನ ಮತ್ತು ಇತರ ಸೌಲಭ್ಯಗಳು. ತಾನೊಬ್ಬ ಸಾಧಕ ಎನ್ನುವ ರೀತಿಯಲ್ಲಿ ಮುನ್ನಡೆಯುತ್ತಿರುವ ಇವರ ಬದುಕಿನ ಶೈಲಿಯೇ ಇಂದು ಬದಲಾಗುತ್ತಿದೆ. ಮತ್ತೊಬ್ಬರಿಗೆ ಮಾದರಿಯಾದ ಇವರಿಗೆ ಸ್ಥಳೀಯ ಪಂಚಾಯತ್ ಹೊಸ ಬದುಕನ್ನೆ ಕಟ್ಟಿಕೊಟ್ಟಿದೆ ಎಂದರೂ ತಪ್ಪಿಲ್ಲ.
ಹೌದು.. ಗಂಗಯ್ಯ ನಾಕ್‌ರ ಪೀಠಿಕೆ ಇಲ್ಲಿ ಯಾಕೆ? ಎಂಬ ಗೊಂದಲ ಹುಟ್ಟಿಕೊಳ್ಳಬಹುದು. ಪಂಚಾಯತ್ ಇವರಿಗೆ ನೀಡಿದ ಎಲ್ಲಾ ಸೌಲಭ್ಯಗಳಿಗೆ ಸಾಕ್ಷಿಯಾದದ್ದು ಇಲ್ಲಿನ ಗ್ರಾಮಸಭೆ. ಗ್ರಾಮಸಭೆಯಲ್ಲಿಯೇ ಇವರು ಅರ್ಹ ಫಲಾನುಭವಿ ಎಂದು ಆಯ್ಕೆ ಮಾಡಲಾಗಿದ್ದು,ಅವರು ಸ್ವಂತ ನೆಲೆ ಕಟ್ಟುವಲ್ಲಿ ಪಂಚಾಯತ್ ಗಮನೀಯ ಶ್ರಮ ವಹಿಸಿದೆ.
ಇದು ಕೇವಲ ಒಂದು ಉದಾಹರಣೆ, ಇಂತಹ ನೂರಾರು, ಸಾವಿರಾರು, ಲಕ್ಷಾಂತರ ಗಂಗಯ್ಯ ನಾಕ್‌ರು ನಮ್ಮ ಸುತ್ತಮುತ್ತಲಿದ್ದಾರೆ. ಪಂಚಾಯತ್ ರಾಜ್ ವ್ಯವಸ್ಥೆ ಒಂದು ಸಾಮಾಜಿಕ ಪರಿವರ್ತನೆಯ ಹರಿಕಾರನಂತೆ ಕಾರ್ಯ ನಿರ್ವಹಿಸುತ್ತಿದೆ.
ಜನಸ್ನೇಹಿ ಗ್ರಾಮಪಂಚಾಯತ್
ಗ್ರಾಮಪಂಚಾಯತ್ ಗಳು ವಿಕೆಂದ್ರೀಕರಣದ ವ್ಯವಸ್ಥೆಗೆ ಒಳಪಡುತ್ತಿದ್ದಂತೆಯೇ... ಗ್ರಾಮಪಂಚಾಯತ್ ಗಳು ಜನಸ್ನೇಹಿ, ಜನಹಿತ ಗ್ರಾಮಪಂಚಾಯತ್‌ಗಳಾಗಿ ಪರಿವರ್ತನೆಯಾಗುತ್ತಿದೆ. ತಮಗೆ ಅರಿವಿಲ್ಲದೆಯೇ ಬಗೆಬಗೆಯ ಕಾರಣಕ್ಕೆ ಗ್ರಾಮಸ್ಥರ ಒಡನಾಟ ಪಂಚಾಯತ್ ಕಡೆಗೆ ಹೆಚ್ಚುತ್ತಿದೆ ಇದೊಂದು ಉತ್ತಮ ಹಾಗೂ ಆಶಾದಾಯಕ ಬೆಳವಣಿಗೆ.
ಗ್ರಾಮ ಪಂಚಾಯತ್‌ಗಳ ಕಡೆಗೆ ಗ್ರಾಮಸ್ಥರ ಒಲವು ಹೆಚ್ಚಿದ್ದರ ಬಗ್ಗೆ ವಿಶ್ಲೇಷಣೆ ನಡೆಸುವುದಾದರೆ ಅದು ಗ್ರಾಮಸಭೆಗಳಿಂದ ಎಂದು ಧೈರ್ಯದಿಂದ ಹೇಳಬಹುದು...
ಗ್ರಾಮಸಭೆಗಳಲ್ಲಿ ಪ್ರಸ್ತಾಪಿಸಲ್ಪಟ್ಟ ತಮ್ಮ ಸಮಸ್ಯೆಗಳು ಬಗೆಹರಿಯುತ್ತದೆಯೋ ಇಲ್ಲವೊ ಗೊತ್ತಿಲ್ಲ ಆದರೆ ಅದನ್ನು ಸಾರ್ವಜನಿಕವಾಗಿ ಹೇಳುವ ಅವಕಾಶವಾದರೂ ಸಿಗುತ್ತದೆಯಲ್ಲಾ ಎಂಬ ಕಾರಣಕ್ಕೆ ಗ್ರಾಮಸಭೆಗಳಲ್ಲಿ ಭಾಗವಹಿಸಿ ತೃಪ್ತಿ ಪಟ್ಟವರು ತುಂಬಾ ಮಂದಿ ಇದ್ದಾರೆ.
ಸರ್ಕಾರ ಹಾಗೂ ಮಾಧ್ಯಮಗಳು ಗ್ರಾಮಸಭೆಗಳ ಮೇಲೆ ಇರಿಸಿರುವ ''ಹದ್ದಿನ ಕಣ್ಣು'' ಕೂಡ ಗ್ರಾಮಸಭೆಗಳನ್ನು ದಿನದಿಂದ ದಿನಕ್ಕೆ ಪರಿಣಾಮಕಾರಿಯಾಗಿಸುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಿದೆ. ಅಧಿಕಾರಿಗಳ ವರದಿ, ಒಂದಷ್ಟು ಸಹಿ, ಹಾಜರಾತಿ, ನಿರ್ಣಯಗಳಿಗೇ ಮೀಸಲಾಗಿದ್ದ ಗ್ರಾಮಸಭೆಗಳು ನಿಜಾರ್ಥವನ್ನು ಪಡೆದುಕೊಳ್ಳುತ್ತಿರುವುದರ ಜೊತೆಜೊತೆಗೆ ಪಂಚಾಯತ್ ರಾಜ್ ವ್ಯವಸ್ಥೆಯ ಆಶಯಗಳನ್ನು ಸಫಲವಾಗಿಸುತ್ತಿದೆ.
ನಮ್ಮದು ಪ್ರಜಾಪ್ರಭುತ್ವದ ದೇಶವಾಗಿದ್ದರೂ, ಕೆಲವೆಡೆಗಳಲ್ಲಿ ಇನ್ನೂ ತಾಂಡವವಾಡುತ್ತಿರುವ, ಕೆಲವರ ಸರ್ವಾಧಿಕಾರದ ಧೋರಣೆಗಳಿಗೆ ''ಪಂಚಾಯತ್ ರಾಜ್ ವ್ಯವಸ್ಥೆ ಮತ್ತು ಗ್ರಾಮಸಭೆಗಳು'' ಎಚ್ಚರಿಕೆಯ ಘಂಟೆಯೂ ಹೌದು. ಗ್ರಾಮಸಭೆಗಳು ಪರಿಣಾಮಕಾರಿಯಾಗಿ, ಅಥವಾ ನಡೆಯದೇ ಇದ್ದ ಕಡೆಗಳಲ್ಲಿ ಇನ್ನೂ ಕೂಡ ಜಮೀನ್ದಾರಿ ಪದ್ದತಿ ತಾಂಡವವಾಡುತ್ತಿದೆ. ಇಲ್ಲೊಂದು ಒಗಟು ನಮ್ಮನ್ನು ಕಾಡುತ್ತದೆ, ಜಮೀನ್ದಾರಿ ಪದ್ದತಿಗಳು ರಾರಾಜಿಸುವಲ್ಲಿ ಗ್ರಾಮಸಭೆಗಳು ನಡೆಯುವುದಿಲ್ಲವೋ ಅಥವಾ ಗ್ರಾಮಸಭೆಗಳು ನಡೆಯದ ಕಡೆ ಜಮೀನ್ದಾರಿ ಪದ್ದತಿಗಳ ಆರ್ಭಟವೋ.. ಗೊತ್ತಿಲ್ಲ. ಆದರೆ ಇತ್ತೀಚೆಗಿನ ಹಲವು ಆಶಾದಾಯಕ ಬೆಳವಣಿಗೆಗಳು ಸರ್ವಾಧಿಕಾರದ ಎಲ್ಲಾ ಆರ್ಭಟಗಳನ್ನು ಇಲ್ಲವಾಗಿಸಿದೆ.
ಮೊದಲೆಲ್ಲಾ.. ಗ್ರಾಮಸಭೆಗಳೆಂದರೆ ಊರ ಗಣ್ಯರೊಬ್ಬರು ಸಭೆ ನಡೆಸುತ್ತಾರೆ, ಚುನಾಯಿತರಾದವರು, ಗ್ರಾಮಸ್ಥರು ಅಲ್ಲಿ ಸೇರುತ್ತಾರೆ ಗಣ್ಯರು ಭಾಷಣ ಮಾಡುತ್ತಾರೆ. ಸಭೆ ಮುಗಿಸುತ್ತಾರೆ. ಆದರೆ ಈಗ ಹಾಗಿಲ್ಲ. ಗ್ರಾಮಸಭೆಗಳ ರೀತಿ ನೀತಿಗಳು ಬದಲಾಗಿವೆ. ಗ್ರಾಮಸಭೆಗಳನ್ನು ನಿಯಮಿತವಾಗಿ ನಡೆಸಲೇಬೇಕೆಂಬ ಸರ್ಕಾರದ ನಿರ್ದೇಶನ, ಗ್ರಾ.ಪಂ.ಸದಸ್ಯರುಗಳ ಆ ಬಗ್ಗೆ ವಹಿಸುತ್ತಿರುವ ಕಾಳಜಿ ಕೂಡ ಗ್ರಾಮಸಭೆಗಳು ಪ್ರಭಾವಶಾಲಿಯಾಗಲು ನೆರವಾಗುತ್ತಿದೆ. ಈ ಹಿಂದಿನ ಗ್ರಾಮಸಭೆಗಳು ಗುಟ್ಟಾಗಿ ನಡೆಯುತ್ತಿತ್ತು,
ಈಗ ಹಾಗಿಲ್ಲ. ಪ್ರತೀ ಗ್ರಾಮಸ್ಥರಿಗೂ ನೋಟೀಸು ಹಂಚಬೇಕು, ಧ್ವನಿವರ್ಧಕದ ಮೂಲಕ ಮುಂಚಿತವಾಗಿ ಪ್ರಚಾರ ನಡೆಸಬೇಕೆಂಬ ಸರ್ಕಾರದ ಸೂಚನೆಯನ್ನೂ ಕೂಡ ಗ್ರಾಮಪಂಚಾಯತ್‌ಗಳು ಪಾಲಿಸುತ್ತಿರುವುದು ಸಂತೋಷದ ವಿಚಾರ.

""ಗರಂ"" ಸಭೆ
ಇತ್ತೀಚೆಗೆ ಪತ್ರಿಕಾ ವರದಿಗಳೂ ಕೂಡ ಗ್ರಾಮಸಭೆಗಳು ಯಶಸ್ವಿಯಾಗಿಸಲು ನೆರವಾಗುತ್ತಿದೆ. ಈ ಕಾರಣದಿಂದಲೆ ಗ್ರಾಮಸಭೆಗಳು ""ಗರಂ"" ಸಭೆಗಳಾದ ಉದಾಹರಣೆಗಳೂ ಇದೆ. ""ಇಲಾಖಾ ಅಧಿಕಾರಿಯೊಬ್ಬರು ಬಂದಿಲ್ಲ, ಹಿಂದಿನ ಗ್ರಾಮಸಭೆಗಳ ನಿರ್ಣಯಗಳೇ ಅನುಷ್ಠಾನಗೊಂಡಿಲ್ಲ, ಗ್ರಾಮಸಭೆಗಳಿಗೆ ಮಾಹಿತಿಯಿಲ್ಲ.."" ಎಂಬೆಲ್ಲಾ ಕಾರಣಕ್ಕೆ ಗ್ರಾಮಸಭೆಗಳೇ ರದ್ದು ಅಥವಾ ಮುಂದೂಡಲ್ಪಟ್ಟ ಉದಾಹರಣೆಗಳು ನಮ್ಮ ಮುಂದಿದೆ. ಈ ಬೆಳವಣಿಗೆಗಳು ಪ್ರಜಾ ಪ್ರಭುತ್ವ ವ್ಯವಸ್ಥೆಯ ಉಲ್ಲಂಘನೆ ಎಂದು ಭಾವಿಸಬಾರದು. ಇದನ್ನು ನಿಜಾರ್ಥದ ಪ್ರಜಾಪ್ರಭುತ್ವ ಎಂದು ಕರೆಯೋಣ.

ಇಷ್ಟೆಲ್ಲಾ ಪೂರಕ ಅಂಶಗಳು ಇದ್ದರೂ ಬೇರೆ ಬೇರೆ ಕಾರಣಗಳಿಂದ ಮಾಸಿ ಹೋಗದ ಕಲೆಗಳೂ ಗ್ರಾಮಸಭೆಯ ವ್ಯವಸ್ಥೆಗಳಲ್ಲಿ ಅಂಟಿಕೊಂಡಿದೆ. ಅವುಗಳಲ್ಲಿ ಮುಖ್ಯವಾದುವುಗಳು ರಾಜಕೀಯ, ಅಧಿಕಾರಿಗಳ ಸರ್ವಾಧಿಕಾರದ ಧೋರಣೆಗಳು,ಇನ್ನೂ ಜನ ಜಾಗೃತರಾಗದೇ ಇರುವುದು,
ಕೊನೆಯ ಎರಡು ಅಂಶ ಬೆರಳೆಣಿಕೆಯ ಗ್ರಾಮಗಳಲ್ಲಿದ್ದರೆ, ಮೊದಲನೆಯ ''ರಾಜಕೀಯ'' ಎಲ್ಲೆಂದರಲ್ಲಿ ವ್ಯಾಪಿಸುತ್ತಿದೆ. ಇತ್ತೀಚೆಗಿನ ಸರ್ಕಾರದ ಆಗುಹೋಗುಗಳೇ ಹೊಲಸಾಗಿರುವ ರಾಜಕೀಯದ ಮಟ್ಟವನ್ನು ನಮ್ಮ ಕಣ್ಣೆದುರು ಎತ್ತಿ ಹಿಡಿಯುತ್ತದೆ.
ಪರಿವರ್ತನೆ
ಗ್ರಾಮಸ್ಥನೊಬ್ಬ ಗ್ರಾಮಸಭೆಯಲ್ಲಿ ತನ್ನ ಸಮಸ್ಯೆಯನ್ನು ಮುಂದಿಟ್ಟುಕೊಂಡ ಎಂದಿಟ್ಟುಕೊಳ್ಳಿ, ಆಗಲೇ ಅವನ ಸಮಸ್ಯೆ ಬಗೆಹರಿಕೆಗೆ ಪಂಚಾಯತ್ ಗಮನ ಹರಿಸಬೇಕು, ಆದರೆ ಈ ರಾಜಕೀಯ ಎಂಬ ಪೆಡಂಭೂತದಿಂದಾಗಿ, ಅಲ್ಲಿನ ಆಡಳಿತ ಆ ಗ್ರಾಮಸ್ಥನ ಕಡೆಗೆ ಗಮನ ಹರಿಸುವುದೇ ಇ. ಇದರಿಂದಾಗಿ ಆ ಗ್ರಾಮಸ್ಥ ಆತ್ಮಹತ್ಯೆ ಮಾಡಿಕೊಂಡಂತಹ ನೂರಾರು ಉದಾಹರಣೆಗಳೂ ಇವೆ. ಇದಕ್ಕೆಲ್ಲಾ ವಿರಾಮ ಹೇಳಬೇಕೆಂದರೆ ಪ್ರತಿಯೊಬ್ಬ ನಾಗರೀಕನೂ ಪಂಚಾಯತ್ ರಾಜ್ ವ್ಯವಸ್ಥೆಯ ಬಗ್ಗೆ ತಿಳಿದುಕೊಳ್ಳುವಂತಾಗಬೇಕು, ಸರ್ಕಾರ ಗ್ರಾ.ಪಂ. ಚುನಾಯಿತ ಸದಸ್ಯರುಗಳಿಗೆ, ಅಧಿಕಾರಿಗಳಿಗೆ ತರಬೇತಿಗಳ ಮೂಲಕ ಪಂಚಾಯತ್ ರಾಜ್ ವ್ಯವಸ್ಥೆ ಹಾಗೂ ಗ್ರಾಮಸಭೆಗಳ ಮಹತ್ವವನ್ನು ತಿಳಿಸಿಕೊಡುವ ಪ್ರಯತ್ನ ನಡೆಸುತ್ತಿದೆ. ಅದೇ ರೀತಿ ಊರಿನ ಪ್ರತಿಯೊಂದು ಸ್ವಸಹಾಯ ಗುಂಪುಗಳ ಸದಸ್ಯರಿಗೂ ಪಂಚಾಯತ್ ರಾಜ್,ಗ್ರಾಮಸಭೆಗಳ ಬಗ್ಗೆ ಸಮರ್ಪಕ ಮಾಹಿತಿ ಸಿಗುವಂತಾ ವ್ಯವಸ್ಥೆ ಆಗಬೇಕಾಗಿದೆ.
ಅಂಗನವಾಡಿಗಳಲ್ಲಿ ಆರ್ಥಿಕ ಸಬಲೀಕರಣದ ದೃಷ್ಟಿಯಿಂದ ರಚನೆಯಾಗಿರುವ ಸ್ತ್ರೀಶಕ್ತಿ ಹಾಗೂ ಸ್ವಸಹಾಯ ಸಂಘಗಳೂ ಅದರ ಜೊತೆಗೆ ಜನತೆಯಲ್ಲಿ ಜಾಗೃತ ಮನೋಭಾವ ಮೂಡಿಸುತ್ತಿದೆ. ಇದೂ ಗಾಮಸಭೆಗಳಲ್ಲಿ ಗ್ರಾಮಸ್ಥರ ಪಾಲ್ಗೊಳ್ಳುವಿಕೆ ಹೆಚ್ಚುವುದಕ್ಕೆ ಕಾರಣವಾಗುತ್ತಿದೆ. ಗ್ರಾಮಸಭೆಗಳಲ್ಲಿ ಪ್ರಸ್ತಾಪವಾದ ಸಮಸ್ಯೆಗಳಿಗೆ, ಕೊರತೆಗಳಿಗೆ ಹೆಚ್ಚಿನ ಆದ್ಯತೆ ನೀಡುವ ಸರ್ಕಾರದ ಕ್ರಮವೂ ಗ್ರಾಮಸಭೆಗಳ ಮಹತ್ವವನ್ನು ಹೆಚ್ಚಿಸಿದೆ. ಸರ್ಕಾರದ ವಿವಿಧ ಸೌಲಭ್ಯಗಳಿಗೆ ಫಲಾನುಭವಿಗಳ ಆಯ್ಕೆಯನ್ನೂ ಗ್ರಾಮಸಭೆಗಳಲ್ಲಿ ನಡೆಸುತ್ತಿರುವುದೂ ಕೂಡ ಗ್ರಾಮಸಭೆಗಳಲ್ಲಿ ಜನಸಮುದಾಯದ ಭಾಗವಹಿಸುವಿಕೆ ಹೆಚ್ಚುವುದಕ್ಕೆ ಕಾರಣವಾಗಿದೆ.
ಜೊತೆಗೆ ಕಾಲ ಬದಲಾಗಿದೆ. ಪ್ರತಿಯೊಬ್ಬ ನಾಗರೀಕನೂ ಸ್ವಂತಿಕೆಯನ್ನು ಬೆಳೆಸಿಕೊಂಡಿದ್ದಾನೆ, ಏನು ಮಾಡಬೇಕು, ಏನು ಮಾಡಬಾರದೆಂದು ತನಗೆ ತಾನೇ ಗೊತ್ತುಪಡಿಸಿಕೊಂಡಿದ್ದಾನೆ, ಗ್ರಾಮಸಭೆಗಳಿಗೆ ತನ್ನ ಹಾಜರಾತಿಯನ್ನು ಹೆಚ್ಚಿಸಿಕೊಂಡಿದ್ದಾನೆ. ಗ್ರಾಮದಲ್ಲಿ ತನ್ನ ಅಸ್ತಿತ್ವ ಹಾಗೂ ಸರ್ಕಾರಿ ಸವಲತ್ತುಗಳ ಲಭ್ಯತೆಯ ಕಾರಣಕ್ಕಾದರೂ ತಾನು ಗ್ರಾಮಸಭೆಯಲ್ಲಿ ಪಾಲ್ಗೊಳ್ಳಬೇಕು ಎಂಬ ದಿಟ್ಟತನವನ್ನು ಬೆಳೆಸಿಕೊಂಡಿದ್ದಾನೆ. ಯಾಂತ್ರೀಕೃತ ಜೀವನವೇ ಹೆಚ್ಚುತ್ತಿರುವ ಪ್ರಸ್ತುತ ಸನ್ನಿವೇಶದಲ್ಲಿ ಗ್ರಾಮಸಭೆಗಳು ಜನರಸಶಕ್ತತೆಗೆ ಪರೋಕ್ಷವಾಗಿ ಕಾರಣವಾಗುವ ಮೂಲಕ ಪಂಚಾಯತ್ ರಾಜ್ ವ್ಯವಸ್ಥೆಯ ಆಶಯಗಳನ್ನು ನಿಜಾರ್ಥದಲ್ಲಿ ಸಾಕಾರಗೊಳಿಸುತ್ತಿರುದು ಅಭಿಮಾನದ ಸಂಗತಿ.

ಮೌನೇಶ್ ವಿಶ್ವಕರ್ಮ
''ಶ್ರೀ ದಿಗ್ವಿಜಯಮ್'' ಮನೆ ಆರ್‍ಯಾಪು ಗ್ರಾಮ& ಅಂಚೆ
ಪುತ್ತೂರು.ದ.ಕ.(ಕರ್ನಾಟಕ)

2010-07-21T09:40:00.000-07:00

...........................................................................................................................................................................................
ಸಧೃಡ ಆರೋಗ್ಯವಿದ್ದೂ ವಿದ್ಯೆ ಕಲಿಯದ, ಕಲಿತೂ ಕೆಲಸ ಸಿಕ್ಕಿಲ್ಲ, ಸಿಕ್ಕ ಕೆಲಸವೂ ಸರಿಯಿಲ್ಲ....
ಹೀಗೆ ಬಗೆಬಗೆಯ ಕುಂಟುನೆಪಗಳನ್ನೇ ಹೇಳುತ್ತಾ ಕಾಲ ಕಳೆಯುವ ವರ್ಗವೂ ನಮ್ಮ ನಡುವೆ ಇರುವಂತಾ ಸ್ಥಿತಿಯಲ್ಲಿ ಕಣ್ಣುಕಾಣದ ವ್ಯಕ್ತಿಯೊಬ್ಬರು ಜವಬ್ದಾರಿಯುತ ಸ್ಥಾನದಲ್ಲಿನ ಸರ್ಕಾರಿ ಕೆಲಸವನ್ನು ಸಮರ್ಪಕವಾಗಿ ನಿರ್ವಹಿಸುತ್ತಿರುವುದು ನಿಜಕ್ಕೂ ಅಭಿನಂದನೀಯ.
...............................................................................................................................................................
ಅಂದದ ಬದುಕು ರೂಪಿಸಿಕೊಂಡ ಅಂಧ ""ಮುದ್ದಣ್ಣ""
..................................
ಮೌನೇಶ್ ವಿಶ್ವಕರ್ಮ

=ಸಾಧಿಸುವ ಛಲ,ಸ್ಪಷ್ಟಗುರಿ, ಸ್ವಾಭಿಮಾನ ಮೈಗೂಡಿಸಿಕೊಂಡಲ್ಲಿ ಎಂತವರೂ ಏನು ಬೇಕಾದರೂ ಆಗಬಹುದು, ಜೀವನದಲ್ಲಿ ಯಶಸ್ಸು ಕಾಣಬಹುದು ಎಂಬುದಕ್ಕೆ ತುಮಕೂರು ಜಿಲ್ಲೆಯ ಗುಬ್ಬಿ ತಾಲೂಕಿನ ಮುದ್ದಣ್ಣ ಒಳ್ಳೆಯ ಉದಾಹರಣೆ.
ತನ್ನ ಎರಡನೇ ವಯಸ್ಸಿನಲ್ಲಿ ದೃಷ್ಟಿಬಲವನ್ನು ಕಳೆದುಕೊಂಡ ಮುದ್ದಣ್ಣ, ಬದುಕಿನಲ್ಲಿ ಕಂಗೆಡದೆ ಮುನ್ನಡೆ ಸಾಧಿಸಿದ್ದು, ಎಂ.ಎಸ್.ಡಬ್ಲ್ಯೂ ಮುಗಿಸಿ ಈಗ ತಾಲೂಕು ಶಿಶು ಅಭಿವೃದ್ಧಿ ಯೋಜನಾಧಿಕಾರಿಯಾಗಿ ನಿಷ್ಠೆಯಿಂದ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಅಂಧರಾಗಿದ್ದರೂ ಅಂದದ ಬದುಕನ್ನು ರೂಪಿಸಿಕೊಂಡಿದ್ದಾರೆ.
ಸಧೃಡ ಆರೋಗ್ಯವಿದ್ದೂ ವಿದ್ಯೆ ಕಲಿಯದ, ಕಲಿತೂ ಕೆಲಸ ಸಿಕ್ಕಿಲ್ಲ, ಸಿಕ್ಕ ಕೆಲಸವೂ ಸರಿಯಿಲ್ಲ ಹೀಗೆ ಬಗೆಬಗೆಯ ಕುಂಟುನೆಪಗಳನ್ನೇ ಹೇಳುತ್ತಾ ಕಾಲ ಕಳೆಯುವ ವರ್ಗವೂ ನಮ್ಮ ನಡುವೆ ಇರುವಂತಾ ಸ್ಥಿತಿಯಲ್ಲಿ ಕಣ್ಣುಕಾಣದ ವ್ಯಕ್ತಿಯೊಬ್ಬರು ಜವಬ್ದಾರಿಯುತ ಸ್ಥಾನದಲ್ಲಿನ ಸರ್ಕಾರಿ ಕೆಲಸವನ್ನು ಸಮರ್ಪಕವಾಗಿ ನಿರ್ವಹಿಸುತ್ತಿರುವುದು ನಿಜಕ್ಕೂ ಅಭಿನಂದನೀಯ.
ಮೂಲತಃ ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿ ತಾಲೂಕಿನವರಾಗಿರುವ ಮುದ್ದಣ್ಣ ತನ್ನ ಎರಡನೇ ವಯಸ್ಸಿನಲ್ಲೇ ಅಂಧರಾದವರು. ಬಳಿಕ ತನ್ನ ಪ್ರಾಥಮಿಕ ಹಾಗೂ ಪ್ರೌಢಶಿಕ್ಷಣವನ್ನು ಬೆಂಗಳೂರಿನ ರಮಣ ಮಹರ್ಷಿ ವಿಶೇಷ ಶಾಲೆಯಲ್ಲಿ ಪಡೆದಿದ್ದಾರೆ. ಕಾಲೇಜು ಶಿಕ್ಷಣವನ್ನು ಬೆಂಗಳೂರಿನ ಸೈಂಟ್ ಜೋಸೆಫ್ ಕಾಲೇಜಿನಲ್ಲಿ ಪೂರೈಸಿದರು. ಪದವಿ ಬಳಿಕ ೨೦೦೫ರಲ್ಲಿ ಬೆಂಗಳೂರು ವಿ.ವಿ.ಯಲ್ಲಿ ಸಮಾಜ ಸೇವಾ ಕಾರ್ಯ ವಿಭಾಗದಲ್ಲಿ ಎರಡು ವರ್ಷದ ವ್ಯಾಸಂಗ ಮುಗಿಸಿದ್ದಾರೆ. ಆ ಬಳಿಕ ಬೆಂಗಳೂರಿನ ಕಂಪೆನಿಯೊಂದರಲ್ಲಿ ಕೆಲಸಕ್ಕೆ ಸೇರಿಕೊಂಡರು, ಇದೇ ಸಂದರ್ಭ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯಲ್ಲಿ ನ ಶಿಶು ಅಭಿವೃದ್ದಿ ಯೋಜನಾಧಿಕಾರಿ ಹುದ್ದೆಗೆ ಅರ್ಜಿ ಹಾಕಿದ್ದ ಮುದ್ದಣ್ಣರಿಗೆ ಕೆಲಸವೂ ಸಿಕ್ಕಿತು. ಹೀಗೆ ತಪಸ್ಸಿನಂತೆ ಬದುಕನ್ನು ಸವಾಲಾಗಿ ಸ್ವೀಕರಿಸಿದ ಮುದ್ದಣ್ಣ ಯಶ ಸಾಧಿಸಿ ಕಳೆದೆರಡು ವರ್ಷಗಳಿಂದ ತನ್ನ ಜವಬ್ದಾರಿಯುತ ಹುದ್ದೆಯನ್ನು ಮತ್ತೊಬ್ಬರಿಗೆ ಮಾದರಿಯಾಗುವಂತಾ ರೀತಿಯಲ್ಲಿ ನಿರ್ವಹಿಸುತ್ತಿದ್ದಾರೆ.
ಎಲ್ಲರೂ ಸಹಕರಿಸಿದರು....
ಬುದ್ದಿ ಬರುವ ಮುನ್ನವೇ ನಾನು ಬೆಳಕು ನೋಡುವ ಭಾಗ್ಯ ಕಳೆದುಕೊಂಡೆ, ಆದರೆ ಬುದ್ದಿ ಬಂದ ಬಳಿಕ ನಾನು ಕಂಗೆಡಲಿಲ್ಲ, ಎಲ್ಲರ ನೆರವಿನಿಂದ ಗುರಿ ಸಾಧಿಸಿದ್ದೇನೆ ಎನ್ನುವ ಮುದ್ದಣ್ಣರವರ ಮಾತಿನಲ್ಲಿ ಇದುವರೆಗೆ ತಾನು ಸಾಗಿ ಬಂದ ರೀತಿಯ ಬಗ್ಗೆ ತೃಪ್ತಿ ಇದೆ,ಅಲ್ಲದೆ ಮುಂದೆಯೂ ಸಾಧಿಸುತ್ತೆನೆ ಎಂಬ ಆಶಾ ಭಾವನೆಯೂ ಇದೆ. ಪ್ರಾಥಮಿಕ ಹಾಗೂ ಪ್ರೌಢ ಶಿಕ್ಷಣವನ್ನು ಅಂಧರಿಗಾಗಿನ ವಿಶೇಷ ಶಾಲೆಯಲ್ಲಿ ಪೂರೈಸಿದರಾದರೂ, ಕಾಲೇಜು ಹಾಗೂ ಎಂ.ಎಸ್.ಡಬ್ಲ್ಯೂ ವನ್ನು ಎಲ್ಲರಂತೆಯೇ ಪಡೆದವರು.ತನ್ನ ವಿದ್ಯಾರ್ಜನೆಯ ಕಾಲಕ್ಕೆ ತನಗೆ ಸಹಪಾಠಿಗಳು ಒಳ್ಳೆಯ ರೀತಿಯ ಸಹಕಾರ ನೀಡಿದ್ದಾರೆ, ಮನೆಮಂದಿ ಹಾಗೂ ಎಲ್ಲರ ಸಹಕಾರ ನನಗೆ ಮತ್ತಷ್ಟು ಬಲ ತಂದಿದೆ ಎನ್ನುತ್ತಾರೆ ಮುದ್ದಣ್ಣ.
ಕಚೇರಿಗೆ ಹೊಂದಿಕೊಂಡಿದ್ದೇನೆ..
ಕಛೇರಿಕೆಲಸಕ್ಕೆ ನಿಮ್ಮ ಅಂಧತ್ವ ದಿಂದ ತೊಡಕಾಗಿದೆಯೇ ಎಂಬ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಮುದ್ದಣ್ಣ, ಈಗಾಗಲೇ ಎರಡು ವರ್ಷ ಆಗಿದೆ, ಯಾವುದೇ ಸಮಸ್ಯೆ ಎದುರಾಗಿಲ್ಲ. ಕಚೇರಿಗೆ ನಾನೂ ಹೊಂದಿಕೊಂಡಿದ್ದೇನೆ. ಎಸಿಡಿಪಿಓ ಹಾಗೂ ಇತರ ನೌಕರರೂ ತನಗೆ ಒಳ್ಳೆಯ ಸಹಕಾರ ನೀಡುತ್ತಿದ್ದಾರೆ, ಆಗಾಗ ಇಲಾಖಾ ತರಬೇತಿ,ಕಾರ್ಯಾಗಾರಗಳು ನಡೆಯುತ್ತಿದ್ದು ಎಲ್ಲದರಲ್ಲೂ ನಾನು ಭಾಗವಹಿಸುತ್ತಿದ್ದೇನೆ, ತರಬೇತಿ ಪಡೆಯುತ್ತೇನೆ, ತರಬೇತಿ ನೀಡುತ್ತಿದ್ದೇನೆ. ಎಲ್ಲವೂ ನಿರ್ವಿಘ್ನವಾಗಿ ನಡೆಯುತ್ತಿದೆ ಎನ್ನುತ್ತಾರೆ. ಹಣಕಾಸು ವಿಚಾರದಲ್ಲಿ ಕಚೇರಿ ಸಿಬ್ಬಂದಿಗಳ ಮೇಲೆ ವಿಶ್ವಾಸ ವಿರಿಸಿ ಮುಂದುವರಿಯುತ್ತೇನೆ, ಅಲ್ಲದೇ ಅಗತ್ಯಬಿದ್ದರೆ ತನ್ನ ಸಹೋದರ ಮುನಿರಾಜು ನೆರವು ಪಡೆಯುತ್ತೇನೆ ಎನ್ನುತ್ತಾರೆ ಮುದ್ದಣ್ಣ.
ಮೊಬೈಲ್ ಬಳಸುತ್ತಾರೆ..
ತೀರಾ ಅನಿವಾರ‍್ಯವಾಗಿರುವ ಮೊಬೈಲ್ ಫೋನ್ ಅನ್ನೂ ಇವರು ಬಳಸುತ್ತಿದ್ದಾರೆ. ವಾಯ್ಸ್ ಸಾಫ್ಟ್ ವೇರ್ ಅಳವಡಿಸಿರುವ ಮೊಬೈಲ್ ಸೆಟ್ ಇವರದು. ಯಾರದೇ ಕರೆ,ಸಂದೇಶಗಳು ಬಂದಾಗ ಅದು ಮಾತಾಗಿ ನನಗೆ ಕೇಳಿಸುತ್ತದೆ. ಯಾವುದೇ ಸಮಸ್ಯೆಗಳು ನನಗೆ ಎದುರಾಗಿಲ್ಲ. ಎಲ್ಲರಂತೆಯೇ ನಾನೂ ಮೊಬೈಲ್ ಬಳಸುತ್ತಿದ್ದೇನೆ ಎನ್ನುತ್ತಾರಿವರು.
ಒಳ್ಳೇ ಸಿಡಿಪಿಓ..
ಎರಡೂ ಕಣ್ಣು ಕಾಣದಿದ್ದರೂ ಮುದ್ದಣ್ಣ ತಮ್ಮ ಕಾರ್ಯವನ್ನು ಸಮರ್ಪಕವಾಗಿ ನಿರ್ವಹಿಸುತ್ತಾ ಇಲಾಖಾ ಮಟ್ಟದಲ್ಲಿ ”ಒಳ್ಳೇ ಸಿಡಿಪಿಓ” ಎಂಬ ಹೆಸರು ಪಡೆದಿದ್ದಾರೆ. ಇತ್ತೀಚೆಗೆ ತುಮಕೂರಿನಲ್ಲಿ ಡಯಟ್ ನಲ್ಲಿ ಕರ್ನಾಟಕ ಬಾಲವಿಕಾಸ ಅಕಾಡೆಮಿಯ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದ ತುಮಕೂರು ಜಿಲ್ಲಾ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖಾ ಉಪನಿರ್ದೇಶಕರು ಮುದ್ದಣ್ಣ ರವರ ಕುರಿತಾಗಿ ಮೆಚ್ಚುಗೆಯ ಮಾತುಗಳನ್ನಾಡಿದರು, ಇಲಾಖೆಯ ಹಿರಿಯ,ಕಿರಿಯ ಅಧಿಕಾರಿಗಳೆಲ್ಲರಿಗೂ ಮುದ್ದಣ್ಣ ಕುರಿತಾಗಿ ಅಭಿಮಾನವಿದೆ. ತನಗೆ ಕಣ್ಣಿಲ್ಲಾ.. ಎಂಬ ಕೊರತೆಯನ್ನು ಮರೆತು, ಸಾಧಿಸುವ ಛಲದೊಂದಿಗೆ ಮುನ್ನಡೆದು ತಾಲೂಕು ಮಟ್ಟದ ಅಧಿಕಾರಿಯಾಗಿ, ಅಂಧರಾಗಿಯೂ ತಾಲೂಕು ವ್ಯಾಪ್ತಿಯ ೪೫೨ ಅಂಗನವಾಡಿಗಳ ಉಸ್ತುವಾರಿ ನೋಡಿಕೊಳ್ಳುತ್ತಿರುವ ಹಿರಿಮೆ ಇವರದು. ಮತ್ತೊಬ್ಬರಿಗೆ ಮಾದರಿಯಾಗುವ ಇವರಿಗೆ ಅಭಿನಂದನೆ ಹೇಳುವುದಾದರೆ (೯೭೪೦೩೬೯೫೨೨) ಮೊಬೈಲ್ ಗೆ ಕಛೇರಿ ಅವಧಿಯ ಬಳಿಕ ಕರೆ ಮಾಡಬಹುದು.
ಹಿರಿಯ ಅಧಿಕಾರಿಗಳ ಮಾರ್ಗದರ್ಶನ, ಕಚೇರಿ ಸಹದ್ಯೋಗಿಗಳ ಸಹಕಾರ ಮನೆಮಂದಿಯ ಬೆಂಬಲ ದೊಂದಿಗೆ ಮುನ್ನಡೆಯುತ್ತಿರುವ ಮುದ್ದಣ್ಣರ ಬದುಕು ಮತ್ತಷ್ಟು ಮುದ್ದಾಗಲೀ,,,,

2010-05-11T11:26:00.000-07:00

ನಾವು ರೆಡಿ .. ನೀವು ಎಲ್ಲಿ ಹೋದಿರಿ..?

ಆಟ ರಂಗಾಟ..

2010-04-22T10:59:00.000-07:00

ಆಟ ರಂಗಾಟ..ಬಿ.ಸಿ. ರೋಡಿನಲ್ಲಿ ನಮ್ಮ ಸಂಸಾರ ತಂಡ ಹಮ್ಮಿಕೊಂಡಿದ್ದ ಕಾರ್ಯಕ್ರಮದ ನೋಟವಿದು...

ಎಂಥ ಅವಸ್ಥೆ ಆಲ್ವಾ..ಛೆ...ಹೀಗಾಗಬಾರದಿತ್ತು...

2010-03-30T10:06:00.000-07:00

2010-03-27T12:32:00.000-07:00

ಮಕ್ಕಳ ಮನಸ್ಸು....

2010-03-25T10:55:00.000-07:00

ಮಕ್ಕಳ ಮನಸ್ಸು ಹಸಿ ಮಣ್ಣಿನ ಗೋಡೆಯಂತೆ.. ನಾವು ಅವರ ಮನಸ್ಸಿಗೆ ಏನನ್ನು ತುಂಬುತ್ತೆವೆಯೋ ಅವರಲ್ಲಿ ಅಚ್ಚಳಿಯದೆ ಉಳಿಯುತ್ತದೆ, ಅವರ ಮನಸ್ಸನ್ನು ಕುಶಿಯಿಂದ ಗೆಲ್ಲುವನ್ತಾದರೆ ಮಾತ್ರ ಅವರು ನಮಗೆ ಹತ್ತಿರವಾಗುತ್ತಾರೆ..ಶಾಲೆಗಳಲ್ಲಿ ಮಕ್ಕಳು ತಮ್ಮನ್ನು ಯಾರು ಹೆಚ್ಚು ಗುರುತಿಸುತ್ತರೆಯೋ.. ಅಂತ ಶಿಕ್ಷಕರುಗಳನ್ನೇ ಇಷ್ಟಪಡುತ್ತಾರೆ..ಆದ್ದರಿಂದ ಎಲ್ಲಾ ಶಿಕ್ಷಕರು ಮಕ್ಕಳ ಮನಸ್ಸನ್ನು ಅರ್ಥೈಸಿಕೊಂಡು ಅವರೊಂದಿಗೆ ವ್ಯವಹರಿಸಬೇಕು..ಶಾಲೆಗಲ್ಲಿ ನಡೆಯುವ ಪ್ರತಿಯೊಂದು ಚಿಕ್ಕ ಘಟನೆಗಳು ಅವರ ಮನಸ್ಸಿನ ಮೇಲೆ ಪ್ರಭಾವ ಬೀರುತ್ತದೆ..ಹೀಗೊಂದು ನಡೆದ ಘಟನೆಯನ್ನು ಇಲ್ಲಿ ವಿವರಿಸುತ್ತೇನೆ..ಒಂದು ಶಾಲೆಯಲ್ಲಿ ವಾರ್ಷಿಕೋತ್ಸವ ನಡೆಯುತ್ತಿತ್ತು..೨ನೆತರಗತಿಯ ಪುಟ್ಟ ಮಗು ಕ್ಯಾಸೆಟ್ ಹಾಡಿಗೆ ಡ್ಯಾನ್ಸ್ ಮಾಡ್ತಾ ಇತ್ತು,,, ತುಂಬಾ ಮಕ್ಕಳೊಂದಿಗೆ ಇ ಮಗು ಕೂಡ ಹೆಜ್ಜೆ ಹಾಕುತ್ತಿತ್ತು. ಮಕ್ಕಳು ಹೆಜ್ಜೆ ಹೇಗೆ ಹಾಕಿದರೂ ಅದುವೇ ಚೆಂದ.. ನೋಡಿತ್ತಿದ್ದ ಎಲ್ಲರೂ ಅದನ್ನು ಗಮನಿಸುತ್ತಲೇ ಕುಶಿ ಪಡುತ್ತಿದ್ದಾರೆ..ಇ ಮಗುಹೆಜ್ಜೆ ಹಾಕುತ್ತಲೇ ಸ್ಟೇಜ್ ಪಕ್ಕದಲ್ಲಿ ನಿಂತಿದ್ದ ಟೀಚರ್ ಅನ್ನು ನೋಡ್ತಾ ಇತ್ತು. ಕ್ಯಾಸೆಟ್ ಹಾಡು ಮುಗಿವ ವರೆಗೂ ಹೆಜ್ಜೆ ಹಾಕುತ್ತಿದ್ದ ಆ ಮಗು ಎಲ್ಲಾ ಮಕ್ಕಳೊಂದಿಗೆ ಸ್ಟೇಜ್ ನ ಇನ್ನೊಂದು ಕಡೆಗೆ ಹೋಯಿತು.. ನೋಡುತ್ತಿದ್ದ ಎಲ್ಲಾ ಪ್ರೇಕ್ಷಕರು ಚಪ್ಪಾಳೆ ತಟ್ಟಿದರು . ಡ್ಯಾನ್ಸ್ ಮುಗಿಯಿತೆಂದು ಮಗು ಒಳಗೆ ಹೋಗುತ್ತಿದ್ದಂತೆಯೇ..ಅಲ್ಲಿ ನಿಂತಿದ್ದ ಟೀಚರ್ ಒಬ್ಬರು ಇ ಮಗುವಿನ ಬೆನ್ನಿಗೆ ಕೈಯಿಂದ ಪೆಟ್ಟು ಕೊಟ್ಟರು. ಸಂತಸದಲ್ಲಿದ್ದ ಆ ಮಗು ಅಳು ಮೊರೆ ಹಾಕಿ ನನಗೆ ಟೀಚರ್ ಯಾಕೆ ಹೊದೆದರೆಂದು. ಆಲೋಚನೆ ಮಾಡುತ್ತಿರುವಾಗ ಟೀಚರ್ ಹೇಳಿದ ಮಾತಿದು...'' ನಿನಗೆ ಡ್ಯಾನ್ಸ್ ಯಾರು ಕಳಿಸಿದ್ದು..? ನಾನಾ.. ಅಲ್ಲ ಆ ಟೀಚರ..? ಆ ಘಟನೆ ಅಲ್ಲಿಗೆ ಮುಗಿಬೋದು.. ಆದರೆ ನಮ್ಮ ಆಲೋಚನೆ ಇಲ್ಲಿಗೆ ಮುಗಿಬಾರ್ದು..ನಮ್ಮ ಮಕ್ಕಳು ಎಲ್ಲಿದ್ದರೂ ಸಂತಸದಲ್ಲಿ ಇರಬೇಕು...ಅಂತಹ ವಾತಾವರಣ ನಿರ್ಮಾಣ ಗೊಳ್ಳುವ ಮಕ್ಕಳೊಂದಿಗೆ ವ್ಯವಹರಿಸೋಣ....

2010-03-23T10:06:00.000-07:00

ಪುತ್ತೂರು ಬ್ರಹ್ಮ ರಥೋತ್ಸವದ ಫೋಟೋಗಳು...ನೋಡಿ.. ಪ್ರತಿಕ್ರಿಯಿಸಿ...
ಚಿತ್ರ ; ಮೌನೇಶ್ ವಿಶ್ವಕರ್ಮ

2009-01-28T08:16:00.000-08:00

2009-01-28T07:39:00.000-08:00

ದಿನ ಹೋದಂತೆ ಪಡಿತರ ಚೀಟಿ ಸಮಸ್ಯೆ ಹೆಚ್ಚುತ್ತಿದೆ.... ಇದನ್ನು ಅಣಕಿಸಲು ಇದೊಂದು ಸಣ್ಣ ಸೂಜಿ.

2009-01-27T07:27:00.000-08:00

gana,gani rajyotsava.....

ನಾನು ಇವತ್ತು ನಿಮ್ಮೊಂಧಿಗೆ ಹಂಚಿಕೊಳ್ಳುವ ವಿಷಯ ನಿಮಗೆ ಗೊತ್ತಿರುವುದೇ ಅಗಿಧೆ .ಜನವರಿ ೨೬ ನಾವೆಲ್ಲ ಗಣರಾಜ್ಯೋತ್ಸವ ವನ್ನು ಆಚರಿಸಿದ್ದೇವೆ. ಇ ಬಾರಿಯ ಗಣ ರಾಜ್ಯೋತ್ಸವ ಕ್ಕೆ ನಾವು ಬೇರೆ ಬೇರೆ ಹೆಸರು ನೀಡಬಹುದು ಅಂತ ನಾನು ತಿಳಿದುಕೊಂಡಿದ್ದೇನೆ.
ರಾಜ್ಯದಲ್ಲಿ ಈಗ ಗಣಿ ದೊರೆಗಳ ಸರ್ಕಾರ ಇರೋದ್ರಿಂದ ಮತ್ತು ಅವರೇ ಸರ್ಕಾರಕ್ಕೆ ಆಕ್ಸಿಜನ್ ಆಗಿರೋದ್ರಿಂದ ಇ ಬಾರಿಯ ಗಣರಾಜ್ಯೋತ್ಸವ ವನ್ನು ಸ್ವಲ್ಪ ಬದಲಾವಣೆ ಮಾಡಿ 'ಗಣಿ ರಾಜ್ಯೋತ್ಸವ' ಅಂತ ಕರೆಯೋಣವೇ...?
ಸೂರ್ಯ ಗ್ರಹಣವು ಅಧೇ ದಿನ ಬಂದಿರುವುದ್ರಿಂಧ 'ಗ್ರಹಣ ಗಣರಾಜ್ಯೋತ್ಸವ' ಅಥವಾ 'ಗ್ರಹಣ ರಾಜ್ಯೋತ್ಸವ' ಅಂತಲೂ ಕರೆಯಬಹುದು ಆಲ್ವಾ...
idarallu namage gra bedavendadare navu hana rajyotsava anthalu kreya bahudu...alvaa..
neev Enanteeri.. idu sariye,tappe.. sariyadare eshtu, tappadare eshtu...... charche maduva...

2008-11-13T10:14:00.000-08:00

2008-11-13T10:11:00.000-08:00

2008-10-29T23:08:00.000-07:00

ಮನಸಿನ ತುಂಬ ಬರಿಯ ಬ್ರಮೆಗಳು ತುಂಬಿದೆ
ಅದನ್ನೆಲ್ಲ ಏನ ಮಾಡಲಿ
ನೆರಳಿನಂತೆ
ಹಿಂದೆ ಹಿಂದೆಯೇ ಬರುತಿದೆ
ಚಂಚಲ ವಾಗಿಹುದು
ನನ್ನ ಮನ
ಸೂತ್ರವಿಲ್ಲದ ಗಾಳಿ ಪಟದಂತೆ

2008-10-16T07:31:00.000-07:00

ಅಟ್ಟ ಮುಟ್ಟ ನಾಟಕೋತ್ಸವ ನವೆಂಬರ್ ೨೭-೨೮-೨೯-೩೦ ಪುತ್ತೂರು................. ಬನ್ನಿ ..........................

2008-10-01T11:36:00.000-07:00

ಗ್ರೇಟ್ ಕನ್ನಡಿಗ

ಅ ದಿನ ಕರ್ನಾಟಕದ ಹದಿಮೂರು ಮಂದಿ ನವ ದೆಹಲಿಗೆ ಹೊರಟಿದ್ದವರು ತಡ ರಾತ್ರಿ ೩ ಗಂಟೆಯ ಸುಮಾರಿಗೆ ದೆಹಲಿಯ rasteylli ಬಸ್ಸಿನಿಂದ ಇಳಿದರು.
ಆಗಲೇ ಎಲ್ಲಿದ್ದರೋ ಏನೋ ಗೊತ್ತಿಲ್ಲ, ಎಂಟು-ಹತ್ತು ಮಂದಿ riksha ಚಾಲಕರು, ಹಿಂದಿಯಲ್ಲಿ ಒಂದೆ ಸಮನೆ ''ನಿಮಗೆ ಎಲ್ಲಿಗೆ ಹೋಗಬೇಕು... ಬನ್ನಿ'' ಎಂದು ಕೇಳತೊಡಗಿದರು. ಅ ಕನ್ನಡಿಗರು ಒಮ್ಮೆಗೇ ಹೆದರಿಕೊಮ್ದರು, ತಮಗೆ ಇನ್ನು ಹದಿನೈದು k.m ದೂರ ಹೋಗಬೇಕು, ಎಂದು ಮಯೂರಿ ನಗರದ ಹೆಸರು ಹೇಳಿದಾಗ, ಅ ನಗರಕ್ಕೆ ಇಲ್ಲಿಂದ ೨೫ k.m ದೂರ ಇದೆ, ೨೫೦ ರು. ಆಗ್ತದೆ ಎಂದು ರಾಷ್ಟ್ರ ಭಾಷೆ ಹಿಂದಿಯಲ್ಲಿಯೇ ಹೇಳಿದರು. ಅ ತಂಡದ ಬಳಿಯೂ ತುಂಬ ಲಗೇಜುಗಳು ಇದ್ದ ಕಾರಣ ಬೇರೇನೂ ಮಾಡುವಂತಿರಲಿಲ್ಲ. ಒಲ್ಲದ ಮನಸ್ಸಿಂದ ನಾಲ್ಕು rikshagaLige tala ೨೫೦ ರಂತೆ ಬಾಡಿಗೆ ಕೊಡುವುದಾಗಿ , ಇಬ್ಬರು ಪೊಲೀಸರು ಬೈಕಿನಲ್ಲಿ ಬಂದಿಳಿದರು. ಕನ್ನಡಿಗರೆಂದು ಅರಿತು, ತಂಡದ ವಿಧ್ಯರ್ಥಿನಿಯೋಬ್ಬಳಲ್ಲಿ, ನಿಮಗೆ ಎಲ್ಲಿಗೆ ಹೋಗಬೇಕು ಎಂದು ಅಚ್ಚಾ ಕನ್ನಡದಲ್ಲಿ ಕೇಳಿದಾಗ ಆಕೆ ಒಮ್ಮೆಗೇ ಹೆದರಿ, ಡೆಲ್ಲಿಗೆ ಹೋಗಬೇಕು ಎಂದು ಬಿಟ್ಟಳು, ಆಗ ಅದೇ ಪೋಲಿಸ್ ಅಧಿಕಾರಿ ನಕ್ಕು, ಏನಮ್ಮ ದಿಲ್ಲಿಯಲ್ಲೇ ನಿಂತು, ದಿಲ್ಲಿಗೆ ಹೋಗ್ತೀರಾ...? ಎಂದು ಕೇಳಿದರು
ಆಮೇಲೆ ಅ ಗುಂಪಿನ ಹಿರಿಯರಲ್ಲಿ ಮಾತನಾಡಿದ ಅವರು, ದುಪ್ಪಟ್ಟು rate ಹೇಳಿದ ರಿಕ್ಷ ಚಾಲಕರಿಗೆ, ದಬಾಯಿಸಿ ೧೫೦ ಸಾಕು ಎಂದು ಸೂಚಿಸಿದರು.
ಅಷ್ಟಕ್ಕೂ ಅ ಹೊತ್ತಿನಲ್ಲಿ ಅ ಕನ್ನಡಿಗ ತಂಡದೆದುರು ದೇವರಂತೆ ಪ್ರತ್ಯಕ್ಷರಾದ ಅ ಪೋಲಿಸ್ ಯಾರೆಂದು ಗೊತ್ತೇ...? ಅವರಾಗಿ ಯಾರೆಂದು ಹೇಳದೆ ಇದ್ದಾಗ ,ಅ ತಂಡದ leader ಅವರ ಬಗ್ಗೆ ಕೇಳಿದರು. ಆಗ ಅವರು, ನನ್ನ ಹೆಸರು ಪ್ರಬಾಕರ್ ನಾನು ಮೂಲತಃ bengalooru . ತಾಲೂಕಿನ ಅಳಿಕೆ ವಿದ್ಯಾಸಂಸ್ಥೆಯ ಓಲ್ಡ್ ಸ್ಟುಡೆಂಟ್ .. ಎಂದು hELidAga A ಕನ್ನಡಿಗರಿಗೆ ಅವರ ಮೇಲೆ ಅಬಿಮಾನ ಮುಡಿ ಬಂತು. ಈಗ ದೊಡ್ಡ ಹುದ್ದೆಯಲ್ಲಿದ್ದರು, ತನ್ನುರಿನವ್ರು ಎಂಬ prItiyiMda mAdida ಇಂಥvaru ತುಂಬ ಅಪರೂಪ ಅಲ್ವ... ನೀವೇನ್ ಹೇಳ್ತಿರ...

2008-09-26T06:50:00.001-07:00

2008-09-25T22:47:00.000-07:00

2008-09-25T22:28:00.001-07:00

ಅವ್ನು ಹೇಳಿದ ಮಾತುಗಳು ನನ್ನ ಮನಸುಗಳನ್ನು ತುಂಬಾ ಕಾಡುತಿತ್ತು . ಆದರೆ ನಾನು ಅಧರ ಬಗ್ಗೆ ಹೆಚ್ಚು ಗಮನ ಹರಿಸಲಿಲ್ಲ . ಹಾಗಾಗಿ ನನಗೆ yOchane illa

2008-03-06T04:43:00.000-08:00

ಬ ದುಕು ಎ೦ಬುದು ದೊಡ್ಡ ಪ್ರಶ್ನೆ. ಅದಕ್ಕೆ ಉತ್ತರಿಸುವ ಪ್ರಯತ್ನದಲ್ಲಿ ನಮ್ಮ ಜೀವನದ ಯಶಸ್ಸು ಅಡಗಿದೆ .

2008-03-06T03:14:00.000-08:00

ತಾಯಿಗಿ೦ತ ಬ೦ಧುವಿಲ್ಲ ಉಪ್ಪಿಗಿ೦ತ ರುಚಿಯಿಲ್ಲ

ಮೌನವೇ ರಾಗ

ಸೆಝ್‌ಗಾಗಿ ನೇತ್ರಾವತಿಗೆ ಮತ್ತೆ ಕನ್ನ

....................................................................................

ಸೀನಿಯರ್ ಸಿಟಿಜ್ಹನ್.........

.ಈ ಬಾರಿ ದಸರಾ ರಜೆ ಇಲ್ಲ...? ದಸರಾ ಪರೀಕ್ಷೆ...?

ಸ್ವಾಮಿ ದೇವನೇ "ಲೋಕಪಾಲ"ನೇ.... ………………………….. ಅಣ್ಣಾ..ಅಣ್ಣಾ..ಅಣ್ಣಾ.. ನಿನ್ನಯ ಕನಸು ಸರಿಇಹುದಣ್ಣಾ

ನಿನ್ನಯ ನಡೆಯು ಸರಿಇಹುದಣ್ಣಾ

ನಡೆ ಮುಂದಕೆ ನಡೆಮುಂದಕೆ..

ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ ಅಣ್ಣಾ...ಅಣ್ಣಾ...

ಗಾಂದೀ ಮಾರ್ಗದಿ ನಡೆಯುವೆ ನೀನು

ಗಾಂಧೀ ಶಕ್ತಿಯ ತೋರಿದೆ ನೀನು ನಡೆಮುಂದಕೆ

ನಡೆಮುಂದಕೆ ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ ಅಣ್ಣಾ...ಅಣ್ಣಾ...

ಯಾರೋ,ಎಂದೋ ಮಾಡಬೇಕಿತ್ತು ಇದನು

ನೀ ತೆಗೆದುಕೊಂಡೆ ಈ ಹೋರಾಟದ ಮುಂಚೂಣಿಯನು

ನಡೆಮುಂದಕೆ ನಡೆಮುಂದಕೆ

ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ..ಅಣ್ಣಾ..ಅಣ್ಣಾ..

"ಪ್ರಬಲ ಲೋಕಪಾಲ" ಜಾರಿಯಾಗಲಿ

ಸತ್ಯ,ನ್ಯಾಯ ನಿಷ್ಠೆಗೆ ಜಯ ಸಿಗಲಿ

ನಡೆಮುಂದಕೆ ನಡೆಮುಂದಕೆ

ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ..ಅಣ್ಣಾ..ಅಣ್ಣಾ.. ನಿನಗೆ ಬೆಂಬಲವಾಗಿಹರು ಕೋಟಿಕೋಟಿ ಜನ

ಕೇಳುತಿದೆ,ಕಾಣುತಿದೆ "ಅಣ್ಣಾಕೀ ಜೈ" ಎನ್ನುವ ಜನ

ನಡೆಮುಂದಕೆ ನಡೆಮುಂದಕೆ ಕುಗ್ಗದೆಯೇ ಜಗ್ಗದೆಯೇ ನಡೆಮುಂದಕೆ....

ಅಣ್ಣಾ..ಅಣ್ಣಾ..ಅಣ್ಣಾ..

ಮುಂದಿರುವ ನೀ ಒಮ್ಮೆ ತಿರುಗಿ ನೋಡಣ್ಣಾ...

ನಿನಗೆ "ಜೈ" ಎನ್ನುವ ಕೋಟಿ ಕೋಟಿ

ಜನರಾಶಿಯಲ್ಲಿ ಅಡಗಿಹರು ಭ್ರಷ್ಟರು ಅದೆಷ್ಟೋ ಕೋಟಿ..

ನಡೆಮುಂದಕೆ..ನಡೆಮುಂದಕೆ..ಭ್ರಷ್ಟರನು ದೂರವಿಡುತ...

ಅಣ್ಣಾ..ಅಣ್ಣಾ..ಅಣ್ಣಾ...

ನಿನಗೆ ಜೈ ಎನುವ, ನಾವಲ್ಲ ಭ್ರಷ್ಟರು

"ಅಣ್ಣಾ ಪರ" ನಾವೆಲ್ಲರೂ ಎನ್ನುತರಿವರು

ಅವರ ಮಾತಿಗೆ ಹಿಗ್ಗದೆಯೇ, ಕುಗ್ಗದೆಯೇ ನಡೆಮುಂದಕೆ

"ಮಹಾತ್ಮಾಗಾಂಧೀ" ಮಾರ್ಗದಿ...... "ಮಹಾತ್ಮಾಗಾಂಧೀ" ಮಾರ್ಗದಿ...... -ಮೌನೇಶ್ ವಿಶ್ವಕರ್ಮ

ಬರ್ಪಿ ಜಲಪಾತವ ನೋಡ ಬನ್ನಿ..........

ಮಕ್ಕಳ ಪುಸ್ತಕಗಳಲ್ಲಿ "ಅಶ್ಲೀಲ ಲೇಬಲ್" ಗಳು..!

UDYAWAR TIMES: Bantwal: Mindless Polluting of Netravati River Worries Users

ಆಟ ರಂಗಾಟ..

ಎಂಥ ಅವಸ್ಥೆ ಆಲ್ವಾ..ಛೆ...ಹೀಗಾಗಬಾರದಿತ್ತು...

ಮಕ್ಕಳ ಮನಸ್ಸು....

ಸ್ವಾಮಿ ದೇವನೇ "ಲೋಕಪಾಲ"ನೇ....

…………………………..
ಅಣ್ಣಾ..ಅಣ್ಣಾ..ಅಣ್ಣಾ.. ನಿನ್ನಯ ಕನಸು ಸರಿಇಹುದಣ್ಣಾ

"ಮಹಾತ್ಮಾಗಾಂಧೀ" ಮಾರ್ಗದಿ...... "ಮಹಾತ್ಮಾಗಾಂಧೀ" ಮಾರ್ಗದಿ......

-ಮೌನೇಶ್ ವಿಶ್ವಕರ್ಮ